Hind binti Avf
| Hind binti Avf | |
|---|---|
| هندة بنت عوف ابن زهير | |
| Tavalludi |
Hind binti Avf ibn Zuhayr tax. milodiy 560 |
| Vafoti |
610-yilgacha Hijoz, Arabiston (hozirgi Saudiya Arabistoni) |
| Mashhur ishlari | Muhammad paygʻambarning qaynonasi |
| Turmush oʻrtogʻi |
|
| Bolalari |
|
| Otasi | Avf ibn Zuhayr |
| Onasi | Oysha binti Muhazzam |
| Qarindoshlari |
Oʻgay farzandlari:
Kuyovlari: |
Hind binti Avf (arabcha: هند بنت عوف) — Muhammadning qaynonasi[1]. Bir necha sahobalarning onasi, qaynonasi va buvisi boʻlgani bois „yer yuzidagi eng ulugʻ qaynona“ sifatida tanilgan. Shuningdek, Xavla nomi bilan ham maʼlum[2].
Oilasi
Hindning otasi Avf ibn Zuhayr ibn al-Horis ibn Humota ibn Juraysh/Jarsh Yamandagi Himyar qabilasidan edi. Onasi esa Oysha binti al-Muhazzam boʻlgan[3].
Nikohlari va farzandlari
Hind binti Avf toʻrt marta turmushga chiqqan va kamida toʻqqiz nafar farzand koʻrganga oʻxshaydi.
Birinchi nikohi
Uning birinchi eri al-Jaz’iy az-Zubaydiy boʻlgan. Tarixchi Tabariy ularning nikohidan bir nafar oʻgʻil farzand dunyoga kelganini qayd etgan:
- Mahmiya ibn al-Jazʼiy az-Zubaydiy[4].
U islomni birinchilardan qabul qilganlardan boʻlib, Habashistonda 13 yil yashagan. 628-yilda Madinaga kelganida Muhammad paygʻambar uni jamoat xazinaboni etib tayinlagan.
Ikkinchi nikohi
Hind ikkinchi marotaba al-Horis ibn Hazan ibn Jubayr ibn al-Hazm ibn Rubiya ibn Abdulloh ibn Hilolga turmushga chiqqan. U mansub boʻlgan Banu Hilol Makkada yashagan arab qabilasi boʻlgan. Ular boy boʻlishlariga qaramay, Quraysh kabi siyosiy qudratiga ega emas edi.
Hind va al-Horisning kamida toʻrt nafar farzandi boʻlgan:
- Katta Luboba — asosan, Ummu Fadl nomi bilan tanilgan. U Abbos ibn Abdulmuttalibning xotini, uning yetti nafar farzandining onasi, jumladan, paygʻambar Muhammadning eng kichik amakivachchasi Ibn Abbosning onasi boʻlgan[5].
- Barra binti al-Horis paygʻambar Muhammad uning uchinchi eri boʻlgan, Barra unga turmushga chiqqanidan soʻng unga Maymuna deb esm berilgan[6].
- As-Soyib ibn al-Horis.
- Qatn ibn al-Horis.
Uchinchi nikohi
Hind binti Avfning uchinchi eri Xuzayma ibn al-Horis al-Hiloliy boʻlgan. Hind Xuzaymadan bir qiz farzand koʻrgan:
- Zaynab binti Xuzayma ham Muhammad paygʻambarga turmushga chiqqan. Vafot etgach, uning dafn marosimiga aka-ukalaridan uch nafari kelgani aytiladi[7]. Mahmiya oʻsha paytda Habashistonda boʻlgani uchun uning dafn marosimiga as-Soyib, Qatn va Avn kelgan boʻlishi kerak.
Toʻrtinchi nikohi
Hindning toʻrtinchi eri Xasʼam qabilasidan boʻlgan Umays ibn Maʼd ibn Tamim ibn al-Horis ibn Kaʼb ibn Molik edi. Bu nikohdan uch farzand dunyoga kelgan:
- Asmo binti Umays Rabia ibn Riyob al-Hiloliy, Jaʼfar ibn Abu Tolib, Roshidun xalifaligining birinchi xalifasi Abu Bakr va toʻrtinchi xalifa Aliga turmushga chiqqan va kamida sakkiz nafar farzand koʻrgan[8][9].
- Salmo bint Umays Hamza ibn Abdulmuttalibga, soʻng Shaddod ibn Usoma ibn al-Haʼd al-Laysiyga turmushga chiqqan[10][11]. Shuningdek, uning Xas’am qabilasidan boʻlgan Kaʼb ibn Inoba bilan ham oila qurgani aytiladi.
- Avn ibn Umays Harron jangida vafot etgan[12].
Oʻgay farzandlari
Al-Horis ibn Hazanning boshqa xotini Faxita binti Amir ibn Muattib ibn Molik as-Saqafiydan kamida uch qizi boʻlgan[13]. Hindning bu nikohdan ham oʻgay farzandlari boʻlgan:
- Luboba as-Sugʻro/Kichik Luboba binti al-Horis, shuningdek, Laylo yoki Asmo nomlari bilan ham tanilgan boʻlib, Volid ibn al-Mugʻiyra al-Maxzumiyga turmushga chiqqan. U mashhur jangchi Xolid ibn Volidning onasi boʻlgan[14][15].
- Huzayla binti al-Horis[16][17].
- Gʻorra binti al-Horis, shuningdek, Izza nomi bilan ham tanilgan boʻlib, Abdulloh ibn Molik al-Hiloliyga turmushga chiqqan[18][19].
Manbalar
- ↑ The encyclopaedia of Islam: prepared by a number of leading Orientalists. Brill Archive, 1980 — 92-bet. ISBN 90-04-06167-3.
- ↑ Al-Tabari, Tarikh al-Rusul waʼl-Muluk, vol. 39. Translated by Landau-Tasseron, E. (1998). Biographies of the Prophetʼs Companions and Their Successors, p. 201. New York: State University of New York Press.
- ↑ Muhammad ibn Saad. Kitab al-Tabaqat al-Kabir vol. 8. Translated by Bewley, A. (1995). The Women of Madina, p. 193. London: Ta-Ha Publishers.
- ↑ Landau-Tasseron/Tabari, p. 201.
- ↑ Landau-Tasseron/Tabari, p. 201.
- ↑ Landau-Tasseron/Tabari, pp. 185, 201.
- ↑ Bewley/Saad p. 82.
- ↑ Bewley/Saad, pp. 196-199.
- ↑ Landau-Tasseron/Tabari, p. 201.
- ↑ Bewley/Saad p. 199.
- ↑ Landau-Tasseron/Tabari, p. 201.
- ↑ Landau-Tasseron/Tabari, p. 201.
- ↑ Landau-Tasseron/Tabari, p. 201.
- ↑ Bewley/Saad p. 195.
- ↑ Landau-Tasseron/Tabari, p. 201.
- ↑ Bewley/Saad p. 196.
- ↑ Landau-Tasseron/Tabari, p. 201.
- ↑ Bewley/Saad p. 196.
- ↑ Landau-Tasseron/Tabari, p. 201.