Nous les amoureux
| „Nous les amoureux“ | |
|---|---|
| Jean-Claude Pascal qoʻshigʻi | |
| Til | Fransuzcha |
| Chiqarilgan sanasi | 1961 |
| Leybl | La Voix de son maître |
| Bastakor(lar) | Jacques Datin |
| Lirik ijodkor(lar) | Maurice Vidalin |
| Rasmiy ijro videosi | |
| „Nous les amoureux“ YouTubeda | |
„Nous les amoureux“ (fransuzcha talaffuz: [nu lez‿amuʁø]; „Biz, sevishganlar“ yoki „Biz sevishganlar“) fransuz xonandasi Jean-Claude Pascal tomonidan yozib olingan qoʻshiq boʻlib, musiqasi Jacques Datin tomonidan bastalangan va fransuzcha soʻzlari Maurice Vidalin tomonidan yozilgan. U Kann shahrida boʻlib oʻtgan 1961-yilgi Eurovision qoʻshiq tanlovida Lyuksemburgga tanlov tarixidagi ilk gʻalabani keltirgan.
Tarix
Yaratilishi
„Nous les amoureux“ qoʻshigʻi musiqasi Jacques Datin tomonidan, fransuzcha matni esa (1924–1986) yillarda yashagan Maurice Vidalin tomonidan yozilgan boʻlib, uni Jean-Claude Pascal ijro etgan. Fransuzcha asl versiyadan tashqari, u qoʻshiqni nemis va italyan tillarida ham yozib olgan[1].
Qoʻshiq matnida xonanda va uning sevgilisi oʻrtasidagi toʻsilgan muhabbat hikoya qilinadi („ular bizni ajratmoqchi, ular bizga / baxtli boʻlishimizga halal bermoqchi“). Matn davomida bu munosabat boshqalar tomonidan rad etilgani, ammo oxir-oqibat mumkin boʻlishi haqida aytiladi („ammo vaqt keladi. […] va men seni shunday sevishim mumkin boʻladiki, shaharda hech kim bu haqda gapirmaydi. […] [Xudo] bizga baxt va quvonch huquqini berdi.“). Pascal keyinchalik qoʻshiq aslida gomoseksual munosabat va uning qiyinchiliklari haqida ekanini aytgan[2].
Eurovision
Compagnie Luxembourgeoise de Télédiffusion (CLT) qoʻshiqni ichki tanlov orqali Eurovision qoʻshiq tanlovining 6-mavsumi uchun Lyuksemburg vakilisifatida tanladi[3].
1961-yil 18-mart kuni Eurovision qoʻshiq tanlovi Kann shahridagi Palais des Festivals et des Congrès saroyida boʻlib oʻtdi; uni Radiodiffusion-Télévision Française (RTF) tashkil etdi va butun qitʼaga jonli efirda uzatdi. Pascal „Nous les amoureux“ qoʻshigʻini kechada oʻn toʻrtinchi boʻlib ijro etdi; udan oldin Daniya nomidan ijro etilgan „Angelique“ qoʻshigʻi (ijrochisi Dario Kampeotto) yangradi, undan keyin esa Buyuk Britaniya nomidan „Are You Sure?“ qoʻshigʻi (The Allisons) ijro etildi. Lyuksemburg ishtirokining jonli ijrosi vaqtida orkestrga Leo Chauliac dirijyorlik qildi[4].
Ovoz berish yakunida qoʻshiq 31 ball toʻpladi va oʻn oltita ishtirokchi orasida birinchi oʻrinni egallab, Lyuksemburgga ketma-ket kelgan yillarda oxirgi oʻrindan birinchi oʻringa koʻtarilish kabi noyob natijani qoʻlga kiritishga yordam berdi[5]. Tanlovdagi gʻolib sifatida qoʻshiqni 1962-yilda Fransiya nomidanIzabell Obre ijro etgan „Un premier amour“ qoʻshigʻi almashtirdi. Oʻsha yili Lyuksemburg vakili sifatida esa Camillo Felgenning „Petit bonhomme“ qoʻshigʻi tanlandi.
Tanlov reja qilingan vaqtdan choʻzilib ketgani sababli, qoʻshiqning qayta ijrosi Birlashgan Qirollikda namoyish etilmadi, chunki Bi-Bi-Sining efiri ovoz berish yakunlanib, gʻolib qoʻshiq eʼlon qilingach darhol tugadi.
Keyingi taqdiri
Pascal oʻz qoʻshigʻini 1981-yil 22-avgust kuni Mysen shahrida oʻtkazilgan Eurovision 25 yillik yubiley konserti — Songs of Europe dasturida ijro etgan[6].
Meros
Qoʻshiq shuningdek A Very Secret Service serialining 2-mavsum, 6-qismida ham yangraydi.
Manbalar
- ↑ „Nous les amoureux – lyrics“. The Diggiloo Thrush.
- ↑ „" Nous les amoureux " de Jean-Claude Pascal, une chanson qui annonce la révolution du mouvement gay...“ (fr). La Première (2019-yil 16-may). Qaraldi: 2020-yil 3-may.
- ↑ „National Selections: 1961“. eurovisionworld.
- ↑ „Eurovision Song Contest 1961“. Eurovision Song Contest. 18 March 1961. RTF / EBU.
- ↑ „Official Eurovision Song Contest 1961 scoreboard“. Eurovision Song Contest.
- ↑ „Songs of Europe“. Eurovision Song Contest. 22 August 1981. NRK / EBU.