Kontent qismiga oʻtish

Figurali uchish 2026-yilgi Qishki Olimpiada oʻyinlarida – juftlik

ZiyoSfera, erkin ensiklopediya

Juftliklarda figurali uchish
XXV Qishki olimpiada oʻyinlarida
ArenaForum di Milano
Milan, Italiya
Sana15–16-fevral 2026
Ishtirokchilar14 davlatdan 19 ta jamoa ishtirokchi
Medallar sohiblari
1st Riku Miura
va Ryuichi Kihara		  Yaponiya
2nd Anastasiia Metelkina
va Luka Berulava		  Gruziya
3rd Minerva Fabienne Hase
va Nikita Volodin		  Germaniya
← 2022
2030 →
2026-yilgi Qishki Olimpiada oʻyinlarida
Figurali uchish
Saralash bosqichi
ErkakAralashAyol
yakkalikyakkalik
juftlik
raqs
jamoa

2026-yilgi Qishki Olimpiada doirasidagi juftliklar figurali uchish musobaqasi 15 va 16-fevral kunlari Milandagi Forum di Milano muz saroyida boʻlib oʻtdi. Yaponiya vakillari Riku Miura va Ryuichi Kihara oltin medalni qoʻlga kiritdi. Gruziya vakillari Anastasiia Metelkina va Luka Berulava kumush medalni, Germaniya vakillari Minerva Fabienne Hase va Nikita Volodin esa bronza medalni qoʻlga kiritdi. Bu Yaponiya jamoasi juftliklar figurali uchish boʻyicha Olimpiada medalini ilk bor qoʻlga kiritgan holat, shuningdek, Gruziya tarixida qoʻlga kiritilgan ilk qishki Olimpiada medali boʻldi.

Tarixi

2022-yilda Rossiyaning Ukrainaga bostirib kirishi ortidan Xalqaro Olimpiya qoʻmitasi Rossiya va Belarus jamoalarini Olimpiya qoʻmitalarini chetlatdi. Rossiya Figurali uchish federatsiyasi va Belarusning Konkida uchish ittifoqiga 2026-yilgi Qishki Olimpiadaga Alohida neytral sportchilar (AIN) sifatida saralash yoʻli bilan kirish uchun Skate to Milano musobaqasida ishtirok etish uchun har bir yoʻnalishdan bittadan sportchi yoki jamoani nomzod qilib koʻrsatishga ruxsat berildi. Har bir nomzod Rossiyaning Ukrainaga bostirib kirishini faol qoʻllab-quvvatlagan yoki qoʻllab-quvvatlamagani, shuningdek Rossiya yoxud Belarus harbiylari hamda boshqa milliy xavfsizlik idoralari bilan shartnomaviy aloqalari bor-yoʻqligini aniqlashga qaratilgan maxsus tekshiruv jarayonidan oʻtishi shart edi[1][2]. 2026-yilgi Qishki Olimpiadada Rossiya ham, Belarus ham juftliklar jamoalarisiz qatnashgan.

2026-yilgi Qishki Olimpiadadagi juftliklar figurali uchish musobaqasi 15 va 16-fevral kunlari Italiyaning Milan shahridagi Forum di Milano muz saroyida boʻlib oʻtdi[3]. Jamoaviy bahsning ikkala segmentida ham gʻalaba qozongan Yaponiya vakillari Riku Miura va Ryuichi Kihara oltin medal uchun eng ehtimolli nomzodlar sifatida koʻrildi[4]. Miura va Kihara ikki karra jahon chempioni boʻlib, shuningdek, 2022 va 2026-yilgi Qishki Olimpiada oʻyinlaridagi jamoaviy bahslarda ikki marta kumush medalni qoʻlga kiritgan. Ikkinchisida juftliklar segmentining har ikkisini ham yutishdi[5].

