Kung Fu Panda 4

Kung Fu Panda 4
	Fayl:Kung Fu Panda 4 posteri.jpg; Film posteri
Rejissyor(lar)	Mike Mitchell
Prodyuser(lar)	Rebecca Huntley
Rollarda	Jack Black; Awkwafina; Viola Davis; Dustin Hoffman; James Hong; Bryan Cranston; Ian McShane; Ke Huy Quan;
Bastakor(lar)	Hans Zimmer; Steve Mazzaro;
Montajyor(lar)	Christopher Knights
Studiya	DreamWorks Animation
Distribyutor	Universal Pictures
Premyera; sanasi	2024-yil 7-mart (Oʻzbekiston); 2024-yil 8-mart (AQSh);
Davomiylik	94 daqiqa
Mamlakatlar	AQSH; Xitoy;
Til	inglizcha
Byudjet	$85 million
Daromad	$534 million

Kung Fu Panda 4 (inglizcha: Kung Fu Panda 4) – DreamWorks Animation tomonidan ishlab chiqarilgan va Universal Pictures tomonidan tarqatilgan Amerika-Xitoy kompyuter-animatsion filmi. Kung Fu Panda franshizasining toʻrtinchi toʻliq metrajli filmi, Kung Fu Panda 3 (2016) multfilmining davomi. Filmga Mike Mitchell rejissyorlik qilgan. Ushbu filmda ham Jack Black avvalgi filmlardagi Po qahramoniga ovoz beradi; unga Awkwafina qoʻshiladi. Film voqealariga koʻra Po Chjen ismli tulki bilan birlashib, oʻtmishdagi koʻplab yovuz odamlarni tiriltirgan „Buqalamun“ deb nomlanuvchi yovuz sehrgarga qarshi kurashadi.

2016-yil yanvar oyida uchinchi filmning rejissyorlari Jennifer Yuh Nelson va Alessandro Carloniga toʻrtinchi filmni ishlash imkoniyati haqida soʻrashgan, 2018-yil avgustida esa Nelson bunga doim xayrixoh ekanliklarini aytgan. Toʻrtinchi qism rasman 2022-yil avgustida, 2023-yil aprelida esa Mitchell, Ma Stein va Rebecca Huntleylar esa filmga mos ravishda rejissyor, hamrejissyor va prodyuser sifatida eʼlon qilingan edi.

Kung Fu Panda 4 premyerasi 2024-yil 7-martda Oʻzbekistonda, shu yilning 8-martida esa AQShda boʻlib oʻtadi.

Filmning Oʻzbekistonda namoyish qilinishi Warner Bros. kompaniyasining rasmiy vakili „Interfilm Uzbekistan“ tomonidan amalga oshirilgan^[1].

Ovoz berganlar

Jack Black – Po:

Ajdaho jangchisi unvonidan voz kechganidan keyin ruhiy yetakchiga aylanmoqchi boʻlgan ulkan panda^[2].

Awkwafina – Chjen:

Ilgari oʻgʻri boʻlgan va Poga sayohatida hamrohi korsak tulkisi^[2].

Viola Davis – Buqalamun:

Yovuz buqalamun jodugar, u boshqalarning qobiliyatlarini oʻzlashtirib, shaklini oʻzgartirib, hatto kung funi oʻzlashtirishi ham mumkin.

Dustin Hoffman – ustoz Shifu:

Qizil panda va Poning dono ustozi^[2].

James Hong – janob Ping:

Poni asrab olgan gʻoz^[2].

Bryan Cranston – Li Shan:

Poning biologik otasi^[2].

Ian McShane – Tay Lun:

Qor qoploni. Yovuz boʻlgunga qadar Shifuning shogirdi boʻlgan. U birinchi filmda Podan yengilgan, Buqalamun tomonidan Ruhlar olamidan qaytarilgan^[2].

Ke Huy Quan – Xan:

Oʻgʻrilar uyining rahbari boʻlgan sunda pangolini^[2].

Manbalar

↑ https://www.youtube.com/watch?v=yt7QQkPKWAw
↑ ^2,0 ^2,1 ^2,2 ^2,3 ^2,4 ^2,5 ^2,6 Sachdeva, Maanya „Kung Fu Panda fans praise 'legendary' new villain as trailer for fourth film released“. The Independent (2023-yil 13-dekabr). 2023-yil 13-dekabrda asl nusxadan arxivlangan. Qaraldi: 2023-yil 13-dekabr.

Havolalar

URL topilmadi.
Kung Fu Panda 4 IMDbda

Multfilm, multiplikator yoki multiplikatsiyaga oid ushbu maqola chaladir. Siz uni boyitib, ZiyoSferaga yordam berishingiz mumkin.

[1] ttps://www.youtube.com/watch?v=yt7QQkPKWAw

[casting:independent-2] 2,0 ^2,1 ^2,2 ^2,3 ^2,4 ^2,5 ^2,6 Sachdeva, Maanya „Kung Fu Panda fans praise 'legendary' new villain as trailer for fourth film released“. The Independent (2023-yil 13-dekabr). 2023-yil 13-dekabrda asl nusxadan arxivlangan. Qaraldi: 2023-yil 13-dekabr.

[1]

[2]