Ramadan Rush

Ramadan Rush atamasi ilk bor 2011-yilda Britaniya OAVlari tomonidan qoʻllanilgan va keyinchalik chakana savdo sektori tomonidan qabul qilingan. Sababi Birlashgan Qirollik Ramazon davri atrofida (oʻsha yili u 1-avgustga toʻgʻri kelgan) badavlat Yaqin Sharqlik mehmonlarning juda katta oqimi hududga kelayotganligi sezila boshlagan edi.

2012-yilda New West End Company, Oksford-strit, Bond-strit va Regent-stritdagi chakana sotuvchilar uchun boshqaruv kompaniyasi, shunday izoh berdi: „Ramadan Rush – bu toʻliq bir hodisa… Bu biz (Birlashgan qirollik) uchun millionlab funtga arziydi – oʻtgan yili Ramazondan oldingi shoshilish davrida Yaqin sharqlik mehmonlar taxminan 120 million funt sarflagan, ammo bu har yili oʻsib bormoqda. Biz bu yil (2013) oʻn foizga oshishini kutyapmiz“. Bond-strit va Meyferdagi koʻplab chakana sotuvchilar hashamatli mijozlariga moslashish uchun kechgacha ishlash, arabcha gapiradigan xodimlarni yollash hamda Global Blue va Premier Tax Freeni oʻz ichiga olgan soliq qaytarish xizmatlarini taqdim etish orqali xizmat koʻrsatgan.

Ramazon sanalari har yili oʻzgarib turishi sababli, „Ramadan Rush“ atamasi iyul va avgust oylarida, badavlat Yaqin Sharq mamlakatlari fuqarolari Fors koʻrfazi davlatlari issigʻidan qochib Birlashgan Qirollikka kelib, oʻzlari bilan supercarlarini ham olib keladigan davr – „Superkar mavsumi“ atamasi bilan ham bogʻlanadi.

Ushbu hodisa yoz mavsumida badavlat Fors koʻrfazi mehmonlarining Londonning hashamatli hududlariga koʻrinadigan taʼsiri tufayli xalqaro OAV eʼtiborini ham tortgan. Mehmonxonalar, yuqori darajadagi univermaglar va dizayner butiklari mavsumiy oqimga tayyorgarlik koʻrish uchun koʻpincha ish vaqtini uzaytiradi hamda Yaqin Sharqdan kelgan xaridorlarga moslashtirilgan maxsus xizmatlarni taklif qiladi. Hashamatli avtomobillar va katta xarid byudjetlari bilan keladigan mehmonlar shahar turizmi va chakana savdo iqtisodiyotining ayrim qismlari uchun bu davrda sezilarli oʻsish omiliga aylishgan.

Yana qarang

• Birlashgan Qirollikda Ramazon