Olga Danilović
| Olga Danilović | |
|---|---|
.jpg) Danilović 2023-yilgi Wimbledon chempionatida | |
| Mamlakat |
 Serbiya |
| Istiqomat joyi | Belgrad, Serbiya |
| Tugʻilishi |
2001-yil 23-yanvar Belgrad, FR Yugoslaviya |
| Boʻyi | 1,82 sm |
| Ishlatadigan qoʻli | Chapaqay |
| Murabbiy | Alejandro Garsia Senzano |
| Olgan jami pul mukofot(lar)i miqdori | $2 806 831 |
| Yakkalik bahslar | |
| Jami titullari | 2 |
| Eng yuqori pozitsiyasi | 32-oʻrin (14-iyul 2025) |
| Joriy pozitsiyasi | 67-oʻrin (17-noyabr 2025) |
| „Katta dubulgʻa“ turniri yakkalik bahslari natijalari | |
| Australian Open | 4-bosqich (2025) |
| French Open | 4-bosqich (2024) |
| Wimbledon | 2-bosqich (2025) |
| US Open | 2-bosqich (2021) |
| Juftlik bahslari | |
| Jami titullari | 2 |
| Eng yuqori pozitsiyasi | 90-oʻrin (27-oktyabr 2025) |
| Joriy pozitsiyasi | 92-oʻrin (17-noyabr 2025) |
| „Katta dubulgʻa“ turniri juftlik bahslari natijalari | |
| Australian Open | 2-bosqich (2026) |
| French Open | Chorak final (2025) |
| „Katta dubulgʻa“ turniri aralash juftlik bahslari natijalari | |
| US Open | 1-bosqich (2025) |
| Jamoa musobaqalari | |
| Fed Cup | 12–8 (yakkalik 7–3) |
| Soʻnggi marta yangilandi: 24-noyabr 2025. | |
Olga Danilović (2001-yil 23-yanvarda tugʻilgan) — serbiyalik professional tennischi. 2025-yil 14-iyulda WTA tasnifida yakkalik bahslarida eng yuqori natijasini qayd etib, dunyo boʻyicha 32-oʻrinni egallagan. Juftlik bahslarida esa 2025-yil 27-oktyabrda 90-oʻrinni qayd etgan. Hozirda yakkalik bahslarida Serbiyaning 1-raqamli ayol oʻyinchisi hisoblanadi. WTA turida yakkalik yoʻnalishida ikki marta, juftlik bahslarida ikki marta chempion boʻlgan.
WTA Challenger turida sportchi yakkalik bahsida ikki marta, juftlik oʻyinlarida bir marta chempionlikni qoʻlga kiritgan. Shuningdek, ITF turida yakkalik oʻyinlarida yetti marta, juftlik oʻyinlarida bir marta gʻolib chiqqan. Serbiya sharafini himoya qilgan holda 2025-yil iyun holatiga koʻra, Billie Jean King kubogi musobaqalarida 12 ta oʻyinda gʻalaba qozonib, 8 ta oʻyinda magʻlub boʻlgan.
Yoshligi
Danilovićning otasi serbiyalik sobiq basketbolchi Predrag Danilović, onasi Svetlana (turmushdan oldingi familiyasi Radushevich) esa Serbiya radiosi va televideniyesida sport muxbiri boʻlib ishlaydi[1]. Uning ota-onasi oʻsmirlik chogʻida basketbol oʻyinida tanishgan[2]. Sportchining Sonya ismli singlisi va Vuk ismli ukasi bor[3].
Yoshlar oʻyinlari
Yoshlar oʻrtasida Danilović yakkalik bahslarida 97 ta oʻyinda gʻalaba qozonib, 33 ta oʻyinda magʻlub boʻlgan. Juftlik bahslarida esa 72 ta gʻalaba, 24 ta magʻlubiyat koʻrsatkichini qayd etgan. 2018-yil yanvarida ITF yoshlar oʻrtasidagi kombinatsiyalangan jahon reytingida 5-oʻringa koʻtarilgan[4].
Sportchi uch marta juftlik bahslari boʻyicha yirik chempionatlarda gʻoliblikni qoʻlga kiritgan. Jumladan, 2016-yilgi Fransiya ochiq chempionati turnirida Paula Arias Manjón bilan, 2017-yilgi Wimbledon musobaqasida Kaya Juvan bilan va 2017-yilgi AQSh ochiq chempionatida Marta Kostyuk bilan musobaqada gʻalaba qozongan[5].
Professional faoliyati
_(cropped).jpg){kind=link}
Danilović mart oyida oʻzining ilk 25 ming dollarlik turniri — Santa Margerita-di-Puladagi musobaqasida chempion boʻldi. May oyida esa u Madriddagi „Premier Mandatory“ turnirining saralash bahslarida qatnashish uchun yoʻllanmani qoʻlga kiritdi. Musobaqada sobiq Top-30 talik reytingga kirgan oʻyinchi Kateryna Volodkoni magʻlub etib, saralashning soʻnggi bosqichida Arina Sabalenkaga oʻyinni boy berdi. Iyul oyi oʻrtalarida Danilović oʻzining ilk 60 ming dollarlik turniri chempionligini qoʻlga kiritdi. Musobaqa finalida sobiq Top-30 talikdan joy olgan oʻyinchi Laura Siegemund ustidan gʻalaba qozondi. Ushbu musobaqa Versmoldda boʻlib oʻtgan edi. Shuningdek, sportchi vatandoshi Nina Stojanović bilan birga shu turnirning juftlik bahslarida ham finalga chiqishga muvaffaq boʻldi[6].
Iyul oyi oxirida Danilović oʻzining ilk WTA turi yakkalik chempionligini Moskvadagi turnirda qoʻlga kiritdi. Musobaqa finalida u Anastasiya Potapovani uch setda magʻlub etdi. Danilović shunday qilib uchinchi ming yillikda (2000-yildan keyin) tugʻilgan va WTA turi yakkalik chempionligini qoʻlga kiritgan ilk oʻyinchiga aylandi.
Manbalar
- ↑ Prasad Dhar, Deba „Only 17, fast-emerging Olga Danilovic ready for the leap“. Mumbai Mirror (2018-yil 3-noyabr). Qaraldi: 2024-yil 31-may.
- ↑ „Новинарка је заволела нашег ПРОСЛАВЉЕНОГ КОШАРКАША још у СРЕДЊОЈ ШКОЛИ, али њихова ћерка руског имена је та о којој се у Србији прича (ФОТО)“ (sr). Србија данас (2018-yil 9-dekabr). Qaraldi: 2024-yil 31-may.
- ↑ Стојановић, Александар „Олга је темпераментна на тату, али јој је узор ипак неко други“ (sr). РТС (2020-yil 7-aprel). Qaraldi: 2024-yil 31-may.
- ↑ „OD Juniors Overview“.
- ↑ „Korak do istorije – Olga osvojila i US open!“.
- ↑ „Danilovic / Stojanovic“. Tennis Explorer. Qaraldi: 2025-yil 27-avgust.