Oʻzbekiston — Falastin munosabatlari
 | |
 Oʻzbekiston |
 Falastin |
Oʻzbekiston — Falastin munosabatlari — Oʻzbekiston va Falastin oʻrtasidagi ikki tomonlama diplomatik aloqalar. 1994-yil 25-sentabrda Oʻzbekiston Falastinni mustaqil davlat sifatida tan olgan va u bilan diplomatik munosabatlar oʻrnatgan[1][2]. 2009-yil 27-oktyabrda Falastin tashqi ishlar vaziri Riyad al-Maliki Toshkent shahrida mamlakat elchixonasini ochgan[3].
2012-yil 29-noyabrda Oʻzbekiston Falastinning Birlashgan Millatlar Tashkilotida kuzatuvchi davlat maqomini olishi uchun ovoz bergan[4].
Gʻazo urushiga munosabat
2023-yil 2-noyabrda Isroil—Hamas urushi avj olganidan soʻng, Shavkat Mirziyoyev BMTning Yaqin Sharqdagi falastinlik qochqinlarga yordam berish agentligiga (UNRWA) 1,5 million dollar miqdorda xayriya mablagʻlarini ajratilishini eʼlon qilgan. U har ikki tarafdan tinch aholi qurbon boʻlganiga hamdardlik bildirib, mustaqil Falastin davlatining tuzilishini qoʻllab-quvvatlashini va oʻt ochish toʻxtatilishiga umid qilishini taʼkidlagan[5]. Bu bayonot 29-oktyabr kuni Toshkentda oʻtkazilgan namoyishdan soʻng yangragan. Namoyish natijasida 100 nafar namoyishchi qoʻlga olingan, ulardan uch nafari ruxsatsiz mitingda qatnashgani uchun 15 sutkalik maʼmuriy qamoq jazosiga hukm qilingan[6]. 2023-yil 3-noyabr kuni Turkiy davlatlar tashkiloti sammiti yigʻilishida Mirziyoyev ikki davlat uchun muqobil yechim, yaʼni BMTning Falastinni boʻlish rejasi asosida „ikki xalq uchun ikki davlat“ tashkil etishni taklif qilgan hamda bu masala Turkiy davlatlar tashkilotining rasmiy pozitsiyasiga aylanishini ilgari surgan[7][8].
2024-yil 11-noyabrda Shavkat Mirziyoyev Ar-Riyodda boʻlib oʻtgan Arab-islom sammitida ishtirok etgan. Ushbu sammitda u 1967-yilgi Arab-Isroil mojarosidan oldingi chegaralar asosida, poytaxti Sharqiy Quddus boʻlgan Falastin davlatini tashkil etishni qoʻllab-quvvatlashini yana bir bor tasdiqlagan. U ushbu nutqida „Ikki davlat yechimini amalga oshirish boʻyicha global aliyans“ harakatlarini qoʻllab-quvvatlashini bildirgan. Shuningdek, u oʻz uyini tashlab chiqishga majbur boʻlgan falastinlik ayollar va bolalarga bepul tibbiy yordam koʻrsatishni taklif etgan[9].
Yana qarang
Manbalar
- ↑ „Countries, recognized the State of Palestine“ (en-US). MOFAE. 2024-yil 19-dekabrda asl nusxadan arxivlangan. Qaraldi: 2025-yil 9-aprel.
- ↑ „Palestine appoints new Ambassador to Uzbekistan“. dunyo (2026-yil 14-yanvar). Qaraldi: 2026-yil 25-aprel.
- ↑ UzDaily „Palestine FM opens new building of embassy in Tashkent“ (en). UzDaily.uz. Qaraldi: 2025-yil 9-aprel.
- ↑ „General Assembly Votes Overwhelmingly to Accord Palestine 'Non-Member Observer State' Status in United Nations | Meetings Coverage and Press Releases“. press.un.org. Qaraldi: 2025-yil 9-aprel.
- ↑ „The Government of the Republic of Uzbekistan provides US$ 1.5 million in support of critical humanitarian needs in Gaza“ (en). UNRWA. Qaraldi: 2025-yil 9-aprel.
- ↑ „Uzbekistan's Imams Stand in Solidarity With Palestine, Caution Against Propaganda“ (en-US). thediplomat.com. Qaraldi: 2025-yil 9-aprel.
- ↑ Shavkat Mirziyoyev addresses Israel-Gaza war at #OTSSummit.
- ↑ (en) Admission of new Members to the United Nations :: resolution /: adopted by the General Assembly. 2024-05-10. https://digitallibrary.un.org/record/4046991.
- ↑ „Address by the President of the Republic of Uzbekistan Shavkat Mirziyoyev at the Arab-Islamic Summit“ (en). president.uz. Qaraldi: 2025-yil 9-aprel.
