Lewis Hamilton
| Lewis Hamilton | |
|---|---|
|
Hamilton in 2025 | |
| Tavalludi |
Lewis Carl Davidson Hamilton 1985-yil 7-yanvar |
| Imzosi | |
|
| |
| Lewis Hamilton | |
|---|---|
| Millati |
|
| Jamoalar | Ferrari |
| Avtomobil raqami | 44[1] |
Sir Lewis Carl Davidson Hamilton (1985-yil 7-yanvarda tugʻilgan) — britaniyalik avtopoygachi boʻlib, u Formula 1 musobaqalarida Ferrari jamoasi safida qatnashadi. Hamilton Formula 1 jahon chempionatida rekord darajada yetti marta gʻolib chiqqan boʻlib, u bu natijasi bilan Michael Schumacherga tenglashgan. Shuningdek, u Formula 1 da eng koʻp Grand pri gʻalabalari, eng koʻp pole-pozitsiyalar va eng koʻp podium natijalarini qoʻlga kiritish boʻyicha rekordlarga ega.
Stevenage shahrida tugʻilib oʻsgan Hamilton oʻz faoliyatini olti yoshida kartingdan boshlagan. U qisqa vaqt ichida bir nechta milliy chempionliklar gʻolibligini qoʻlga kiritib, Ron Dennisning eʼtiborini tortdi. Dennis 1998-yilda Hamiltonni McLaren–Mercedes Yosh haydovchilar dasturiga qabul qildi. 2000-yilda Karting boʻyicha jahon va Yevropa chempionatida gʻolib chiqqanidan soʻng, Hamilton yoshlar formulasi seriyalariga oʻtdi. Bu davrda u Formula 3 Yevropa seriyasi va GP2 seriyasi musobaqalarida chempionlikni qoʻlga kiritdi.
Shundan soʻng u 2007-yilda McLaren jamoasi bilan shartnoma imzoladi va Avstraliya Grand prisida qora tanli haydovchilar orasida Formula 1 da qatnashgan birinchi sportchi boʻldi. Debyut mavsumida Hamilton toʻrtta Grand prida gʻalaba qozondi hamda bir nechta rekordlarni oʻrnatib, mavsum yakunida Kimi Räikkönendan atigi bir ochko ortda qolgan holda ikkinchi oʻrinni egalladi va jamoadoshi Fernando Alonso bilan teng ochko toʻpladi.
Hamilton oʻzining ilk jahon chempionligini 2008-yilda qoʻlga kiritdi. U mavsumning soʻnggi bosqichi boʻlgan 2008-yilgi Braziliya Grand prisining oxirgi aylanasida hal qiluvchi quvib oʻtishni amalga oshirib, oʻsha paytdagi eng yosh jahon chempioniga aylandi. Jumladan, u 2010-yilda toʻrt nafar haydovchi ishtirok etgan chempionlik kurashida ham qatnashdi.
Ilk hayoti va taʼlimi

Lewis Carl Davidson Hamilton 1985-yil 7-yanvarda Stevenage, Hertfordshire shahrida tugʻilgan[3][4]. Uning otasi Anthony Hamilton kelib chiqishi afro-grenadiyalik, onasi Carmen Larbalestier esa oq tanli britaniyalik boʻlib, Birmingham shahrida tugʻilgan[5]. Shu sababli Hamilton turli irqlardan kelib chiqishga ega hisoblanadi[6][7].
Hamilton ikki yoshga toʻlganida ota-onasi ajrashgan. Shundan soʻng u 12 yoshigacha onasi hamda opalari — Samantha va Nicola bilan birga yashagan[8]. Keyinchalik u otasi, oʻgay onasi Linda va uning oʻgay ukasi Nicolas bilan yashay boshlaydi. Uning oʻgay ukasi Nicolas ham professional avtopoygachi hisoblanadi[9][10].
Hamilton katolik eʼtiqodida tarbiyalangan[11].
Manbalar
- ↑ „Hamilton to keep 44 as car number“. GP Update. 2014-yil 2-dekabrda asl nusxadan arxivlangan. Qaraldi: 2014-yil 25-noyabr.
- ↑ Cary, Tom. „Anthony Hamilton's massive support makes parting with Lewis easier to understand“. The Daily Telegraph (2010-yil 3-mart). 2022-yil 10-yanvarda asl nusxadan arxivlangan. Qaraldi: 2010-yil 14-may.
- ↑ Hamilton, Lewis. Lewis Hamilton: My Story. HarperSport, 2007 — 33-bet. ISBN 978-0-00-727005-7.
- ↑ Kelso, Paul. „Profile: Lewis Hamilton“. The Guardian (2007-yil 20-aprel). 2013-yil 5-oktyabrda asl nusxadan arxivlangan. Qaraldi: 2008-yil 26-iyun.
- ↑ „FreeBMD Entry Info“. freebmd.org.uk. 2021-yil 12-dekabrda asl nusxadan arxivlangan. Qaraldi: 2021-yil 12-dekabr.
- ↑ Wolff, Alexander „Better Than Sex“ (2007-yil 12-iyun). 2008-yil 21-yanvarda asl nusxadan arxivlangan. Qaraldi: 2007-yil 21-avgust.
- ↑ „Being F1's first black driver is important“. lewishamilton.com. 2018-yil 8-martda asl nusxadan arxivlangan. Qaraldi: 2018-yil 7-mart.
- ↑ Mathé, Charlotte „10 Things About ... Lewis Hamilton“. Digital Spy (2014-yil 12-iyul). 2020-yil 20-avgustda asl nusxadan arxivlangan. Qaraldi: 2019-yil 21-noyabr.
- ↑ The Life of Formula 1 Champ Lewis Hamilton (Full Segment) | Real Sports w/ Bryant Gumbel | HBO.
- ↑ Matt Dickinson.. „Lewis Hamilton admits: 'I just don't know how I kept my cool'“. The Times (2008-yil 3-noyabr). 2009-yil 9-mayda asl nusxadan arxivlangan. Qaraldi: 2009-yil 9-may.
- ↑ „Lewis Hamilton Biography – Trivia“. The Biography Channel. London: thebiographychannel.co.uk. 2014-yil 25-mayda asl nusxadan arxivlangan. Qaraldi: 2013-yil 7-may.