Kontent qismiga oʻtish

Kimi Antonelli

ZiyoSfera, erkin ensiklopediya
Kimi Antonelli

Antonelli (2025-yilgi AQSh Gran-prisida)
Tavalludi 2006-yil 25-avgust (2006-08-25) (20 yosh)
Bolonya, Emilia-Romanya, Italiya
Otasi Marko Antonelli
Imzosi
Kimi Antonelli
Millati Italiya italyan
Jamoalar Mercedes
Avtomobil raqami 12

Andrea Kimi Antonelli ( 2006-yil 25-avgustda tug‘ilgan) — italiyalik poyga haydovchisi bo‘lib, hozirda Formula One chempionatida Mercedes-AMG Petronas Formula One Team jamoasi safida ishtirok etadi.

Bolonya shahrida tug‘ilib o‘sgan Antonelli sport avtomobillari poygasi haydovchisi Marco Antonellining o‘g‘lidir. Antonelli kartingda muvaffaqiyatli faoliyat olib bordi va 2020 hamda 2021-yillarda katta yosh toifasidagi Yevropa chempionatida ketma-ket g‘olib bo‘ldi. Shundan so‘ng u yoshlar formulasi poygalariga yo‘l oldi.

U 2022-yilda Italiya F4 va ADAC F4 chempionatlarida Prema jamoasi bilan birinchi marotaba chempion bo'ldi. Bundan tashqari, u Italian GT3 musobaqasida poyga g‘olibiga aylandi hamda Formula 4 kubogi bahslarida FIA Motorsport o‘yinlari doirasida Italiya uchun oltin medalni qo‘lga kiritdi.

Shundan so‘ng u Yevropa mintaqaviy formulasi va O‘rta Sharq mintaqaviy formulasi chempionatlarida g‘olib chiqdi. Keyinchalik u 2024-yilgi mavsumida FIA Formula 2 musobaqasiga o‘tib, ikki poygada g‘alaba qozondi va umumiy hisobda oltinchi o‘rinni egalladi.

2019-yildan beri Mercedes yoshlar jamoasi a’zosi bo‘lgan Antonelli 2025-yilgi mavsumda Mercedes formula 1 jamoasi bilan shartnoma imzoladi. U jamoada Lewis Hamilton o‘rnini egallab, George Russell bilan bir jamoada poygaga tushdi.

Antonelli 2025-yilda 18 yoshida Avstraliya poygasida start olib, Formula One tarixidagi eng yosh uchinchi haydovchiga aylandi. U ilk bor 2025-yilgi Canada poygasida podiumga chiqdi hamda eng yosh eng tez aylanish qayd etgan haydovchiga aylandi. Antonellining Mercedes bilan shartnomasi kamida 2026-yil mavsumi oxirigacha amal qiladi.

Bolalik davri

Kimi 2022-yilgi Xalqaro GT musobaqasida Mercedes-AMG GT3 Evo avtomobilini Red Bull Ringda haydamoqda

Andrea Kimi Antonelli 2006-yil 25-avgustda Bolonya shahrida tug‘ilgan[1] . Uning otasi, Marco Antonelli, sport avtomobillari poygachisi va San-Marino AKM Motorsport jamoasining egasi bo‘lib, ular 2022-yildan beri Italiya F4 musobaqalarida qatnashmoqda[2][3]. U 1993-yilda Antonelli Motorsport jamoasini tashkil qilgan, ular bir qancha GT seriyalarda qatnashgan va 2018-yilda Italiya GT Championatida g‘olib chiqqan[4][5][6] .Uning onasi, Veronica Antonelli, sobiq Italiya pochtasi xodimi va 1997-yildan beri motorsport sohasida ishlaydi, Marco Antonelliga AKM jamoasini boshqarishda yordam beradi[7][8] .Uning Maggie ismli kichik singlisi bor[9]. Antonelli o‘zining o‘rta ismini(middle name) Kimi Räikkönenning ismiga o‘xshash tarzda olgan — u 2007-yilgi Formula-1 jahon chempioni hisoblanadi. Uning otasi o‘g‘liga “Andrea” ismiga qo‘shimcha ravishda chet elcha ism qo‘yishni istagan va shu sababli “Kimi” ismini tanlagan. Shuningdek, u bu ism to‘g‘ridan-to‘g‘ri Räikkönen sharafiga qo‘yilmaganini ham ta’kidlagan[10][11].

U Casalecchio di Reno shahridagi Gaetano Salvemini nomidagi davlat tijorat-texnik institutida o‘qigan. U yerda xalqaro munosabatlar va marketing yo‘nalishlari bo‘yicha o‘qigan hamda hafta oxirlarida poygaga qatnashish jarayonida ingliz tilida gaplashishni o‘rgangan[12].

