Anastasiya Potapova
| Anastasiya Potapova | |
|---|---|
.jpg){kind=spacer} Potapova 2025-yilgi Transilvaniya ochiq chempionatida | |
| Toʻliq ismi | Anastasiya Sergeyevna Potapova |
| Mamlakat |
 Avstriya (2025-yil dekabrdan) Rossiya (2014–2025) |
| Tugʻilishi |
2001-yil 30-mart Saratov, Rossiya |
| Boʻyi | 1,75 sm |
| Ishlatadigan qoʻli | Oʻng qoʻl |
| Murabbiy | Dorian Descloix (2024-yil iyundan) |
| Olgan jami pul mukofot(lar)i miqdori | $5 311 647 |
| Yakkalik bahslar | |
| Jami titullari | 3 |
| Eng yuqori pozitsiyasi | 21-oʻrin (2023-yil 19-iyun) |
| Joriy pozitsiyasi | 59-oʻrin (2025-yil 22-sentyabr) |
| „Katta dubulgʻa“ turniri yakkalik bahslari natijalari | |
| Australian Open | 3-bosqich (2021, 2026) |
| French Open | 4-bosqich (2024) |
| Wimbledon | 3-bosqich (2023) |
| US Open | 3-bosqich (2024) |
| Juftlik bahslari | |
| Jami titullari | 3 |
| Eng yuqori pozitsiyasi | 40-oʻrin (2022-yil 5-dekabr) |
| Joriy pozitsiyasi | 128-oʻrin (2025-yil 22-sentyabr) |
| „Katta dubulgʻa“ turniri juftlik bahslari natijalari | |
| Australian Open | chorak final (2022) |
| French Open | chorak final (2025) |
| Wimbledon | 1-bosqich (2019, 2021, 2024) |
| US Open | 2-bosqich (2022, 2023) |
| Jamoa musobaqalari | |
| Soʻnggi marta yangilandi: 2025-yil 22-sentyabr. | |
Anastasiya Sergeyevna Potapova (2001-yil 30-martda tugʻilgan) Rossiyada tugʻilgan avstriyalik professional tennischi. 2023-yil 19-iyunda WTA (Jahon tennis assotsiatsiyasi) tasnifida yakkalik bahslarida eng yuqori 21-oʻrinni egallagan va bu uning sport faoliyatidagi eng yuqori natija hisoblanadi. Juftlik bahslarida esa 2022-yil 5-dekabrda dunyo reytingida 40-oʻrinni qayd etgan. WTA turida yakkalik bahsida uch karra, juftlik bahsida ham uch karra chempionlikni qoʻlga kiritgan. Yoshlar oʻrtasida dunyo reytingida 1-raqamli tennischi boʻlgan, 2016-yilgi Wimbledon turniri qizlar oʻrtasidagi yakkalik bahsi chempionligini egallagan.
Sportfaoliyati
Yoshlar
_(21633694305).jpg)
Yoshlar turida Potapova 2016-yil iyulda dunyo reytingida 1-oʻrinni qayd qilgan. Sportchi yoshlar turida katta muvaffaqiyatlarga erishdi, jumladan, 2016-yilgi Fransiya Ochiq chempionatida yarim final, 2016-yilgi Avstraliya Ochiq chempionati va 2015-yilgi Wimbledon chempionatida chorak final, shuningdek, juftlik bahslarida 2015-yilgi US Ochiq chempionati va 2016-yilgi Fransiya Ochiq chempionati finaliga chiqdi. Tennischi 2016-yilgi Wimbledon chempionatida qizlar oʻrtasida yakkalik bahslarida gʻolib boʻlgan. Ushbu musobaqada sportchi finalda Dayana Yastremskani magʻlub etishga muvaffaq boʼlgan[1][2]. Aynan shu natija uni yoshlar oʼrtasida dunyodagi birinchi raqamli tennischisiga aylantirgan[manba kerak].
Potapovaning yoshlar oʼrtasidagi musobaqalarda qayd etgan boshqa natijalari qatoriga ikkita A-darajali turnir — Trofeo Bonfiglio va Orange Bowl chempionatlari kirib, ushbu oʼyinlarda sportchi yarim finalga qadar yetib borgan. Wimbledon turniridan tashqari Potapova yana bir yirik musobaqa — yoshlar oʼrtasida Rouhemptonda oʼtkazilgan Nike xalqaro oʼsmirlar 1-darajali turnirida ham chempionlikni qoʻlga kiritgan. Ushbu oʼyinda tennischi chempionlik sari Claire Liu, Jaimee Fourlis, Sofia Kenin, Olga Danilović va Olesya Pervushina kabi yuqori darajadagi yosh tennischilarni magʻlub etgan.
2017: Dastlabki yuksalish
_(36183417195).jpg)
Potapova 2017-yilni reytingsiz boshladi, chunki yil boshiga kelib u atigi ikkita professional turnirda qatnashgan edi. Sportchi Curitibada boʻlib oʻtgan 25 ming dollarlik turnir finalida raqibi Amanda Anisimovani magʻlub etishga erishdi[3]. Bu gʻalabadan soʼng Potapova Teliana Pereiraga qarshi maydonga tushib, uni ham magʻlubiyatga uchratdi va ilk bor reytingda kuchli 200 talikdan joy olgan tennischini yenga oldi. Shundan keyin tennischi oʼz sport faoliyati davomida ilk marta reytingda kuchli 500 talikka kirishga muvaffaq boʼldi[manba kerak].
Manbalar
- ↑ „Potapova: Russian On The Rise“. WTA Tennis (2016-yil 2-iyul). Qaraldi: 2019-yil 8-avgust.
- ↑ „Anastasia Potapova wins dream Wimbledon title“ (2016-yil 9-iyul). 2019-yil 29-iyulda asl nusxadan arxivlangan. Qaraldi: 2019-yil 8-avgust.
- ↑ „Potapova contro Anisimova, a Curitiba la finale del futuro • Ok Tennis“ (it-IT). Ok Tennis (2017-yil 4-mart). Qaraldi: 2018-yil 22-sentyabr.