O‘qituvchi va murabbiylar kuni

O‘qituvchi va murabbiylar kuni
O‘qituvchi va murabbiylar kuni
O‘qituvchi va murabbiylar kuni bayrami;
Boshqa nomlari	O‘qituvchilar kuni, Ustozlar kuni, 1-oktyabr;
Nishonlovchilar	Ustozlar
Turi	Kasb bayrami
Nishonlanishi	O‘qituvchi va murabbiylarni mukofotlash marosimlari, madaniy-ma’rifiy tadbirlar, talabalar va o‘quvchilar tomonidan tabriklar o‘tkaziladi

O‘qituvchi va murabbiylar kuni — bu O‘zbekiston Respublikasida har yili 1-oktyabr kuni nishonlanadigan kasb bayrami bo‘lib, ta’lim-tarbiya sohasida faoliyat yurituvchi o‘qituvchi va murabbiylarning mehnatini e’tirof etish maqsadida joriy etilgan.

Tarixi

Ba’zi mamlakatlarda 1994-yildan boshlab har yili 5-oktyabr UNESCO tavsiyasi bilan Oʻqituvchilar kuni sifatida nishonlanadi. Bayram Prezident Islom Karimovning 1996-yil 27-dekabrdagi “O‘qituvchi va murabbiylar kunini belgilash to‘g‘risida”gi Farmon (367-I-son) farmoniga asosan 1997-yildan boshlab rasmiy ravishda nishonlanadi. Ushbu hujjat O‘zbekiston Respublikasi Oliy Majlisi Axborotnomasi 1997-yil 2-sonida e’lon qilingan, Prezident — I. Karimov tomonidan imzolangan.

Ma’nosi va ahamiyati

Bayram o‘qituvchi va murabbiylarning jamiyat taraqqiyotidagi rolini e’tirof etish, ularni moddiy va ma’naviy rag‘batlantirish, ta’lim sifatini oshirish bo‘yicha ijtimoiy ahamiyatga ega tadbirlarni qo‘llab-quvvatlashga xizmat qiladi. Ustozlarga hurmat, yosh avlodga bilim berish va tarbiya vazifalariga bag‘ishlangan madaniy-ma’rifiy tadbirlar o‘tkaziladi. O‘qituvchilar davlat mukofotlari va boshqa e’tiroflarga sazovor bo‘ladi.

Bayram tadbirlari

1-oktyabr kuni mamlakat bo‘ylab:

• tantanali yig‘ilishlar,
• o‘qituvchi va murabbiylarni mukofotlash marosimlari,
• madaniy-ma’rifiy tadbirlar,
  
• talabalar va o‘quvchilar tomonidan tabriklar o‘tkaziladi, shuningdek, ko‘plab ta’lim muassasalarida maxsus dasturlar tashkil etiladi.

1-oktyabr — o‘qituvchilarga hurmat ko‘rsatish, pedagogik faoliyatni qadrlash va yosh avlodni tarbiyalashdagi ularning xizmatini yuksak baholash kunidir.