Maýsa Ýazmuhammedowa
| Maýsa Ýazmuhammedowa | |
|---|---|
| Tavalludi |
1971-yil |
| Fuqaroligi |
 Turkmaniston |
| Taʼlimi | Turkmaniston jahon tillari milliy instituti |
| Kasbi | rus tili va adabiyoti oʻqituvchisi |
| Partiyasi | Turkmaniston demokratik partiyasi |
Maýsa Meredowna Ýazmuhammedowa (talaffuzi: Maysa Meredovna Yazmuhammedova; 1971-yil, Yoʻloʻtan, Mari viloyati, Turkmaniston SSR, SSSR) — turkman davlat arbobi[1]. Ikki marotaba Turkmaniston Ministrlar kabineti raisining madaniyat va ommaviy axborot vositalari masalalari boʻyicha oʻrinbosari lavozimida ishlagan.
Tarjimayi holi
Maýsa Ýazmuhammedowa 1971-yilda Mari viloyati, Yoʻloʻtan etrapidagi Yoʻloʻtan shahrida tugʻilgan. 1994-yilda Davlatmamat Ozodiy nomidagi Turkmaniston jahon tillari milliy institutini rus tili va adabiyoti oʻqituvchisi mutaxassisligi boʻyicha tamomlagan. 1994—2002-yillarda Ashxobod shahridagi 15-maktabda direktorning oʻquv-tarbiyaviy ishlar boʻyicha oʻrinbosari lavozimida ishlagan. 2003—2005-yillarda Ashxobod shahridagi Turkmaniston Qahramoni Gurbansoltan eje nomidagi ixtisoslashtirilgan oʻrta maktab direktorining oʻquv-tarbiyaviy ishlar boʻyicha oʻrinbosari va direktori, 2005—2007-yilllarda Axal viloyati hokimining taʼlim, madaniyat, sogʻliqni saqlash va sport boʻyicha oʻrinbosari boʻlgan[1]. 2006—2007-yillarda Turkmanistonda saylovlar va referendumlar oʻtkazish boʻyicha Markaziy komissiya aʼzosi boʻlgan. Gurbanguli Berdimuhamedovning prezidentlik saylovi gʻalabasidan keyin 2007-yil 23-fevraldan 13-iyulgacha Maýsa Ýazmuhammedowa Turkmaniston Kasaba uyushmalari milliy markazi raisi sifatida ishlagan. Shu bilan birga, 2007-yil iyun oyidan Turkmaniston Qahramoni Gurbansoltan eje nomidagi Turkmaniston xotin-qzilar ittifoqi raisi ham boʻlgan. 2007-yil 13-iyuldan Turkmaniston Ministrlar kabineti raisining madaniyat va ommaviy axborot vositalari masalalari boʻyicha oʻrinbosari lavozimida faoliyat yuritgan[2]. 2011-yil yanvar oyida hayfsan olgan, 2011-yil sentyabr oyida ishdagi kamchiliklari uchun Turkmaniston prezidenti tomonidan hayfsan berilgan[3]. 2012-yil 18-fevraldan Turkmaniston Xotin-qizlar ittifoqi Markaziy kengashi raisi, 2013-yil 23-fevraldan boshlab esa bir ovozdan Milliy kasaba uyushmalari markazi raisi etib saylangan[4]. 2013-yil iyun oyida Ashxobod shahridagi 7-saylov okrugidan Turkmaniston Majlisi deputati etib saylangan[5]. 2014-yil 4-aprelda Turkmaniston Ministrlar kabineti raisining madaniyat va ommaviy axborot vositalari masalalari boʻyicha oʻrinbosari lavozimiga oʻtishi munosabati bilan 2014-yil 13-aprelda Milliy kasaba uyushmalari markazi raisi hamda Xotin-qizlar ittifoqi Markaziy kengashi raisi lavozimidan ozod etilgan[6]. 2016-yil 8-aprelda Turkmaniston Ministrlar kabineti raisining oʻrinbosari lavozimidan ozod qilingan[7].
Manbalar
- ↑ 1,0 1,1 „Язмухаммедова Майса Мередовна“. 2026-yil 7-aprelda asl nusxadan arxivlangan. Qaraldi: 2026-yil 7-aprel.
- ↑ „Майса Язмухаммедова назначена зампредом Кабинета министров Туркменистана“. 2026-yil 7-aprelda asl nusxadan arxivlangan. Qaraldi: 2026-yil 7-aprel.
- ↑ „ЯЗМУХАММЕДОВА Майса Мередовна“. 2026-yil 7-aprelda asl nusxadan arxivlangan. Qaraldi: 2026-yil 7-aprel.
- ↑ Vneocherednoy sʼezd professionalnix soyuzov Turkmenistana
- ↑ „Центризбирком подвел итоги выборов депутатов Меджлиса вместо выбывших“. 2026-yil 7-aprelda asl nusxadan arxivlangan. Qaraldi: 2026-yil 7-aprel.
- ↑ „04 Апрель 2014“. 2026-yil 7-aprelda asl nusxadan arxivlangan. Qaraldi: 2026-yil 7-aprel.
- ↑ „№РР-6953“. 2026-yil 7-aprelda asl nusxadan arxivlangan. Qaraldi: 2026-yil 7-aprel.