Kontent qismiga oʻtish

Michael Dean Woodford

ZiyoSfera, erkin ensiklopediya
Michael Woodford
Keynschilik
Tugʻilgan 1955-yil
Chicopee (Massachusetts)
Oliygoh Columbia universiteti
Soha Makroiqtisodiyot, Pul-kredit siyosati
Alma mater Yale universiteti
Chikago universiteti
Massachusetts texnologiya instituti
Rahnamolari Timothy Kehoe[1]
Mukofotlar Moliyaviy iqtisodiyot bo‘yicha Deutsche Bank mukofoti (2007-yil)
Iqtisodiyot bo‘yicha Erwin Plein Nemmers mukofoti (2024-yil)

Michael Dean Woodford (1955-yilda tugʻilgan) — amerikalik makroiqtisodchi va pul-kredit siyosati boʻyicha mutaxassis boʻlib, hozirda Columbia universitetida dars beradi.

Akademik karyerasi

Woodford 1977-yilda Chikago universitetida bakalavr darajasini, 1980-yilda esa Yale yuridik maktabida „Juris Doctor“ (huquq sohasidagi professional doktorlik darajasi)ni olgan[2]. Woodford 1983-yilda Massachusetts texnologiya institutida iqtisodiyot boʻyicha falsafa doktorligi (PhD) darajasini olgan[3].

Woodford pedagogik faoliyatini Columbia universitetida boshlagan. Shundan keyin Chikago universiteti va Prinston universitetida dars bergan. 2004-yilda esa „John Bates Clark“ nomidagi kafedraga mudir boʻlish uchun yana Columbia universitetiga qaytgan. Woodford 1981–1986-yillarda ilmiy tadqiqotlarini moliyalashtirgan John D. va Catherine T.larning „MacArthur Foundation Prize Fellowship“ mukofotiga sazovor boʻlgan. 2007-yilda esa „Deutsche Bank Prize“ bilan taqdirlangan. 2024-yilda Woodford iqtisodiyot boʻyicha „Erwin Plein Nemmers Prize“ hamda Iqtisodiyot va moliya yoʻnalishida „BBVA Foundation Frontiers of Knowledge Award“ bilan taqdirlangan[4][5].

Nazariy ishlari

Woodfordning dastlabki tadqiqotlari sunspot muvozanati va nomukammal raqobat masalalariga bagʻishlangan[6][7]. Shundan soʻng Woodford shartli narxlarga asoslangan makroiqtisodiy modellar ustida ishlay boshlagan. Julio Rotemberg bilan birgalikda esa dastlabki Yangi keynschilik makroiqtisodiy modellaridan birini ishlab chiqqan[8]. Shundan keyin Woodford ushbu yondashuv asosida pul-kredit siyosati bilan bogʻliq koʻplab masalalarni tadqiq qilgan. Ular jumlasiga narxlar darajasining fiskal nazariyasi, isteʼmolchilar naqd puldan kamroq, kreditdan koʻproq foydalanganda pul-kredit siyosatining samaradorligi hamda inflyatsiyaga taʼsir qiluvchi omillar kiradi[9][10][11]. Michael Woodford Knut Wicksellning narxlar barqarorligini saqlash uchun foiz stavkasidan foydalanish haqidagi gʻoyasini alohida eʼtirof etgan. Uning taʼkidlashicha, pul-kredit siyosati asosan oltin standartiga tayangan bir davrda bu juda muhim qarash boʻlgan. Woodford oʻz yondashuvini „neo-Wicksellcha“ deb ataydi. Shuningdek, Woodfrod pul-kredit siyosatiga bagʻishlangan darsligini Wicksellning ilmiy ishlariga hurmat sifatida aynan shu jumla bilan nomlagan. Woodfordning soʻnggi tadqiqotlarining katta qismi chegaralangan ratsionallik va ratsional kutilmalardan ogʻishlarning makroiqtisodiy jarayonlar hamda pul-kredit va fiskal siyosatga taʼsirini oʻrganishga bagʻishlangan[12][13][14].

