Gʻazola
| Gʻazola | |
|---|---|
| arabcha: غزالة | |
| Tavalludi | Mosul |
| Turmush oʻrtogʻi | Shabib ibn Yazid al-Shayboniy |
Gʻazola (arabcha: شبيب بن يَزيد بن نعيم الشيباني; 696-yilda Kufa yaqinida vafot etgan) – xorijiylar harakatining yetakchisi.
Biografiyasi
Mosulda tugʻilgan Gʻazola Shabib ibn Yazid ash-Shayboniyning xotini edi. Shabib Umaviylar hukmronligiga qarshi isyon koʻtargan va bu isyonda Gʻazola faol ravishda uning tarafida harakat qilgan. Gʻazola qoʻshinlarga boshchilik qilgan va bu orqali Yarmuk jangida Juvayriya binti al-Horis kabi ilgari jang qilgan musulmon ayollar yoʻlidan borgan.
Bir jangda Gʻazola Umaviylar noibi Hajjoj ibn-Yusufni qochishga va Kufadagi saroyiga yashirinib olishga majbur qilgan[1].
Milodiy 696-yilda (hijriy 77-yil) Gʻazola bir kun davomida Kufa shahrini nazoratga olganidan soʻng, masjidda erkak jangchilarga imomlik qilib namoz oʻqigan. Bu namoz davomida u Qur’ondagi eng uzun suralardan ikkitasini tilovat qilgan[2][3][4][5].
Gʻazola jangda halok boʻlgan va boshi kesilib, Hajjoj ibn Yusufga taqdim etish uchun yuborilgan. Biroq uning eri Shabib bir otliqni yuborib, ayolining boshini olib ketayotgan kishini oʻldirgan va Gʻazolaning boshini munosib tarzda dafn etgan.
Manbalar
- ↑ Leila Ahmed, Women and Gender in Islam: Historical Roots of a Modern Debate (Yale University Press, 1992) p.71
- ↑ Leila Ahmed, Women and Gender in Islam: Historical Roots of a Modern Debate (Yale University Press, 1992) p.71
- ↑ M. A. Shaban, Islamic history: A new interpretation (Cambridge University Press, 1971) p.107
- ↑ Mohammad Ibn Jareer Al-Tabari, History of Messengers and Kings, Ch. 51, p.80;
- ↑ Ali Masudi, Gardens of Gold, (Dar al-Andalus, Beirut, 1965), Ch. 3, p.139