Laylakqoʻndi masjidi

Oxunguzar masjidi, 2024-yil

Laylakqoʻndi masjidi yoki Oxunguzar 1 masjidi – Toshkent shahar Olmazor tumanidagi masjid. XVIII asrda qurilgan ushbu meʼmoriy yodgorlik Toshkentning Eski shahar mavzesida, Zarqaynar koʻchasi 2/2-uy manzilida joylashgan. Qoʻqon xoni Norboʻtabiy farmoniga koʻra 1775-yilda toshkentlik ustalar tomonidan qurilgan. Bozorga yaqin boʻlganligi uchun faqat masjid emas, karvonsaroy sifatida ham xizmat qilgan. Masjid poydevori Mirzo Ulugʻbek davridagi qurilish uslubida pishiq gʻishtdan 1,5—1,75 m qalinlikda tiklangan. Devorlarining qalinligi 1.0 m ni, tashqi devorlar balandligi 5,X m ni tashkil qiladi. Taʼmirlash-tiklash ishlari jarayonida oʻtkazilgan qazishlar natijasila XVII—XIX asrlarga oid sopol buyumlar – naqshlar bilan bezalgan kosa, lagan parchalari, uzunligi 36,5 sm, ichki diametri oʻlchamlari 12,5 va 15 sm boʻlgan suv oʻtkazish quvuri topildi.

Shoʻrolar davrida Laylakqoʻndi masjididan jamgʻarma kassa va omborxona sifatida foydalanilgan. Old tomonini toʻsib turish maqsadida xoʻjalik mollari doʻkoni qurilgan. 2005-yilning iyun-sentyabr oylarida masjid binosi qayta tiklandi. Taʼmirlash ishlariga Samarqand va Toshkentning mashhur ustalari jalb qilindi. Masjid binosi yoniga X ustunli oʻymakor yogʻoch ayvon qurildi. Atrofi obodonlashtirildi. Masjid binosi yangi qurilgan Oʻzbek liboslari galereyasi va Bolsyur ijodiyoti uyi binolari bilan uygunlashib, Eski joʻvaga oʻzgacha husn berdi.

Oʻzbekiston Respublikasi Vazirlar Mahkamasining qarori bilan 2019-yil 4-oktyabrda Moddiy madaniy merosning koʻchmas mulk obyektlari milliy roʻyxatiga kiritilgan – davlat muhofazasiga olingan.