Gabriel García Márquez
| Gabriel Garsia Markes | |
|---|---|
 | |
| Asl ismi | Gabriel García Márquez |
| Tavalludi |
6-mart 1927-yil |
| Vafoti |
17-aprel 2014-yil (87 yoshda)  Meksika, Mexiko |
| Yoʻnalish | Sehrli realizm |
| Janr | Romanchilik, hikoyanavislik |
| Shoh asari |
Yolg‘izlikning yuz yili, Polkovnikka hech kim yozmaydi |
| Mukofotlari |
 Adabiyot boʻyicha Nobel mukofoti (1982) |
| Imzosi | |
 | |
Gabriel Garsia Markes (ispancha: Gabriel García Márquez; 1927-yil 6-mart, Arakataka; 2014-yil 17-aprel, Mexiko shahri) kolumbiyalik yozuvchi, ssenarynavis va jurnalist. „El Espectador“ gazetasining Bogota va Yevropadagi muxbiri boʻlgan.
Hayoti
Gabriel Garsia Markes Kolumbiyaning Arakataka shahrida Gabriel Eligio Garsia va Luisa Santyaga Markes Iguaran oilasida tugʻilgan[1]. Garsia Markes tugʻilgandan koʻp oʻtmay uning otasi farmatsevt boʻldi va xotini bilan Barranquillaga koʻchib oʻtdi. Garsia Markes bobo-buvisi Dona Trankilina Iguaran va polkovnik Nikolas Rikardo Markes Mejia bilan qoldi[2]. 1936-yil dekabr oyida otasi uni va ukasini Sinsega olib ketdi, 1937-yil mart oyida bobosi vafot etdi[3]. Keyin oila avval Barranquillaga, keyin esa Sucrega koʻchib oʻtdi. U yerda otasi dorixona ochadi[4].
Ijodiy faoliyati
Markes dastlab ssenariylar yozgan. „Toʻkilgan yaproqlar“ (1955), „Polkovnikka hech kim yozmaydi“ (1958), „Ma'shum zamon“ (1962) povestlari realistik ruhda yozilgan, „Ulug‘ onaning dafn marosimi“ (1962) toʻplamiga kirgan hikoyalari fantastikaga boy. „Yolg‘izlikning yuz yili“ (1967—70) roman epopeyasi Kolumbiya tarixiga bagʻishlangan. „Vabo davridagi muhabbat“ (1985) romanida folklor va mifologiyadan foydalanib, oʻziga xos milliy ongni tiklashga harakat qilgan. Gabriel Markesning „Yolg‘izlikning yuz yili“ (1986) romani oʻzbek tiliga tarjima qilingan. Nobel mukofoti laureati (1982).
Garsia Markes 2014-yil 17-aprelida Mexikoda zotiljamdan vafot etdi[5][6][7].
O‘zbek tiliga tarjimalar
Gabriel Garsia Markesning „Oshkora qotillik qissasi“ kitobini ilk bor shoir Tohir Qahhor rus tilidan tarjima qilgan.
Keyinchalik Nurali Qobul va Anvar Jo‘raboyevlar hamkorligida Markesning „Yolg‘izlikning yuz yili“ romani 1986-yil rus tilidan oʻzbek tiliga tarjima qilingan.
Atoqli tarjimon Ibrohim G‘ofurov Markes nomini abadiylikka muhrlagan „Buzrukning kuzi“ (Mustabidning poymonasi) romanini XXI asrning dastlabki yillarida o‘quvchilarga tuhfa etgan.
Manbalar
- ↑ Martin 2008, s. 27
- ↑ Martin 2008, s. 30
- ↑ García Márquez 2003, s. 11
- ↑ Martin 2008, ss. 58–66
- ↑ „Ёзувчи Габриэль Гарсия Маркес вафот этди“. kun.uz (2014-yil 18-aprel). 2014-yil 19-aprelda asl nusxadan arxivlangan. Qaraldi: 2014-yil 18-aprel.
- ↑ Torres, Paloma. „Gabriel García Márquez Dies: Famed Colombian Author And Nobel Laureate Dead At 87 From Pneumonia“ (17-aprel 2014-yil). Qaraldi: 17-aprel 2014-yil.
- ↑ Castillo, E. Eduardo; Bajak, Frank. „Garcia Marquez, Nobel Laureate, Dies at 87“. Associated Press (17-aprel 2014-yil). 2014-yil 19-aprelda asl nusxadan arxivlangan. Qaraldi: 17-aprel 2014-yil.
Adabiyotlar
- OʻzME. Birinchi jild. Toshkent, 2000-yil
Havolalar
 |
Vikiiqtibosda Gabriel García Márquezga tegishli iqtiboslar mavjud. |
 |
Vikiomborda „Gabriel García Márquez“ mavzusi boʻyicha mediafayllar bor. |
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |