Oʻzbekiston — Serbiya munosabatlari
O‘zbekiston — Serbiya munosabatlari — Serbiya va O‘zbekiston o‘rtasidagi diplomatik munosabatlar. Ikki davlat o‘rtasidagi diplomatik munosabatlar 1995-yilda O‘zbekiston va Yugoslaviya Federativ Respublikasi o‘rtasida o‘rnatilgan. Serbiya ushbu davlatning yagona huquqiy vorisi sifatida tan olingan[1].
Tarixi
2025-yil 29-oktyabrda Serbiya Prezidenti Aleksandar Vučić Toshkent shahriga tashrif buyurgan. Tashrif davomida ikki davlat qo‘shma deklaratsiyani imzolagan. Vučić kelajakda erkin savdo to‘g‘risidagi bitim va investitsiyalarni himoya qilish to‘g‘risidagi bitimni tuzish, shuningdek, iqtisodiy va savdo hamkorligini yanada rivojlantirishga umid bildirgan. Shuningdek, u O‘zbekistonning Kosovo mustaqilligini tan olmaganini yuqori baholagan[2][3].
2026-yil 6-mayda Serbiya tashqi ishlar vaziri Marko Đurić O‘zbekiston Prezidenti Shavkat Mirziyoyev va O‘zbekiston tashqi ishlar vaziri Baxtiyor Saidov bilan uchrashgan. Uchrashuv davomida ikki davlat o‘rtasidagi mehnat migratsiyasi, madaniyat va ta’lim sohalaridagi hamkorlik masalalari muhokama qilingan[4].
O‘zbekistonning Kosovo masalasidagi pozitsiyasi
O‘zbekiston Kosovoni mustaqil davlat sifatida tan olmaydi. O‘zbekiston bu masalada Serbiya bilan bir xil pozitsiyani egallab, Serbiyaning hududiy yaxlitligi va suverenitetini hurmat qiladi[5].
Yuqori darajadagi davlat tashriflari
Serbiyadan O‘zbekistonga yuqori darajadagi tashriflar
- Aleksandar Vučić — 2025-yil 29-oktabr.
- Marko Đurić — 2026-yil 6-may.
O‘zbekistondan Serbiyaga yuqori darajadagi tashriflar
- Hozircha qayd etilmagan.
Iqtisodiy munosabatlar
2025-yilda ikki davlat o‘rtasidagi savdo aylanmasi 44 million dollarni (37,7 million yevro) tashkil etgan. Shundan 27,5 million dollarlik (23,6 million yevro) tovar va xizmatlar Serbiyadan O‘zbekistonga, 16,4 million dollarlik (14,1 million yevro) tovar va xizmatlar esa O‘zbekistondan Serbiyaga yo‘naltirilgan.
Diplomatik vakolatxonalar
- Serbiya O‘zbekistonda Rossiyaning Moskva shahridagi elchixonasi orqali vakillik qiladi[6].
- O‘zbekiston Serbiyada Avstriyaning Vena shahridagi elchixonasi orqali vakillik qiladi[7].
Manbalar
- ↑ „Uzbekistan and Serbia: dynamics of mutual rapprochement and new horizons of partnership — Embassy of the Republic of Uzbekistan“. pakistan.mfa.uz. Qaraldi: 2026-yil 25-avgust.
- ↑ Balkans, Newsmax „Vucic Visits Uzbekistan: Mutual Political Support Agreed at All Levels“ (sr). Newsmax Balkans. Qaraldi: 2026-yil 25-avgust.
- ↑ „Uzbekistan, Serbia Expand Cooperation in Trade, IT, Tourism and Industry“ (en). caspianpost.com. Qaraldi: 2026-yil 25-avgust.
- ↑ „President of Uzbekistan receives Serbian delegation“ (en). president.uz. Qaraldi: 2026-yil 25-avgust.
- ↑ „Uzbekistan’s policy on state recognition: analysis - Uzbekistan Law Blog“ (en-US). Qaraldi: 2026-yil 25-avgust.
- ↑ Balkans, Newsmax „Vucic Visits Uzbekistan: Mutual Political Support Agreed at All Levels“ (sr). Newsmax Balkans. Qaraldi: 2026-yil 25-avgust.
- ↑ „President of Uzbekistan receives Serbian delegation“ (en). president.uz. Qaraldi: 2026-yil 25-avgust.