Ibn Sinon
| Ibn Sinon | |
|---|---|
| arabcha: ابن سنان | |
| Vafoti |
milodiy 608-yil Arabiston yarim oroli |
| Mashhur ishlari | Dahis va al-Gʻabra urushini toʻxtatishi |
Ibn Sinon (arabcha: ابن سنان) – Banu Murra qabilasiga mansub zodagon va islomdan avvalgi arab shoiri. Shuningdek, Horis ibn Avfning amakivachchasi. Ibn Sinon al-Horis bilan birga Dahis va al-Gʻabra urushini yakunlashdagi ishtiroki bilan eslanadi.
Biografiyasi
„Ibn Sinon“ nomi faqat patronim boʻlib, asl ismi Sinon yoki Xorija boʻlgan. Musulmon olimi Amin ibn Abdulloh uning ismi Xorija boʻlganini qayd etgan. Sharqshunos tarjimon Reynold A. Nicholson esa uning ismi Harim boʻlganini taʼkidlagan[1][2]. Otasining nasabnomasi quyidagicha keltirilgan: Sinon ibn Abu Horisa ibn Murra ibn Nusayba ibn Gʻayz ibn Murra ibn Avf ibn Saʼd ibn Zubyan[3]. Ushbu nasab Ibn Sinonning Banu Murra tarmogʻi orqali Banu Zubyan qabilasiga mansub boʻlganini koʻrsatadi. Amakivachchasi Horis ibn Avf boʻlgan[1].
Ibn Sinanning bir qizi boʻlgan. U musulmon boʻlib, Roshidun xalifa Umar ibn Xattob hukmronligi davrigacha yashagan[3].
Hayoti
Ibn Sinon va al-Horis Dahis va al-Gʻabra urushi deb atalgan, Banu Zubyan va Banu Abs qabilalari oʻrtasida qariyb 40 yil davom etgan urushni yarashuv bilan tugatishga muvaffaq boʻlgan[1][2]. Ular halok boʻlganlarni sanab chiqib, soʻng barcha qurbonlar uchun qon puli (diyya) toʻlash orqali urushga yakun yasagan[1][2][4]. Sir William Muir bu yarashuvni taxminan milodiy 608-yilga taalluqli deb hisoblaydi[4]. Qabilalar yarashtirilgach, Ibn Sinon savdo safari bilan al-Hiraga yoʻl olgan. Biroq oʻsha yilning oʻzida yoʻlda vafot etgan[3].
Zuhayr bin Abu Sulmo Ibn Sinon va amakivachchasining Banu Zubyan hamda Banu Abs oʻrtasidagi mojaroning yanada avj olib ketishining oldini olishdagi saʼy-harakatlarini yuksak baholagan[2].
Yana qarang
Manbalar
- ↑ 1,0 1,1 1,2 1,3 al-Shaqawi, Amin ibn 'Abd Allah. [al-Sa'adat al-Falah fi Fahm Maqasid al-Nikah, 1st, 2021. ](https://shamela.ws/book/196}})
- ↑ 2,0 2,1 2,2 2,3 Nicholson, R. A.. [[1](https://books.google.com/books?id=5yQlpRMJWCYC&dq=dahis+and+ghabra+war&pg=PA61) A Literary History of the Arabs] (en). Cosimo, Inc., 2010-01-01. ISBN 978-1-61640-340-9.
- ↑ 3,0 3,1 3,2 al-Zirikli. al-A'lam, 7th (Arabic), Beirut, Lebanon: Dar El Ilm Lilmalayin.
- ↑ 4,0 4,1 Muir, William (2013). The Life Of Mahomet: From Original Sources. Hardpress Publishing (published 11 December 2013). ISBN 1314678876.