Hamu al-Qadu masjidi

Hamu al-Qadu masjidi
	Masjid
	Hamu al-Qadu masjidi; arabcha: جامع حمو القدو‎‎
	Masjid 2024-yilda, rekonstruksiyadan keyin
Mamlakat	Iroq
Hudud	Naynava muhafazasi
Joylashuvi	Mosul
Yoʻnalishi	sunniy
Meʼmoriy uslub	Islom meʼmorchiligi; Usmoniylar meʼmorchiligi
Loyiha muallifi	hoji Abdulloh Chalabiy
Binokorlik sanasi	hijriy 1298 (milodiy 1880/1881); 2022 (rekonstruksiya)
Gumbazlar soni	1
Gumbazlar soni	1
Minoralar soni	1
Minoralar soni	1
Qurilish materiali	gʻisht

Hamu al-Qadu masjidi (arabcha: جامع حمو القدو‎‎), Masjid Hamu al-Qadu nomi bilan ham tanilgan, Iroqning Naynava muhafazasi Mosul shahrida joylashgan masjid. Usmoniylar hukmronligi davrida hijriy 1298-yilda (milodiy 1880/1881) bitkazilgan ushbu masjid yertoʻlasida Shayx Alouddin ismli mahalliy soʻfiyning qabri bor^[1]. 2014-yil martida Iroq va Shom Islom Davlati tomonidan vayron qilinguniga qadar qabr har payshanba va juma kunlari mahalliy aholi tomonidan ziyorat qilinadigan joy boʻlgan^[2]. Masjid 2022-yilda qayta tiklangan.

Tarixi

Masjid 1880-yilda Mosulda istiqomat qilgan hoji Abdulloh Chalabiy ismli boy savdogar tomonidan barpo etilgan. U „Hamu al-Qadu“ taxallusi bilan tanilgan boʻlib, keyinchalik bu taxallus masjid nomiga aylangan. Avvalroq u kichikroq masjidni buzib, uning ustiga yangi masjidni qurdirgan, shu bilan birga Shayx Alouddin ismli musulmon soʻfiyning qabri joylashgan yertoʻlani ham saqlab qolgan. Hoji masjid qurilishini moliyalashtirgan va diniy hamda ilmiy bilimlarni oʻrgatadigan madrasa tashkil etgan^[1].

Majmua shaharning al-Maidan bozori yonida joylashgan edi. Madrasada talabalar oʻqishi mumkin boʻlgan jami 33 ta kitobdan iborat kichik kutubxona boʻlgan^[3]. Masjidning eng ajralib turadigan qismi uning minorasi boʻlib, minora bezakli gumbaz ustiga qurilgan, u esa oʻz navbatida bezakli ravoqli gumbaz ustiga barpo etilgan edi^[1].

2014-yil mart oyida tarixiy masjid yertoʻlasidagi qabr sababli Iroq va Shom Islom Davlati tomonidan portlatib yuborilgan^[2].

Masjid 2022-yil davomida qayta tiklangan^{[manba kerak]}.

Xususiyatlari

Minora toʻgʻridan-toʻgʻri gumbaz ustiga qurilgani bilan ajralib turgan. Masjid gumbazi ikki qatlamli boʻlib, gʻishtdan ishlangan. Masjidga kirish qismida favvora ham mavjud boʻlgan^[1]. Masjid yertoʻlasida Shayx Alouddinning qabri joylashgan^[2]^[1].

Yana qarang

Manbalar

↑ ^1,0 ^1,1 ^1,2 ^1,3 ^1,4 „Minaret and dome of Hamou Al-Qadu Mosque“. Mosul-network (2011-yil 27-iyun). 2011-yil 27-iyunda asl nusxadan arxivlangan. Qaraldi: 2023-yil 24-noyabr.
↑ ^2,0 ^2,1 ^2,2 Okodogo, Idris „The Islamic State demolishes Ottoman-era mosque containing shrine in Mosul“ (ar). Ra'i al-Yom (2015-yil 6-mart). Qaraldi: 2023-yil 24-noyabr.
↑ Al-Mawsili, Dawud. The Book of Mosul Manuscripts: Research on its religious madrasas and the madrasas of its annexes (ar). Al-Furat Press, 1927 — 78–79-bet.

Havolalar

Vikiomborda „Hamu al-Qadu masjidi“ mavzusi boʻyicha mediafayllar bor.

[:1-1] 1,0 ^1,1 ^1,2 ^1,3 ^1,4 „Minaret and dome of Hamou Al-Qadu Mosque“. Mosul-network (2011-yil 27-iyun). 2011-yil 27-iyunda asl nusxadan arxivlangan. Qaraldi: 2023-yil 24-noyabr.

[:2-2] 2,0 ^2,1 ^2,2 Okodogo, Idris „The Islamic State demolishes Ottoman-era mosque containing shrine in Mosul“ (ar). Ra'i al-Yom (2015-yil 6-mart). Qaraldi: 2023-yil 24-noyabr.

[3] Al-Mawsili, Dawud. The Book of Mosul Manuscripts: Research on its religious madrasas and the madrasas of its annexes (ar). Al-Furat Press, 1927 — 78–79-bet.

[1]

[2]

[3]