42 yoshida Kanada vakili Deanna Stellato-Dudek Olimpiadada figurali uchish boʻyicha ishtirok etgan eng yoshi katta ayol boʻldi[6]. U oʻsmirlik paytida yakkalikda uchish yoʻnalishida qatnashib, 1999-yilgi Junior Grand Prix Finalda oltin va 2000-yilgi oʻsmirlar oʻrtasidagi jahon chempionatida kumush medalni qoʻlga kiritgan, soʻng 2001-yilda jarohat sababli sportni tark etgan[7]. U 2016-yilda juftlik sportchisi sifatida muzga qaytdi: avval Nathan Bartholomay bilan AQSh sharafini himoya qildi, keyin esa Maxime Deschamps bilan Kanada sharafini himoya qildi. 2024-yilda u figurali uchish boʻyicha jahon chempionatida oltin medal yutgan eng yoshi katta ayolga aylandi. Rekord oʻrnatgan yutugʻi haqida gapirar ekan, Stellato-Dudek shunday dedi: „Bu men juda faxr bilan qabul qiladigan narsa. Umid qilamanki, boshqalar ham nafaqat sportda, balki hayotning boshqa jabhalarida ham faliyatlarini ancha uzoqroq davom ettirishga mendan ilhom oladi“[8]. 2025-yilgi John Nicks juftliklar musobaqasida Stellato-Dudek Deschamps yordami bilan backflip (chalqancha sakrash) elementini ijro etdi. Fransiya vakili Surya Bonalyni ilhom manbai sifatida tilga olgan Stellato-Dudek 2024-yilda backflip figurali uchishda ruxsat etilgan elementga aylangandan beri uni ijro etgan ilk ayol boʻldi[9]. 2-fevral kuni Skate Canada Stellato-Dudek mashgʻulot vaqtida jarohat olgani sababli u va Deschamps jamoaviy bahsda qatnashmasligini, biroq juftliklar bahsi boʻyicha hali qaror qabul qilinmaganini maʼlum qildi[10]. Keyinchalik u tibbiy koʻrikdan oʻtib, musobaqada qatnashishga ruxsat oldi. Ular Milanga kelganidan soʻng, u va Deschamps oʻzlarining qisqa dasturi tarkibida backflipni ijro etmasligi ham tasdiqlandi[6].

Saralash

Asosiy maqola: Figurali uchish 2026-yilgi Qishki Olimpiada oʻyinlarida — Saralash

Juftliklar bahsi uchun 15 ta kvota oʻrni 2025-yilgi figurali uchish boʻyicha jahon chempionati natijalari asosida taqsimlandi[11]. Qoʻshimcha uchta oʻrin Skate to Milanoda berildi[12]. Oʻzbekiston dastlab juftliklar bahsi uchun bitta kvota oʻrnini qoʻlga kiritgan edi: Yekaterina Geynish va Dmitriy Chigiryov 2025-yilgi jahon chempionatida oʻninchi oʻrinni egallagandi[13]. Biroq Geynish va Chigirev hamkorlikni yakunlagach[14], bu oʻrin Fransiyaga qayta taqsimlandi va ular musobaqaga Camille Kovalev hamda Pavel Kovalevni yuborishni tanladi[15].

Juftliklarda uchish boʻyicha kvota oʻrinlari[11][12]
Musobaqa Har bir MOQ
uchun jamoalar 		Saralangan MOQlar Jami
jamoalar
2025-yilgi jahon chempionati 2  Kanada
 Italiya
 Germaniya
 AQSh 		15
1  Yaponiya
 Gruziya
 Avstraliya
 Vengriya
 Oʻzbekiston
 Buyuk Britaniya
 Polsha
 Niderlandiya
Skate to Milano 1  Xitoy
 Armaniston
 Yaponiya 		4
Skate to Milano – Qayta taqsimlash  Fransiya
Jami 19

Majburiy ijro elementlari

Juftliklar qisqa dasturni 15-fevral kuni ijro etdi[3]. 2 daqiqa 40 soniyadan ortiq boʻlmagan ushbu dastur[16] quyidagi elementlardan iborat boʻlishi kerak edi: bitta juftlik koʻtarilishi (pair lift), bitta ikki yoki uch martalik burama koʻtarish (twist lifts), bitta ikki yoki uch martalik uloqtirish sakrashi (throw jumps), bitta ikki yoki uch martalik yakka sakrash, oyoq almashinuvi bilan bajariladigan bitta yakka kombinatsion pirueta (solo spin combination), bitta „oʻlim spirali“ (death spiral) va butun muz maydonidan foydalanilgan qadamlar kombinatsiyasi[17].

Eng yuqori ball olgan dastlabki oʻn olti jamoa 16-fevral kuni erkin dasturni ijro etdi[3]. Erkin dastur 4 daqiqadan oshmasligi kerak edi[16],va quyidagilarni oʻz ichiga olishi shart edi: uchta juftlik koʻtarilishi (ulardan bittasi burama koʻtarilish boʻlishi kerak), ikki xil uloqtirish sakrashi, bitta yakka sakrash, bitta kombinatsion yoki ketma-ket sakrash, bitta juftlik kombinatsion piruetasi (pair spin combination) bitta „oʻlim spirali“ (death spiral) va bitta xoreografik kombinatsiya[18].

Baholash

2025–2026 mavsumida figurali uchishdagi barcha texnik elementlar— masalan, sakrashlar va piruetalar (spin) – oldindan belgilangan bazaviy qiymatga ega va soʻngra ularning ijro sifati boʻyicha yetti yoki toʻqqiz nafar hakam tomonidan −5 dan 5 gacha ball shkalasida baholanadi[19]. Hakamlar hayʼatining Ijro darajasi (GOE) eng yuqori va eng past baholar chiqarib tashlanib, qolgan baholarning oʻrtacha qiymati – chekka qiymatlari olib tashlangan oʻrtacha qiymat (trimmed mean) yordamida hisoblanadi. Bu GOE element bazaviy qiymatiga qoʻshilib, ushbu element uchun yakuniy ballni beradi. Barcha elementlar boʻyicha olingan ballar yigʻindisi natijada texnik elementlar umumiy ballini hosil qiladi[20]. Shu bilan bir vaqtda hakamlar har bir chiqishni uchta dastur komponenti: uchish mahorati, taqdimot va kompozitsiya boʻyicha – 0,25 dan 10 gacha 0,25 qadam bilan baholaydilar[21]. Har bir dastur komponenti boʻyicha yakuniy ball ham chekka qiymatlari olib tashlangan oʻrtacha orqali aniqlanadi. Bu ballar quyidagi jadvalda koʻrsatilgan koeffitsientlarga koʻpaytiriladi va natijalar yigʻilib, dastur komponentlarining umumiy balli hosil qilinadi[22].

Dastur komponentlarini koʻpaytirish omillari[23]
Yoʻnalish Qisqa dastur
yoki ritm raqsi 		Ixtiyoriy dastur
yoki ixtiyoriy raqs
Juftliklar 1,33 2,67

Vaqt meʼyorini buzish, toʻxtash va dasturni qayta boshlash, yiqilish kabi ayrim qoidabuzarliklar uchun chegirmalar qoʻllaniladi[24]. Texnik elementlar umumiy balli va dastur komponentlari umumiy balli yigʻilib, undan chegirmalar ayrilgach, har bir sportchi yoki juftlik uchun yakuniy chiqish balli hisoblanadi[25].

Natijalar

2024-yilgi jahon chempionatida Riku Miura va Ryuiti Kihara
2025-yilgi Skate America musobaqasida Anastasiia Metelkina va Luka Berulava
2026-yilgi Germaniya chempionatida Minerva Fabienne Hase va Nikita Volodin
Chapdan o‘ngga: 2026-yilgi Qishki Olimpiadadagi juftliklar bahsi oltin, kumush va bronza medal sovrindorlari: Yaponiya vakillari Riku Miura va Ryuichi Kihara (oltin), Gruziya vakillari Anastasiia Metelkina va Luka Berulava (kumush), Germaniya vakillari Minerva Fabienne Hase va Nikita Volodin (bronza)

Qisqa dastur

Juftliklarning qisqa dastur natijalari[26]
Pl. Jamoa Mamlakat TSS TES PCS CO PR SS
1  Germaniya 80.01 43.91 36.10 9.07 9.14 8.93
2  Gruziya 75.46 41.45 34.01 8.50 8.46 8.61
3  Kanada 74.60 42.20 32.40 8.04 8.32 8.00
4  Vengriya 73.87 41.34 32.53 8.18 8.07 8.21
5  Yaponiya 73.11 38.14 34.97 8.93 8.57 8.79
6  Xitoy 72.66 39.28 33.38 8.43 8.46 8.21
7  AQSh 71.87 38.81 33.06 8.32 8.39 8.14
8  Italiya 71.70 37.22 34.48 8.68 8.71 8.54
9  AQSh 70.06 39.00 31.06 7.89 7.86 7.61
10  Italiya 69.08 38.29 30.79 7.79 7.86 7.50
11  Germaniya 67.52 37.72 29.80 7.36 7.54 7.50
12  Armaniston 66.27 38.16 28.11 6.89 7.00 7.25
13  Buyuk Britaniya 66.07 36.99 29.08 7.36 7.32 7.18
14  Kanada 66.04 34.97 32.07 8.18 7.93 8.00
15  Polsha 65.23 36.58 28.65 7.11 7.39 7.04
16  Fransiya 64.65 35.99 28.66 7.32 7.11 7.11
17  Niderlandiya 64.07 36.87 27.20 6.71 6.86 6.89
18  Avstraliya 60.69 32.85 27.84 7.04 6.93 6.96
19  Yaponiya 59.62 31.46 30.16 7.68 7.25 7.75

Erkin dastur

Qisqa dasturda beshinchi oʻrinni egallagach, Yaponiya vakillari Riku Miura va Ryuichi Kihara birinchi oʻringa koʻtarildi, ular erkin dasturda yangi jahon rekordini qayd etdi va Yaponiya uchun juftliklarda figurali uchish boʻyicha tarixdagi ilk Olimpiada medalini qoʻlga kiritdi[27]. Kiharaning aytishicha: „Biz hali ham kechagi chiqishimizdan [qisqa dasturdagi] keyin bunday boʻlganiga ishonolmayapmiz. Boʻlgan voqeadan ancha hafsalamiz pir boʻlgandi, ammo bugun qanday uchganimizdan juda xursandmiz. Juftliklar figurali uchish boʻyicha Yaponiyaga ilk bor medal olib berganimizga hali ham ishona olmayapmiz“[28].

Anastasiia Metelkina va Luka Berulava ikkinchi oʻrinni egalladi, ularning kumush medali Gruziya tarixidagi ilk qishki Olimpiada medali boʻldi[29].

Juftliklarning erkin dastur natijalari[30]
Pl. Jamoa Mamlakat TSS TES PCS CO PR SS
1  Yaponiya 158.13 82.73 75.40 9.46 9.32 9.46
2  Gruziya 146.29 76.28 70.01 8.79 8.68 8.75
3  Vengriya 141.39 75.50 65.89 8.32 8.11 8.25
4  Germaniya 139.08 69.82 69.26 8.79 8.54 8.61
5  Xitoy 135.98 68.59 67.39 8.46 8.39 8.39
6  Italiya 131.49 64.26 67.23 8.46 8.29 8.43
7  AQSh 130.25 68.50 62.75 7.82 7.89 7.79
8  Germaniya 126.59 66.95 60.64 7.50 7.64 7.57
9  Kanada 126.57 61.75 64.82 8.18 8.14 7.96
10  Kanada 125.06 62.83 63.23 8.07 7.75 7.86
11  Italiya 122.78 62.33 60.45 7.64 7.64 7.36
12  AQSh 122.71 60.82 63.89 8.14 7.75 8.04
13  Polsha 120.63 63.33 57.30 7.21 7.21 7.04
14  Armaniston 114.39 59.88 55.51 7.04 6.75 7.00
15  Fransiya 113.78 58.71 56.07 7.00 7.00 7.00
16  Buyuk Britaniya 112.99 55.96 57.03 7.32 7.04 7.00

Umumiy natija

Juftliklarning natijalari[31]
Reyting Sportchi(lar) Mamlakat Jami QD ED
1st  Yaponiya 231.24 5 73.11 1 158.13
2nd  Gruziya 221.75 2 75.46 2 146.29
3rd  Germaniya 219.09 1 80.01 4 139.08
4  Vengriya 215.26 4 73.87 3 141.39
5  Xitoy 208.64 6 72.66 5 135.98
6  Italiya 203.19 8 71.70 6 131.49
7  AQSh 200.31 9 70.06 7 130.25
8  Kanada 199.66 3 74.60 10 125.06
9  AQSh 194.58 7 71.87 12 122.71
10  Germaniya 194.11 11 67.52 8 126.59
11  Kanada 192.61 14 66.04 9 126.57
12  Italiya 191.86 10 69.08 11 122.78
13  Polsha 185.86 15 65.23 13 120.63
14  Armaniston 180.66 12 66.27 14 114.39
15  Buyuk Britaniya 179.06 13 66.07 16 112.99
16  Fransiya 178.43 16 64.65 15 113.78
17  Niderlandiya 64.07 17 64.07 Did not advance
to free skate
18  Avstraliya 60.69 18 60.69
19  Yaponiya 59.62 19 59.62

Recordlar

Yana qarang: 2026-yilgi Qishki Olimpiada oʻyinlarida o‘rnatilgan jahon va Olimpiada rekordlari

Ushbu musobaqa davomida quyidagi yangi rekord darajadagi ballar qayd etildi.

Sana Sportchi(lar) Musobaqa turi Segment Ball Manba
16-fevral Juftliklar Erkin dastur 158.13 [32]

Manbalar

  1. ↑ „Strict eligibility conditions in place as IOC EB approves Individual Neutral Athletes (AINs) for the Olympic Games Paris 2024“. Olympics.com (2023-yil 8-dekabr). 2023-yil 8-dekabrda asl nusxadan arxivlangan. Qaraldi: 2024-yil 1-yanvar.
  2. ↑ „Frequently Asked Questions – Individual Neutral Athletes (AINs)“. International Skating Union. 2025-yil 17-iyunda asl nusxadan arxivlangan. Qaraldi: 2025-yil 13-iyun.
  3. ↑ 3,0 3,1 3,2 „Schedule & Results – Figure Skating“. Olympics.com. 2025-yil 1-dekabrda asl nusxadan arxivlangan. Qaraldi: 2026-yil 9-fevral.
  4. ↑ Catlin, Jenny. „How to watch pairs figure skating medal events at the 2026 Winter Olympics“. The New York Times (2026-yil 15-fevral). Qaraldi: 2026-yil 15-fevral.
  5. ↑ Hill, Courtney „Winter Olympics 2026: "Gladiator" pair Miura Riku and Kihara Ryuichi chasing Olympic perfection“. Olympics.com (2026-yil 10-fevral). Qaraldi: 2026-yil 15-fevral.
  6. ↑ 6,0 6,1 Nichols, Paula „Stellato-Dudek & Deschamps take first skate on Olympic ice after pre-Games injury“. Canadian Olympic Committee (2026-yil 13-fevral). Qaraldi: 2026-yil 15-fevral.
  7. ↑ „Deanna Stellato-Dudek Becomes Oldest Woman to Win World Figure Skating Title in Pairs' Victory“. NBC Sports (2024-yil 22-mart). 2024-yil 22-martda asl nusxadan arxivlangan. Qaraldi: 2024-yil 22-mart.
  8. ↑ Slater, Paula „Stellato-Dudek and Deschamps Golden in Montreal“. Golden Skate (2024-yil 22-mart). 2024-yil 23-martda asl nusxadan arxivlangan. Qaraldi: 2024-yil 22-mart.
  9. ↑ Smirnova, Lena „Quadragenarian Deanna Stellato-Dudek out to prove "girls can play the backflip game" – but partner Maxime Deschamps needs some convincing“. Olympics.com (2025-yil 17-oktyabr). 2025-yil 19-oktyabrda asl nusxadan arxivlangan. Qaraldi: 2025-yil 17-oktyabr.
  10. ↑ „Canadian pair Stellato-Dudek, Deschamps out of figure skating team event“. Toronto Star (2026-yil 2-fevral). 2026-yil 5-fevralda asl nusxadan arxivlangan. Qaraldi: 2026-yil 2-fevral.
  11. ↑ 11,0 11,1 „Communication No. 2696: Entries/Participation 2026 Olympic Winter Games (OWG) Single & Pair Skating and Ice Dance“. International Skating Union (2025-yil 4-aprel). 2026-yil 4-fevralda asl nusxadan arxivlangan. Qaraldi: 2026-yil 4-fevral.
  12. ↑ 12,0 12,1 „Five women and three pairs grab Olympic spots at ISU Skate to Milano qualifier“. International Skating Union (2025-yil 20-sentyabr). 2025-yil 21-sentyabrda asl nusxadan arxivlangan. Qaraldi: 2025-yil 20-sentyabr.
  13. ↑ „Chigirev and Geynish pair named among the best of the year“. National Olympic Committee of the Republic of Uzbekistan (2025-yil 31-mart). 2025-yil 10-dekabrda asl nusxadan arxivlangan. Qaraldi: 2026-yil 30-yanvar.
  14. ↑ „Фигурист Чигирев рассказал, что их пара с Гейниш распалась“ [Figure skater Chigirev reveals that his partnership with Geinish has broken up] (ru). Match TV (2025-yil 24-sentyabr). 2025-yil 21-noyabrda asl nusxadan arxivlangan. Qaraldi: 2026-yil 10-fevral.
  15. ↑ Penicaud, Céline „JO de Milano Cortina 2026: Camille et Pavel Kovalev participeront aussi à l’épreuve de couples en patinage artistique“ [Milan-Cortina 2026 Olympic Games: Camille and Pavel Kovalev will also participate in the pairs figure skating event] (fr). Olympics.com (2026-yil 26-yanvar). 2026-yil 4-fevralda asl nusxadan arxivlangan. Qaraldi: 2026-yil 2-fevral.
  16. ↑ 16,0 16,1 S&P/ID 2024, s. 82.
  17. ↑ S&P/ID 2024, s. 119.
  18. ↑ S&P/ID 2024, s. 122.
  19. ↑ S&P/ID 2024, ss. 83–84.
  20. ↑ S&P/ID 2024, ss. 15–16.
  21. ↑ S&P/ID 2024, ss. 84–85.
  22. ↑ S&P/ID 2024, ss. 16–17.
  23. ↑ S&P/ID 2024, s. 17.
  24. ↑ S&P/ID 2024, ss. 18–19.
  25. ↑ S&P/ID 2024, s. 20.
  26. ↑ „Olympic Winter Games Milano Cortina 2026 – Pair Skating Short Program – Result Details“. International Skating Union (2026-yil 15-fevral). Qaraldi: 2026-yil 15-fevral.
  27. ↑ Skretta, Dave „Riku Miura and Ryuichi Kihara win Japan’s first Olympic pairs gold with a world-record free skate“. Seattle Post-Intelligencer (2026-yil 16-fevral). Qaraldi: 2026-yil 16-fevral.
  28. ↑ Barrington, Talia „Japan's Riku Miura and Ryuichi Kihara flawless for Olympic pairs figure skating gold“. NBC Olympics (2026-yil 16-fevral). Qaraldi: 2026-yil 17-fevral.
  29. ↑ SpearChief-Morris, Joy „Canada's Lia Pereira and Trennt Michaud secure 8th-place pairs finish in Olympic debut“. CBC Sports (2026-yil 16-fevral). Qaraldi: 2026-yil 16-fevral.
  30. ↑ „Olympic Winter Games Milano Cortina 2026 – Pair Skating Free Skating – Result Details“. International Skating Union (2026-yil 16-fevral). Qaraldi: 2026-yil 16-fevral.
  31. ↑ „Olympic Winter Games Milano Cortina 2026 – Pair Skating – Result“. International Skating Union (2026-yil 16-fevral). Qaraldi: 2026-yil 16-fevral.
  32. ↑ „Miura & Kihara soar to historic Olympic pair skating gold for Japan“. International Skating Union (2026-yil 17-fevral). Qaraldi: 2026-yil 18-fevral.

Adabiyotlar

"https://ziyosfera.uz/index.php?title=Figurali_uchish_2026-yilgi_Qishki_Olimpiada_oʻyinlarida_–_juftlik&oldid=433516" dan olindi