Foiz va narxlar

Woodford pul-kredit makroiqtisodiyoti boʻyicha ilgʻor darslik — „Interest and Prices: Foundations of a Theory of Monetary Policy“ asari muallifi sifatida tanilgan[15][16]. Mazkur kitob „Deutsche Bank Prize“ qoʻmitasi taʼkidlashicha, akademik iqtisodchilar va markaziy banklardagi mutaxassislar orasida pul nazariyasi va tahlili boʻyicha tez sur’atda asosiy manbaga aylangan[17]. Foiz va narxlar nomi Wicksell tomonidan 1898-yilda nemis tilida chop etilgan „Geldzins und Güterpreise“ asari nomining toʻgʻridan-toʻgʻri tarjimasidir. Ushbu asar 1923-yilda ingliz tiliga tarjima qilingan[18][19].

Manbalar

  1. ↑ Woodford, Michael (1983), Essays in intertemporal economics. Ph.D. dissertation, Massachusetts Institute of Technology.
  2. ↑ „Curriculum Vitae MICHAEL WOODFORD July 2017“. columbia.edu.
  3. ↑ Woodford, Michael Dean (1983), Essays in Intertemporal Economics. Ph. D. dissertation, Massachusetts Institute of Technology.
  4. ↑ Erwin Plein Nemmers Prize in Economics 2024
  5. ↑ BBVA Foundation Frontiers of Knowledge Award 2024
  6. ↑ Woodford, Michael (1990). "Learning to believe in sunspots". Econometrica 58 (2): 287–307. doi:10.2307/2938205. https://academiccommons.columbia.edu/doi/10.7916/D80K2KN6/download. 
  7. ↑ Rotemberg, Julio; Woodford, Michael „Dynamic general equilibrium models with imperfectly competitive product markets“, . Frontiers of Business Cycle Research. Princeton University Press, 1995. ISBN 0-691-04323-X. 
  8. ↑ Rotemberg, Julio J.; Woodford, Michael (1997). "An optimization-based econometric framework for the evaluation of monetary policy". NBER Macroeconomics Annual 12: 297–346. doi:10.1086/654340. https://www.nber.org/chapters/c11041.pdf. 
  9. ↑ Woodford, Michael (2001). "Fiscal requirements for price stability". Journal of Money, Credit, and Banking 33 (3): 669–728. doi:10.2307/2673890. https://www.nber.org/papers/w8072.pdf. 
  10. ↑ Woodford, Michael (1998). "Doing without money: controlling inflation in a post-monetary world". Review of Economic Dynamics 1 (1): 173–219. doi:10.1006/redy.1997.0006. https://www.nber.org/papers/w6188.pdf. 
  11. ↑ Giannoni, Marc P.; Woodford, Michael „Optimal inflation targeting rules“, . The Inflation-Targeting Debate. Chicago: University of Chicago Press, 2005 — 93–172-bet. ISBN 0-226-04472-6. 
  12. ↑ Woodford, Michael (2013). "Macroeconomic Analysis without the Rational Expectations Hypothesis". Annual Review of Economics 5 (1): 303-346. https://doi.org/10.1146/annurev-economics-080511-110857. 
  13. ↑ Woodford, Michael (2020). "Modeling Imprecision in Perception, Valuation, and Choice". Annual Review of Economics 12 (1): 571-601. https://doi.org/10.1146/annurev-economics-102819-040518. 
  14. ↑ Woodford, Michael; Xie, Yinxi (2022). "Fiscal and monetary stabilization policy at the zero lower bound: Consequences of limited foresight". Journal of Monetary Economics 125: 18-35. https://www.sciencedirect.com/science/article/pii/S0304393221001240. 
  15. ↑ Woodford, Michael. Interest and prices: Foundations of a theory of monetary policy. Princeton, New Jersey: Princeton University Press, 2003. ISBN 0-691-01049-8. 
  16. ↑ Green, Edward (2005). "A review of Interest and Prices". Journal of Economic Literature 43: 121–134. doi:10.1257/0022051053737799. https://archive.org/details/sim_journal-of-economic-literature_2005-03_43_1/page/120. 
  17. ↑ „Michael Woodford: The Prize Winner 2007“ (2007-yil 4-oktyabr).
  18. ↑ kanopiadmin „Interest and Prices“ (en). Mises Institute (2014-yil 18-avgust). Qaraldi: 2021-yil 16-noyabr.
  19. ↑ Sanger, C. P.; Wicksell, Knut (September 1898). "Geldzins und Guterpreise.". The Economic Journal 8 (31): 384. doi:10.2307/2956550. https://zenodo.org/record/1936868. 

Havolalar

"https://ziyosfera.uz/index.php?title=Michael_Dean_Woodford&oldid=611718" dan olindi