Hotib ibn Abu Baltaa
Hotib ibn Abu Baltaa (arabcha: حاطب بن أبي بلتعة) — sahoba, paygʻambar Muhammad bilan birga barcha janglarda, shuningdek, Badr jangida ishtirok etgan[1].
Hayoti
Hotib baquvvat, siyrak soqolli, qaddi biroz bukchaygan, boʻyi pastroq, barmoqlari yoʻgʻon kishi boʻlgan[1]. Paygʻambar Muhammad unga islomga daʼvat etuvchi maktub tutqazib, Misr hukmdori Al-Mukaukisning huzuriga elchi sifatida yuborgan[2]. U Al-Mukaukisning huzuridan sovgʻalar bilan qaytgan, hadyalar orasida ikki choʻri Mariya al-Qibtiya va uning singlisi Sirin bint Sham’un ham bor edi. Hotib Muhammad paygʻambardan hadislar rivoyat qilgan. Ularni uning oʻgʻillari Abdurahmon bin Hotib, Yahyo bin Hotib hamda Urva ibn Zubayr rivoyat qilib qoldirgan[1].
Uning Quraysh qabilasiga paygʻambar Muhammadning harakatlari tafsilotlarini bayon qilgan maxfiy xat yuborgani aniqlangan. Aybi yuziga solinganida u oilasining Quraysh bilan hech qanday qondoshlik aloqalari yoʻqligi sababli himoyasiz qolganini, buni faqat Makkada yashayotgan oilasini himoya qilishda Quraysh qabilasi yordam beradi degan umidda qilganini aytgan. Umar ibn Xattob Baltaani oʻldirish uchun paygʻambar Muhammaddan ijozat soʻragan, biroq Muhammad paygʻambar bunga yoʻl qoʻymagan. Shundan soʻng Hotib afv etilgan[1].
Vafoti
Hotib 651-yilda 65 yoshida Al-Madinada vafot etgan. Janoza namozini Usmon ibn Affon oʻqigan[1]. U oʻgʻillariga 4 000 dinor, bir qancha dirham, bir uy va yana boshqa narsalar qoldirgan[3].
Manbalar
- ↑ 1,0 1,1 1,2 1,3 1,4 „ص43 - كتاب سير أعلام النبلاء ط الرسالة - حاطب بن أبي بلتعة عمرو بن عمير بن سلمة اللخمي - المكتبة الشاملة“. shamela.ws. Qaraldi: 2024-yil 29-may.
- ↑ „Prophet Muhammad's Letters to Kings (628 CE)“. cyberistan.org. 2026-yil 9-martda asl nusxadan arxivlangan. Qaraldi: 2026-yil 1-iyun.
- ↑ „الطبقات الكبرى لابن سعد - حَاطِبُ بْنُ أَبِي بَلْتَعَةَ“. 2016-yil 20-dekabrda asl nusxadan arxivlangan.
 | Islom shaxsiyati haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |