Kaʼb ibn Luay
| Kaʼb ibn Luay arabcha: كَعْب ٱبْن لُؤَيّ | |
|---|---|
| Tavalludi | |
| Vafoti | Makka |
| Mashhur ishlari | Islom paygʻambari Muhammadning ajdodi |
| Turmush oʻrtogʻi | Vahshiya bint Shaybon (Quraysh) |
| Bolalari | Murra ibn Kaʼb, Adiy ibn Kaʼb, Husays ibn Kaʼb |
| Ota-onasi |
Luay ibn Gʻolib Maʼviya bint Kaʼb (Qudoa) |
| Qarindoshlari |
Amir ibn Luay Sama ibn Luay Avf ibn Luay Xuayma ibn Luay Saʼd ibn Luay (aka-ukalari) |
Kaʼb ibn Luay (arabcha: كَعْب ٱبْن لُؤَيّ) islomiy manbalarga koʻra Islom paygʻambari Muhammadning ajdodi boʻlgan.
Nasl-nasabi
Kaʼb Luay taxminan 305-yilda Makkada tugʻilgan. Otasining ismi Luay ibn Gʻolib, onasi esa Maʼviya bint Kaʼb ibn al-Qayn ibn Jasr ibn Shayulloh ibn Asad ibn Vabara ibn Tagʻlib ibn Hulvon ibn Imron ibn al-Haf ibn Qudoa boʻlgan[1]. Maʼviyaning onasi esa Atika bint Kohil ibn Uzro edi[2].
Oilasi
Kaʼb ibn Luayning Amir va Sama ismli ikki tugʻishgan aka-ukasi boʻlgan[3]. Uch aka-uka Banu Najiya nomi bilan tanilgan edi.
Shuningdek, ularning Avf ibn Luay ismli ota bir, ona boshqa aka (yoki uka)si ham boʻlgan. Uning avlodlari oʻzlarini Banu Gʻatafon qabilasining bir qismi deb hisoblagan va qabila tarkibiga qoʻshilib ketgan. Avfning onasisining al-Barida bint Avff ibn Gʻanm ibn Abdulloh ibn Gʻatafon ismli ayol boʻlgan. Maʼlumotlarga koʻra, Luay ibn Gʻolib vafot etgach, al-Barida oʻgʻli Avf bilan oʻz qabilasi Banu Gʻatafonga qaytib ketgan va Saʼd ibn Dubyon ibn Bogʻid ismli kishiga turmushga chiqqan.
Bundan tashqari, Kaʼbning ota bir, onasi boshqa Xuzayma va Saʼd ismli yana ikki aka-ukasi bor edi. Xuzaymaning onasi Aida bint al-Xims ibn Quhofa ibn Kas’am ismli ayol boʻlgan. U Aidat Quraysh nomi bilan tanilgan. Saʼdning onasi esa Bunona ismli ayol boʻlib, Saʼdning avlodlari onasining nomi bilan atalgan[1].