Masadon
| qishloq | |
| 40°53′52″N 72°58′09″E / 40.89778°N 72.96917°E | |
| Mamlakat | Qirgʻiziston |
| viloyat | Jalolobod viloyati |
| Ovul okrug | Iris ovul okrugi |
| Aholisi (2009) |
1 640[1] |
| Vaqt mintaqasi | UTC+6 |
| Telefon kodi | +996 3722 |
| Pochta indeks(lar)i | 721308 |
| Avtomobil kodi | D |
|
| |
Masadon (oʻzbekcha: Масадон) — shahar atrofidagi qishloq, Jalolobod shahridan 3 km olisda joylashgan. Suzoq tumaniga qarashli.
Aholisi
Aholisi - 1640 kishi.[1] Qishloqliklar asosan paxtachilik va tamakichilik bilan shugʻullanishgan. Hozir paxta maydonlari qisqarib, qishloqliklar asosan poliz ekinlarini yetishtirish bilan shugʻullanadi. Qishloqda madaniyat uyi, Bakiev koʻchasidagi, №8 – Oilaviy shifokorlar boʻlimi, J. Yunusov koʻchasidagi, Furqat nomidagi №44-oʻrta maktabi bor.[2]
Tarixi
Masadon qishlogʻi joylashgan hudud oʻtgan asrning boshlarida qamishlar oʻsib toʻqay boʻlgan. Bu yerga dastlab Suzoqdan Toshmat va Jiyanboy koʻchib kelishgan. Ular oʻz oilalari, qarindoshlari va doʻstlari bilan birga yerni tozalab, dehqonchilik qilib ishladilar. 1929-yilda ular Oʻrozbekov nomidagi kolxozni tashkil etishdi. Shamshidin Yoqubov kengash rahbari etib saylanadi. Kolxoz keyinchalik Juma Ota, Shermat Ota, Ahmadjon Rejavaliev, Maman Ota, Nishonov, Ahmedov, Oymirza Boʻtaboev, Aʼzamjon Yoqubov, Uzoq Axmarqulov va boshqalar tomonidan boshqarilgan. 1938-yilda Oʻrozbekov qatagʻon qurboni boʻlganidan soʻng kolxoz Molotov (Vyacheslav Mixaylovich Molotov nomiga berilgan (haqiqiy familiyasi – Skryabin) deb oʻzgartirildi. 1950-yilda qoʻshni Iris qishlogʻidagi Namuna kolxozi ham Molotov kolxoziga qoʻshildi. Ushbu kolxoz 1954-yilda Kirov nomidagi kolxoz bilan birlashtirildi.
Namuna kolxozi 1932-yilda hozirgi Iris qishlogʻida tashkil topib, qoʻshni Teyit qishlogʻining dehqonlari ham birlashgan. Ushbu kolxozda birinchi ayol traktorchi Iris Xudayberdieva ishlagan. Manbalarda yozilishicha 1934-yilda bir qator badavlat boyvachchalar Irisning ishdagi muvaffaqiyatini koʻra olmay, uni qiynoqqa solib oʻldirgan. Irisni oʻldirganlarning barchasi Sovet hukumati tomonidan jazolangan. U vafot etganidan soʻng uning nomi qishloqqa berilgan. Oʻsha paytda kolxoz Choʻka-Tepa qishloq kengashiga qarashli edi. Keyinchalik hozirgi qishloq hukumati tarkibiga qoʻshilgan. Bu jamoat 1950-yilda Molotov kolxoziga, 1954-yilda kichik kolxozlarga birlashib, Kirov nomidagi kolxozga qoʻshilgan.[2]
Qishloqda tavallud topgan taniqli shaxslar
Kurmanbek Bakiyev - Qirgʻizistonning ikkinchi prezidenti.
Manbalar
- ↑ 1,0 1,1 Перепись населения Киргизии 2009. Джалал-Абадская область (PDF), 2011-08-10da asl nusxadan (PDF) arxivlandi, qaraldi: 2011-08-10
- ↑ 2,0 2,1 Масадон қишлоғи ҳақида, 2022-08-15da asl nusxadan arxivlandi, qaraldi: 2022-05-29
| Qirgʻizistonga oid uşbu maqola çaladir. Siz uni boyitib, ZiyoSferaga yordam berişingiz mumkin. |