Ibrohim al-Bajuriy
Ibrohim ibn Muhammad al-Bajuriy | |
|---|---|
 | |
| Shaxsiy maʼlumotlar | |
| Tavalludi | 1784 |
| Vafoti |
1860-yil 17-iyun (75–76 yoshda) |
| Dini | Islom |
| Mazhab | Sunniy |
| Yurisprudensiya | Shofiʼiy[2] |
| Imom | Ashʼariy[2] |
| Asosiy qiziqish(lar)i | Islom ilohiyoti, hadis, fiqh |
| Mashhur ish(lar)i | al-Laqqoniyning ilohiyot haqidagi sheʼriy asari Javharat at-tavhidga hoshiya |
Ibrohim ibn Muhammad ibn Ahmad ash-Shofiʼiy al-Bajuriy (arabcha: إبراهيم بن محمد بن أحمد الشافعي الباجوري) (1784-yilda tugʻilgan; 1860-yil 17-iyunda vafot etgan) — ulamo, ilohiyotchi va al-Azhar universiteti rektori. Imom ash-Shofiʼiy izdoshi boʻlgan al-Bajuriy fiqg, eʼtiqod aqidalari, islomiy meros taqsimoti, kalom, mantiq va arab tiliga oid 20 dan ortiq asar hamda sharhlar yozgan[3].
Ilk hayoti
Al-Bajuriy Misrning Monufiya muhafazasidagi al-Bagur qishlogʻida tugʻilgan[1]. Otasidan Qurʼon va uni qiroat qilishni oʻrgangan[4]. 14 yoshida al-Bajuriy islomning anʼanaviy ilmlarini oʻrganish uchun al-Azharga kirgan[4]. 1798-yilda fransuzlar bosqini sabab al-Bajuriy al-Azhardan ketib, 1801-yilgacha Gizada qoladi; soʻng taʼlimini yakunlash uchun al-Azharga qaytadi. Shu yerda u oʻqishda yuksak natijalarga erishib, turli mavzularda dars bera boshlaydi va asarlar yoza boshlaydi[4].
Al-Azhar universiteti rektori
Al-Bajuriy al-Azhar universitetida dars bergan va 1847-yilda uning rektori boʻlgan[5], bu lavozimni umrining oxirigacha egallab turgan[1][4]. Shayx al-Azhar sifatidagi faoliyati davomida u vaqtining katta qismini taʼlim berishga sarflagan. Uning shogirdlari orasida ilm talab qiluvchi yosh talabalar ham, al-Azharning koʻplab yirik ulamolari ham boʻlgan[6].
Asarlari
Al-Bajuriyning keng qamrovli adabiy merosidagi eng mashhur asarlar quyidagilardir:[1].
- Risolа fi ilm at-tavhid
- al-Mavohib al-laduniyya, at-Termiziyning Kitob ash-shamoil asariga sharh
- al-Busiriyning Burda asariga sharh
- Abu Shujoʼning Taxrib yoki Muxtasari (Matn Abi Shujoʼ)ga sharh[7].
- Muhammad ibn Yusuf as-Sanusiyning Umm al-barohin (Asosiy dalillar) asariga sharh
- Ibrohim al-Laqqoniyning Javharat at-tavhid asariga yozilgan sharhga hoshiya
- al-Axdariyning oʻzining as-Sullam al-muravnok asariga yozgan sharhiga hoshiya
- ustozı Muḥammad al-Faḍālīning Kifayat al-'Awām asariga sharh
- Ahmad ad-Dardirning Mavlid asariga sharh
- Ibn Ajurrumning Ajorumiyya asarining nazmga solingan nusxasiga sharh.
Vafoti
Al-Bajuriy 1276/1860-yilda vafot etgan[1].
Yana qarang
Manbalar
- ↑ 1,0 1,1 1,2 1,3 1,4 Gibb, H. A. R., ed (1960). "Encyclopaedia of Islam. Volume I: A–B" (2nd nashri). Leiden: E. J. Brill. p. 867. OCLC 495469456. https://referenceworks.brillonline.com/search?s.q=&s.f.s2_parent=s.f.book.encyclopaedia-of-islam-2&search-go=Search.
- ↑ 2,0 2,1 Spevack, Aaron. The Archetypal Sunni Scholar: Law, Theology, and Mysticism in the Synthesis of Al-Bajuri. State University of New York Press, 1 Oct 2014 — 1-bet. ISBN 978-1438453712.
- ↑ Keller, Nuh Ha Mim. Reliance of the Traveller. A Classic Manual of Islamic Sacred Law. Beltsville, Maryland: Amana Publications, 1997 — 1041-bet. ISBN 0915957728.
- ↑ 4,0 4,1 4,2 4,3 Spevack, Aaron. The Archetypal Sunni Scholar: Law, Theology, and Mysticism in the Synthesis of Al-Bajuri. State University of New York Press, 1 Oct 2014 — 7-bet. ISBN 978-1438453712.
- ↑ Holmes Katz, Marion. The Birth of The Prophet Muhammad: Devotional Piety in Sunni Islam. Routledge, 2007 — 169-bet. ISBN 978-0415771276.
- ↑ Spevack, Aaron. The Archetypal Sunni Scholar: Law, Theology, and Mysticism in the Synthesis of Al-Bajuri. State University of New York Press, 1 Oct 2014 — 8-bet. ISBN 978-1438453712.
- ↑ Vrolijk, Arnoud; Hogendijk, Jan. O ye Gentlemen: Arabic Studies on Science and Literary Culture: In Honour of Remke Kruk. BRILL Publishers, 2007 — 476-bet. ISBN 978-9047422051.