Dastlab uning otasi uni Italiyada futbol bilan shug‘ullanishini xohlagan. Biroq Antonelli avtosportga kuchli qiziqish bildirgani sababli, keyinchalik uni karting sportiga yo‘naltirgan[13].

Manbalar

  1. ↑ „Andrea Kimi Antonelli – Junior Driver“. Mercedes-AMG Petronas F1 Team. Mercedes-Benz Group. 2024-yil 3-dekabrda asl nusxadan arxivlangan. Qaraldi: 2024-yil 2-fevral.
  2. ↑ Smith, Luke. „Mercedes' next F1 star? Andrea Kimi Antonelli prepares for his next step“. The Athletic. The New York Times (2023-yil 15-dekabr). 2024-yil 7-sentyabrda asl nusxadan arxivlangan. Qaraldi: 2024-yil 10-dekabr.
  3. ↑ Kaligis, Bas „Team AKM Motorsport by Antonelli is born: partnership with Kart Republic of Dino Chiesa“. KartXpress (2020-yil 4-fevral). 2024-yil 4-dekabrda asl nusxadan arxivlangan. Qaraldi: 2022-yil 6-may.
  4. ↑ „Kimi Antonelli: Everything You Need To Know“. Mercedes-AMG Petronas F1 Team. Mercedes-Benz Group. 2024-yil 17-noyabrda asl nusxadan arxivlangan. Qaraldi: 2024-yil 10-dekabr.
  5. ↑ „Antonelli Motorsport“. Intercontinental GT Challenge. SRO Group. 2024-yil 20-dekabrda asl nusxadan arxivlangan. Qaraldi: 2024-yil 30-noyabr.
  6. ↑ „AKM / Antonelli Motorsport“. International GT Open. 2024-yil 20-dekabrda asl nusxadan arxivlangan. Qaraldi: 2024-yil 30-noyabr.
  7. ↑ Guidotti, Maria. «Kimi nel paddock già a un mese Ma non credevo diventasse pilota» (it). Il Giornale. Milan: Società Europea di Edizioni (2025-yil 17-fevral), s. 28–29.
  8. ↑ Retico, Alessandra. „Kimi Antonelli namlikda uchib ketdi: F1dagi debyutida ota-onasi oldida to‘rtinchi o‘rin“ (it). la Repubblica. GEDI Gruppo Editoriale (2025-yil 17-mart). 2025-yil 9-aprelda asl nusxadan arxivlangan. Qaraldi: 2025-yil 15-iyun.
  9. ↑ Monari, Simone. „Kimi, kelajak haydovchisi, litsenziyaga ega emas: "Mening qahramonim Ayrton"“ (it). Repubblica Bologna. la Repubblica (2023-yil 19-oktyabr). 2025-yil 29-yanvarda asl nusxadan arxivlangan. Qaraldi: 2025-yil 15-iyun.
  10. ↑ Di Marco, Marco „F4 | Antonelli: "Credo in Mercedes, con Loro Arriverò in Vetta"“ [F4 | Antonelli: "I believe in Mercedes, with them I will reach the top"] (it). Motorsport.com. Motorsport Network (2022-yil 20-oktyabr). 2024-yil 2-dekabrda asl nusxadan arxivlangan. Qaraldi: 2024-yil 8-iyul.
  11. ↑ Cary, Tom. „Teenage star Andrea Kimi Antonelli: The new Mercedes driver with talent to emulate Lewis Hamilton“. The Daily Telegraph. Telegraph Media Group (2024-yil 31-avgust). 2024-yil 19-dekabrda asl nusxadan arxivlangan. Qaraldi: 2024-yil 10-dekabr.
  12. ↑ Nicolao, Lorenzo. „Kimi Antonelli, la foto del pilota dopo il Gp d'Arabia con i libri: "Ho una verifica"“ (it). Corriere della Sera. RCS MediaGroup (2024-yil 11-mart). 2024-yil 21-noyabrda asl nusxadan arxivlangan. Qaraldi: 2024-yil 1-dekabr.
  13. ↑ Sparisci, Daniele „Andrea Kimi Antonelli, il papà del pilota: "Allo studio non rinuncia. Gli dicevo: o si va bene a scuola o non si va sul kart"“ [Andrea Kimi Antonelli, the driver's father: "He doesn't give up on studying. I told him: either you do well at school or you don't go karting"] (it). Corriere di Bologna. RCS MediaGroup (2024-yil 18-mart). 2024-yil 20-dekabrda asl nusxadan arxivlangan. Qaraldi: 2024-yil 8-iyul. 
"https://ziyosfera.uz/index.php?title=Kimi_Antonelli&oldid=545383" dan olindi