Qoʻshchi
Qoʻshchi – qadimiy turkiy qabilalardan biri. VI—VII asrlarda Turk xoqonligi tarkibida boʻlgan. Moʻgʻullar istilosi paytida Dashti Qipchoqqa kelib joylashgan. XVI asr boshlarida Shayboniyxon qoʻshinlari tarkibida Movarounnahrga kelishgan. Ular Shayboniylar va Ashtarxoniylar davlatlarining boshqaruv tizimida faol ishtirok etganlar. Buxoro amirligi davrida qoʻshchilarning vakillari taxtga chiqarish marosimida ishtirok etishgan. XIX asr oxiri XX asr boshlarida qoʻshchilar quyidagi urugʻlarga boʻlingan: qashgʻarlik, toʻqqiz-novcha, shix-sayod, moli. Ularning katta qismi Samarqand viloyatining Urgut, Jomboy tumanlari, shuningdek, Jizzax viloyatida ham yashagan. Qoʻshchilar, asosan, dehqonchilik va chorvachilik bilan shugʻullanib, XVI—XVII asrlar davomida oʻtroqlashib keyinchalik oʻzbek xalqi tarkibiga singib ketgan.
Chingizxon avlodi sifatida qoʻshchilar koʻriladi. Chiroqchi tumanida dashli yerlarda yashaydilar. Oʻzlarini quchi yoki qoʻshchi sifatida atashadi. Ugaday xon oʻgʻli qoʻshchining avlodlari sifatida koʻriladi.
Qoʻshchilarning ayrim guruhlari turkman, qirgʻiz, qozoq va boshqirdlar tarkibiga kirgan[1].
Manbalar
- ↑ „Qoʻshchi“, Fayl:National Encyclopedia of Uzbekistan logo.png Oʻzbekiston milliy ensiklopediyasi: 11-jild (Qizilqumit — Hoʻrmuz). Toshkent: „Oʻzbekiston milliy ensiklopediyasi“ Davlat ilmiy nashriyoti, 2005 — 608-bet.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Oʻzbekiston tarixi haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |