Lutfiya Sulton
| Lutfiya Sulton | |
|---|---|
 | |
| Tugʻilishi |
20-aprel 1910-yil Dolmabahçe saroyi, Konstantinopol, Usmoniylar imperiyasi (hozirgi Istanbul, Turkiya) |
| Vafoti |
11-iyun 1997-yil (87 yoshda) Ar-Riyod, Saudiya Arabistoni |
| Turmush oʻrtogʻi |
Hasan Kemal Bey (turm. 1932; vaf. 1958) |
| Farzandlari |
|
| Sulola | Usmoniylar |
| Otasi | Shahzoda Mehmed Ziyoyiddin |
| Onasi | Parizod Xonim |
| Dini | Islom, sunniylik |
Lutfiya Sulton (usmonli turkcha: لطفیه سلطان; 1910-yil 20-aprel — 1997-yil 11-iyun) — Usmoniylar malikasi, Shahzoda Mehmed Ziyoyiddinning qizi, Usmoniylar imperiyasi sultoni Mehmed V ning nabirasi.
Yoshligi
Lutfiya Sulton 1910-yil 20-aprelda Dolmabahçe saroyida tugʻilgan[1]. Uning otasi Shahzoda Mehmed Ziyoyiddin, onasi esa Parizod Xonim boʻlgan. Lutfiya otasining oltinchi farzandi va beshinchi qizi, onasining esa ikkinchi farzandi edi. Uning oʻzidan 2 yosh katta Hayriya Sulton ismli tugʻishgan opasi bor edi[2]. Lutfiya sulton Mehmed V va Kamures Kadınning nabirasi boʻlgan[3].
1915-yilda Lutfiya Sulton singlisi bilan birga taʼlim ola boshladi. Oʻqituvchisi ularga Qurʼonni oʻqishni oʻrgatgan Safiya Ünüvar edi[4]. Ünuvarning soʻzlariga koʻra, u onasi va opasi kabi chiroyli, sargʻish sochli qiz boʻlgan[5]. Keyinchalik, bobosining hukmronligi soʻnggi yillarida ota-onasi, opasi va oʻqituvchisi bilan birga otasining Haydarposhodagi villasiga joylashgan[6].
1924-yil mart oyida Usmoniylar sulolasi oila aʼzolari surgun qilingach, Lutfiya va uning oilasi avval Bayrutga, keyinroq esa Misrning Iskandariya shahriga joylashgan[3].
Nikohi
Lutfiya 1932-yil 3-iyunda Iskandariyada Hasan Kemal Bey ismli kishiga turmushga chiqdi. Ularning nikohidan bir yil oʻtib, 1933-yil 7-may kuni ilk farzandi, oʻgʻli, Sultonzoda Ahmad Rashid Bey tugʻildi. U 1958-yilda 25 yoshida vafot etgan. 1934-yil 7-may kuni ularning ikkinchi farzandi, yana bir oʻgʻli, Sultonzoda Rashod Bey tugʻildi. Er-xotinning uchinchi farzandi va yagona qizi Parizod Xonimsulton 1936-yil 11-yanvarda tugʻilgan[3]. Keyinchalik oila Qohiraning Maadi tumanida istiqomat qila boshlagan[7].
Lutfiyaning eri Usmoniylar shahzodalari orasida imperiyaning kuyovlari qatoriga mansubligini bildiruvchi „Damat Kemal“ taxallusi bilan atalgan. Er-xotin Maadidagi 10-koʻchada katta va chiroyli villada yashar edi. Ularning villasida urush yillarida Mehrimoh Sulton va Shahzoda Noyif bin Abdullohning (Transiordaniya) tarixiy toʻyi boʻlib oʻtgan[7]. Lutfiyani koʻpincha Maadi koʻchalari boʻylab Amerika ishlab chiqargan oxirgi rusumdagi kupe mashinasini haydab yurganini koʻrish mumkin edi[7].
1958-yilda Kemal vafot etgach, Lutfiya beva qolgan[3].
Vafoti
Lutfiya Sulton 1997-yil 11-iyunda 87 yoshida Saudiya Arabistonining Ar-Riyod shahrida vafot etgan. Vafotidan keyin Istanbulning Eyüp tumanida joylashgan bobosi sulton Mehmed V ning maqbarasiga dafn qilingan[1][3][8].
Farzandlari
| Ismi | Tugʻilgan yili | Vafot etgan yili | Izohlar |
|---|---|---|---|
| Hasan Kemal Beydan (nikoh 3-iyun 1932; vafoti 1958) | |||
| Sultonzoda Ahmad Rashid Bey | 1933-yil 7-may | 1958 | Uylanmagan va undan nasl qolmagan. |
| Sultonzoda Rashod Bey | 1934-yil 7-may | 2014-yil yanvar[9] | Misrning Iskandariya shahrida tugʻilgan. Uylanmagan va undan nasl qolmagan. |
| Parizod Xonimsulton | 1936-yil 11-yanvar | tirik | Cömert Baykent ismli kishiga turmushga chiqqan va Cem Baykent ismli bir oʻgʻil farzandi bor. Cem Baykent (1961-yil 25-sentyabrda Istanbulda tugʻilgan) Nilgün Berna ismli ayol bilan turmush qurgan va Alara Yasemin Beykent (1995-yil 12-fevral Istanbulda tugʻilgan) ismli qiz farzand koʻrgan. |
Nasabi
| Lutfiya Sulton | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Manbalar
- ↑ 1,0 1,1 Brookes 2010, s. 283.
- ↑ Brookes 2010, s. 280.
- ↑ 3,0 3,1 3,2 3,3 3,4 Adra, Jamil. Genealogy of the Imperial Ottoman Family 2005, 2005 — 32-bet.
- ↑ Brookes 2010, s. 222.
- ↑ Brookes 2010, s. 212.
- ↑ Brookes 2010, s. 267.
- ↑ 7,0 7,1 7,2 „MAADI'S OTTOMANS“. egy.com. Qaraldi: 2020-yil 27-iyun.
- ↑ „Lutfiye Sultan (1910-1997)“. www.findagrave.com.
- ↑ „Jon Rashad Kemal, May 1934 - January 2014“. egy.com. Qaraldi: 2020-yil 28-iyun.
Adabiyotlar
- Brookes, Douglas Scott. The Concubine, the Princess, and the Teacher: Voices from the Ottoman Harem. University of Texas Press, 2010. ISBN 978-0-292-78335-5.