Mədət Quliyev
| Mədət Quliyev | |
|---|---|
 | |
| Tavalludi |
1958-yil 27-may Ganja, Ozarbayjon SSR, SSSR |
| Fuqaroligi |
 Ozarbayjon |
| Unvoni | General-polkovnik |
| Mukofotlari |
        |
Mədət Qəzənfər oğlu Quliyev (talaffuzi: Madat Qazanfar oʻgʻli Quliyev; 1958-yil 27-sentyabr, Kirovobod, Ozarbayjon SSR, SSSR) — Ozarbayjon Respublikasi prezidenti huzuridagi Xavfsizlik Kengashi kotibining oʻrinbosari (2023-yildan), Ozarbayjon Respublikasi Mudofaa sanoati vaziri (2019—2023)[1], Ozarbayjon Respublikasi Davlat xavfsizlik xizmati boshligʻi (2015—2019), Milliy xavfsizlik vazirining birinchi oʻrinbosari, Ozarbayjon Respublikasi Adliya vazirligi jazoni ijro etish xizmati boshligʻi, general-polkovnik. Ozarbayjon Qahramoni (1995)[2].
Tarjimayi holi
Mədət Quliyev 1958-yil 27-sentyabrda Kirovobod shahrida tugʻilgan[2]. 1965-yilda shu yerdagi 1-maktabga oʻqishga kirgan va 1975-yilda esa 8-maktabni tamomlagan. 1976-yilda Ozarbayjon davlat jismoniy tarbiya institutiga oʻqishga kirgan. 1979-yilda Quliyev dzyudo boʻyicha SSSR sport ustasi boʻladi va keyingi yili harbiy xizmatga chaqiriladi. 1982-yilda „Dinamo“ jamiyatida ishlagan. Tez orada Quliyev Ozarbayjon Ichki ishlar vazirligida xizmat qila boshlaydi. 1993-yil 10-dekabrda xizmat vazifasi paytida jinoyatchilardan oʻq yegan boʻlsa-da, chekinmagan va jinoyatchilarni zararsizlantirgan[2]. 1994-yilda Mədət Quliyev Uyushgan jinoyatchilikka qarshi kurash boshqarmasining viloyat boʻlimida ishlay boshlaydi. Mədət Quliyev tufayli hududdagi jinoiy toʻdalar va reket guruhlari yoʻq qilingan. Oʻsha yilning oktyabr oyida Quliyev qurolli jinoiy guruhni zararsizlantirishda ishtirok etgan[2].
Ozarbayjon Respublikasi prezidentining 1995-yil 26-dekabrdagi 424-sonli farmoni bilan politsiya polkovnigi Quliyev Mədət Qəzənfər oğluga Ozarbayjon Qahramoni unvoni berilgan[2]. Quliyev 1997-yilda Ozarbayjon Respublikasi Politsiya akademiyasini tamomlagan. 2001-yilda Uyushgan jinoyatchilikka qarshi kurash boshqarmasi boshligʻi, 2002-yilda esa Giyohvand moddalarga qarshi kurash boshqarmasi boshligʻi lavozimlarida ishlagan. 2004-yilda polkovnik Quliyev Interpolning Ozarbayjondagi Milliy markaziy byurosi boshligʻi etib tayinlanadi. 2005-yil 30-iyunda Ozarbayjon Respublikasi prezidentining 866-sonli farmoni bilan general-mayor unvoni berilgan. 2011-yil fevral oyida Ozarbayjon Respublikasi prezidentining farmoni bilan adliya vazirining oʻrinbosari, jazoni ijro etish xizmati boshligʻi etib tayinlanadi. 2012-yil 19-noyabrda Quliyevga general-leytenant unvoni beriladi. 2015-yil 20-oktyabrda Ozarbayjon Respublikasi prezidentining farmoyishi bilan Milliy xavfsizlik vazirining birinchi oʻrinbosari etib tayinlangan[3]. 2015-yil 14-dekabrda Ozarbayjon Respublikasi prezidentining farmoyishi bilan general-leytenant Quliyev Ozarbayjon Respublikasi Davlat xavfsizlik xizmati boshligʻi etib tayinlangan. Ozarbayjon Respublikasi prezidentining 2018-yil 26-sentyabrdagi farmoni bilan Ozarbayjon Respublikasi Davlat xavfsizlik xizmati boshligʻi Quliyevga general-polkovnik unvoni beriladi[4]. 2019-yil 20-iyunda Ozarbayjon Respublikasi prezidentining farmoyishi bilan Davlat xavfsizlik xizmati boshligʻi lavozimidan ozod etilgan[5] va boshqa farmoyish bilan mudofaa sanoati vaziri etib tayinlangan[1][6].
Oilali, ikki farzandning otasi.
Unvon va mukofotlari
Mədət Quliyev Ozarbayjon Qahramoni unvoni (1995), „Ozarbayjon Respublikasining milliy xavfsizligini taʼminlash va milliy manfaatlarini himoya qilish sohasidagi samarali faoliyati uchun“ 2-darajali „Vatanga xizmatlari uchun“ ordeni (2018-yil 26-mart)[7][8], „Adliya organlarida xizmatni oʻtashda oʻrnak koʻrsatganligi, adliya tizimida ilm-fan va sogʻliqni saqlash sohalarini rivojlantirishda faol ishtiroki uchun“ 3-darajali „Vatanga xizmatlari uchun“ ordeni (2014-yil 20-noyabr)[9] hamda 1, 2 va 3-darajali „Ichki ishlar organlaridagi benuqson xizmati uchun“ medali bilan taqdirlangan.
Manbalar
- ↑ 1,0 1,1 „Мадат Гулиев назначен министром оборонной промышленности Азербайджана“ (ruscha). Информационное Агентство Репорт. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ 2,0 2,1 2,2 2,3 2,4 Əsgərov V.. Azərbaycanın Milli Qəhrəmanları, 500 экз, Bakı: Qapp-poliqraf, 2005 — 166-bet.
- ↑ „Распоряжение президента Азербайджанской Республики о назначении М. Г. Гулиева первым заместителем министра национальной безопасности Азербайджанской Республики“ (ruscha). 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ Распоряжение Президента Азербайджанской Республики o присвоении М. Г. Гулиеву высшего воинского звания генерал-полковника
- ↑ „Мадат Гулиев освобожден от должности начальника Службы государственной безопасности“ (ruscha). Информационное Агентство Репорт. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ Гулиев назначен министром оборонной промышленности Азербайджана[sayt ishlamaydi]
- ↑ „Распоряжение Президента Азербайджанской Республики О награждении М.Г.Гулиева орденом «За службу Отечеству» 2-й степени“ (ruscha). 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „"Vətənə xidmətə görə" ordeni“. 2026-yil 14-aprelda asl nusxadan arxivlangan. Qaraldi: 2026-yil 14-aprel.
- ↑ „Распоряжение Президента Азербайджанской Республики О награждении работников органов юстиции Азербайджанской Республики“ (ruscha). 2026-yil 14-aprelda asl nusxadan arxivlangan. Qaraldi: 2026-yil 14-aprel.