Pablo Neruda: Versiyalar orasidagi farq
Oʻzbek imlo, tinish belgilari, ichki havolalar va turkumlar tuzatildi | Oʻzbek imlo, tinish belgilari, ichki havolalar va turkumlar tuzatildi |
2026-yil 20-noyabr, 23:29 dagi (joriy) koʻrinishi
| Pablo Neruda | |
|---|---|
![]() | |
| Tavalludi |
12-iyul 1904-yil |
| Vafoti |
23-sentyabr 1973-yil (69 yoshda) Santyago, Chili |
| Kasbi | shoir, diplomat, siyosiy shaxs |
| Mukofotlari |
|
Pablo Neruda (taxallus, haqiqiy ismi Neftalí Ricardo Reyes Basoalto, Neftali Rikardo Reyes Basualto) (1904—1973) — chililik shoir, diplomat. Otasi temir yoʻl xizmatchisi va maktab oʻqituvchisi boʻlib, shoirning goʻdakligidayoq sildan vafot etgan. Pablo shahar litseyiga qatnadi, koʻp oʻqidi. 10 yoshidan boshlab she'r yozdi. 16 yoshida Pablo Neruda taxallusi bilan sheʼrlar bostirdi. Oiladagilari adabiyotni yoqtirishmagani uchun u ismini yashirgan. Keyingi yili u Santyagodagi pedagogika institutining fransuz tili boʻlimiga kirdi. "Bayram qoʻshigʻi" deb atalgan sheʼri Chili talabalari federatsiyasi tomonidan taʼsis etilgan birinchi mukofotga sazovor boʻldi. U shu sheʼrining mualliflik huquqini sotib, puliga oʻzining ilk sheʼriy toʻplamini nashr ettirdi (1923 - y). Undan keyin shoirning shuhrati oshdi. Pablo oʻqishni tashlab, sheʼriyatga shoʻngʻib ketdi. 1926 - yil chop ettirgan "Oʻlmaydigan odamning xatarli qadami" toʻplamida u sheʼrning anʼanaviy oʻlchamlari va qofiyalaridan voz kechib, ichki kechinmalarni syurrealizmga yaqin til va obrazlar bilan ifodaladi. Lotin Amerikasidagi anʼanalarga koʻra, taniqli shoirlar diplomatik ishlarga jalb qilinardi. Nerudani ham 1927 - yili shunday ishga taklif qilishdi. Besh yil mobaynida turli xil mamlakatlarga elchilik qildi. Shu davrda uylandi. Bir necha jildlik kitob yozishni moʻljallab, "Yashash joyi - Yer" (1933 - y.) nomli kitobining birinchisini yozdi. Ispaniyada fuqarolar urushi boshlanishi bilan Nerudaning sheʼrlari siyosiylashdi. Uning "Ispaniya yuragimda" kitobini odamlar okoplarda ham oʻqishdi. Shu davrda shoir Chili hukumati tomonidan elchilikdan chiqarib yuborildi. Chili prezidenti Gabriel Gonsales Vedeluni AQSh qoʻgʻirchogʻi deb haqoratlagani uchun davlatga xiyonatda ayblandi, Meksikaga qochib ketdi. Oʻsha yerda 340 sheʼrdan iborat monumental asari "Umumjahon qoʻshigʻi" (1950 - y.)ni yozdi. 1970 - yili Chili kompartiyasi Nerudani Prezidentlikka nomzod qilib koʻrsatdi, biroq u nomzodini qaytib oldi. 1971 - yili Pablo Nerudaga "Butun qit'a taqdirini gʻayritabiiy kuch bilan oʻziga jo qilgan poeziyasi uchun" Nobel mukofoti berildi. 1973 - yil 23 - sentyabr kuni qattiq betob yotgan Nerudaning uyiga fashistlar suv bostirib yubordilar va uni halok etdilar.
Manbalar
[tahrir | manbasini tahrirlash]Havolalar
[tahrir | manbasini tahrirlash]| Vikiiqtibosda Pablo Nerudaga tegishli iqtiboslar mavjud. |
| Yozuvchi, shoir yoki dramaturgga oid uşbu maqola çaladir. Siz uni boyitib, ZiyoSferaga yordam berişingiz mumkin. |
