Odiljon Iminov
| Odiljon Iminov | |
|---|---|
| Fayl:Odiljon Iminov.jpg | |
| Oʻzbekiston Respublikasi Oliy Majlisi Senatining iqtisodiy islohotlar qoʻmitasi raisi | |
|
Mansab davri 2020-yil – 2024-yil | |
| Prezident | Shavkat Mirziyoyev |
| Bosh vazir | Abdulla Aripov |
| Senat raisi | Tanzila Norboyeva |
| Shaxsiy maʼlumotlari | |
| Tavalludi |
1963-yil 7-dekabr Andijon tumani, Andijon viloyati |
| Fuqaroligi |
 Oʻzbekiston |
| Millati | Oʻzbek |
| Mukofotlari |
 |
Iminov Odiljon Karimovich (1963-yil Andijon viloyatida tavallud topgan) – muhandis, iqtisodchi, iqtisod fanlari doktori. 2020—2024-yillarda Oliy Majlisi Senatining Fan, taʼlim va sogʻliqni saqlash masalalari qoʻmitasi raisi[1].
Biografiyasi
Odiljon Iminov 1963-yil 7-dekabrda Andijon viloyati Andijon tumanida tavallud topgan. 1986-yilda Andijon qishloq xoʻjalik institutini, 1998-yilda esa Davlat va jamiyat qurilish akademiyasini, shuningdek 2004-yilda Maasstrixt menejment maktabi (Gollandiya)ni tamomlagan.
Mehnat faoliyatini 1986-yilda Andijon viloyati Ulugʻnor tumani „Doʻstlik“ xoʻjaligi muhandisi sifatida boshlagan.
1988—1990-yillarda Andijon viloyati Andijon tumanida xoʻjalik muhandisi, yoshlar tashkiloti qoʻmitasi kotibi, 1990—1992-yillarda Oʻrta Osiyo qishloq xoʻjaligi iqtisodiyoti ilmiy-tadqiqot instituti aspiranti, 1992—1993-yillarda Oʻzbekiston Respublikasi „Navroʻz“ jamgʻarmasi iqtisod boʻlimi boshligʻi, 1993—1997-yillarda „Oʻztadbirkorbank“ aksiyadorlik‐tijorat banki kreditlash boʻlimi boshligʻi, boshqaruv raisi yordamchisi vazifasini bajaruvchisi, Toshkent viloyati boshqarmasi boshligʻi, 1997—1998-yillarda Davlat va jamiyat qurilishi akademiyasi tinglovchisi, 1998—1999-yillarda Kichik biznes va xususiy tadbirkorlikni qoʻllab-quvvatlash fondi kreditlash va loyihalarni monitoring qilish departamenti boshligʻi, Boshqaruv raisi oʻrinbosari, 1999—2001-yillarda Davlat va jamiyat qurilishi akademiyasi doktoranti, 2001—2015-yillarda Oʻzbekiston Respublikasi Vazirlar Mahkamasi huzuridagi Oliy biznes maktabi „Moliya“ kafedrasi mudiri, direktorning birinchi oʻrinbosari, direktor vazifasini bajaruvchisi, 2015—2017-yillarda Korporativ boshqaruv markazi direktori oʻrinbosari, kafedra professori, 2017—2018-yillarda Davlat boshqaruvi akademiyasi „Menejment nazariyasi va amaliyoti“ kafedrasi professori, 2018—2018-yillarda Oʻzbekiston Respublikasi Oliy Majlisi Senati Budjet va iqtisodiy islohotlar masalalari qoʻmitasi raisining oʻrinbosari, 2018—2020-yillarda Oʻzbekiston Respublikasi Oliy Majlisi Senatining Agrar, suv xoʻjaligi masalalari va ekologiya qoʻmitasi raisining oʻrinbosari sifatida faoliyat olib borgan[2].
2020—2024-yillarda Oʻzbekiston Respublikasi Oliy Majlisi Senatining Fan, taʼlim va sogʻlikni saqlash masalalari qoʻmitasi raisi[3][4]. Doʻstlik ordeni (2020) bilan taqdirlangan.
Manbalar
- ↑ „Iminov Odiljon Karimovich“ (senat.uz).
- ↑ „Odiljon Iminov Senatning Fan, ta’lim va sog‘liqni saqlash masalalari qo‘mitasi raisligiga saylandi“ (daryo.uz).
- ↑ „Senator Odiljon Iminovning Yaltadagi “O‘zbekiston” sanatoriylarini ta’mirlash fondi rahbari ekani yuzasidan izoh berildi“ (daryo.uz).
- ↑ „YeOIIga kuzatuvchi sifatida kirish bo‘yicha atroflicha tahlillar o‘tkazildi - Odiljon Iminov“ (kun.uz).