Mingechaur shahar tarix muzeyi
| Mingechaur shahar tarix muzeyi | |
|---|---|
| Mingəçevir Şəhər Tarix Muzeyi | |
| Asos solingan sanasi | 1968-yil 11-yanvar |
| Joylashuvi | Ozarbayjon, Mingechaur |
| Manzili |
Mingechaur shahri, Haydar Aliyev shoh koʻchasi, Haydar Aliyev maydoni 40°46′12″N 47°02′56″E / 40.77000°N 47.04889°E |
Mingechaur shahar tarix muzeyi — 1968-yil 11-yanvarda M. Davudova nomidagi Mingechaur drama teatri binosining bir xonasida, 50 ta eksponat bilan oʻz faoliyatini boshlagan. Muzey binosi 2 qavatdan iborat. Umumiy maydoni 810 m² ni tashkil etadi. Muzeyning yuqori qavatida qadimiy va zamonaviy davrni qamrab olgan ikkita ekspozitsiya zali mavjud. Muzeyda 15 471 ta eksponat saqlanadi. Eng qadimiy eksponatlar miloddan avvalgi III–I ming yilliklarga oid moddiy-madaniyat namunalaridir.[1]
Muzey fondi
Muzey xodimlarining mehnati natijasida muzey fondi 15 mingdan ortiq eksponatni tashkil etadi.[2]
Muzey binosi
1985-yilda muzey 9 qavatli turar joy binosining birinchi qavatidagi moslashtirilgan maydonga koʻchirilgan va 2013-yilgacha ushbu binoda faoliyat yuritgan. 2013-yilda Madaniyat va turizm vazirligining tegishli buyrugʻi bilan Mingechaur shahar tarixi muzeyi yangi binoga koʻchirildi. Vazirlik tomonidan bu yerda ta'mirlash, tiklash va rekonstruksiya ishlari olib borildi hamda yangi ekspozitsiyaga badiiy bezak berish ishlari amalga oshirildi.[3]
Muzey ekspozitsiyasi
Muzey uchta boʻlimdan iborat: Qadimiy Mingechaur, Zamonaviy Mingechaur hamda Shahidlar xotira muzeyi boʻlimi. Qadimiy boʻlimda miloddan avvalgi III–I ming yillikdan boshlab 1948-yilgacha boʻlgan davrni qamrab olgan eksponatlar, qazima uylar, kulolchilik, misgarlik, toʻquvchilik, baliqchilik va ovchilik bilan shugʻullanilganini aks ettiruvchi koʻrgazmalar, koʻza qabrlari, amazonkalarning jang sahnalari va neandertallarning turmush tarzini aks ettiruvchi vitrinalar oʻrin olgan. Bu yerda 1946–1953-yillar davomida arxeolog-olim Saleh Qaziyev rahbarligida Bozdagʻ tizmasining janubida, Kura daryosining har ikkala sohilida olib borilgan arxeologik qazishmalar paytida aniqlangan, eneolit davridan boshlab (m.avv. III ming yillikdan) turli tarixiy davrlarni oʻzida aks ettiruvchi moddiy-madaniyat namunalari namoyish etiladi.[4]
Zamonaviy boʻlimda esa 1948-yilda Mingechaurga shahar maqomi berilgan vaqtdan to hozirgi kungacha boʻlgan davrni qamrab olgan ekspozitsiya, arxeologlarning shaxsiy buyumlari, qurilishga rahbarlik qilgan I. Islamzadaning ish xonasi, qadimdan to hozirgi kungacha elektr energiyasi qanday olinganini koʻrsatuvchi charx, GESning ishlash prinsipini koʻrsatuvchi qurilma, dastlabki barak uylar, Mingechaurda bir vaqtlar faoliyat koʻrsatgan fabrika va zavodlar ishlab chiqargan mahsulot namunalari, umummilliy yetakchi Haydar Aliyevning Mingechaurga e'tibori va gʻamxoʻrligi natijasida qurilgan AzDRESning ochilish sahnalari, Prezident Ilhom Aliyevning Mingechaurga tashriflarini aks ettiruvchi fotosuratlar va Mingechaurda turizmning rivojlanishiga oid fotosuratlar joy olgan. Zamonaviy Mingechaur boʻlimi, shuningdek, XX asr boshlarida Ozarbayjon Xalq Jumhuriyati tashkil topgan davrdan to hozirgacha boʻlgan ijtimoiy-siyosiy voqealarni va shaharning zamonaviy rivojlanishini aks ettiruvchi burchaklardan iborat.[5]
Yana qarang
Tashqi havolalar
- „Muzeyin yeni binası“. azertag.az. Qaraldi: 2021-yil 10-yanvar.
- „Yerlərdə muzeylərin maddi-texniki bazasının gücləndirilməsi“. www.anl.az. Qaraldi: 2021-yil 10-yanvar.
Manbalar
- ↑ „Mingəçevir şəhər Tarix muzeyi“. barda.mctgov.az. 2020-yil 29-sentyabrda asl nusxadan arxivlangan. Qaraldi: 2021-yil 10-yanvar.
- ↑ „azərbaycan muzeyləri“. museum.az. Qaraldi: 2021-yil 10-yanvar.[sayt ishlamaydi]
- ↑ „Mingəçevir Şəhərinin Tarixi Muzeyinin yeni binası açılacaq“. news.milli.az. 2015-yil 16-iyulda asl nusxadan arxivlangan. Qaraldi: 2021-yil 1-oktyabr.
- ↑ „Mingəçevir Şəhərinin Tarixi Muzeyinin yeni binasının açılış mərasimi keçiriləcək“. ahlibeyt.az. 2023-yil 28-iyulda asl nusxadan arxivlangan. Qaraldi: 2021-yil 10-yanvar.
- ↑ „Mingəçevir Şəhərinin Tarixi Muzeyinin yeni binası açılacaq“. az.trend.az. 2016-yil 11-fevralda asl nusxadan arxivlangan. Qaraldi: 2021-yil 10-yanvar.