Kontent qismiga oʻtish

Eron milliy futbol terma jamoasi tarixi

ZiyoSfera, erkin ensiklopediya

Eron milliy futbol terma jamoasining tarixi 1941-yil 23-avgustda oʻtkazilgan birinchi xalqaro uchrashuvdan boshlanadi. Eron futbol federatsiyasi esa 1920-yilda tashkil topgan[1].

Tarix

Dastlabki yillar

Melli jamoasi oʻynagan ilk oʻyin 1941-yil 23-avgustda Kobulda Britaniya Hindistoniga qarshi safarda boʻlib oʻtgan. Bu oʻyinda eronliklar 1:0 hisobida gʻalaba qozongan. Eron terma jamoasining FIFA tasnifidagi birinchi rasmiy xalqaro oʻyini esa 1941-yil 25-avgustda Afgʻonistonda Afgʻonistonga qarshi boʻlib oʻtgan[2]. Bu oʻyin 0:0 hisobida yakunlangan. Eron ketma-ket uch marta Osiyo kubogida gʻoliblikni qoʻlga kiritgan (1968, 1972, 1976). Bu natijani shundan beri biror terma jamoa takrorlay olmagan (Yaponiya va Qatar terma jamoalari bu natijani takrorlashga yaqin kelgan).

Eron terma jamoasining „Oltin avlodi“ ketma-ket uch marta Osiyo kubogini qoʻlga kiritdi (1968, 1972, 1976), biroq eronliklar oʻshandan beri qayta chempion boʻla olmadilar. Eronning ketma-ket uchta chempionlik rekordi bugungi kungacha saqlanib qolmoqda. 1960-yillarning oxiri va 1970-yillarning boshlarida Eronning asosiy futbolchilari orasida Osiyo futboli tarixidagi eng sara oʻyinchilar va 1970-yillardagi eng yaxshi osiyolik futbolchilar qatoriga kirgan Parviz Ghelichkhani va Ali Jabbari bor edi.

Eronning afsonaviy avlodiga Parviz Ghelichkhani va Ali Jabbari, Ali Parvin, Nasser Hejazi, Gholamhossein Mazloumi, Homayoun Behzadi va Hassan Rowshan kabi futbolchilar kirgan. Bu avlod Osiyo futboli tarixidagi eng sara avlodlardan biri hisoblanadi.

Terma jamoa bu davrda 1974-yilda Osiyo oʻyinlari gʻolib boʻlgan, 1976-yilgi Yozgi Olimpiada oʻyinlarida chorak final bosqichiga qadar yetib borgan.. Shuningdek, Osiyo va Okeaniyaning yagona vakili sifatida 1978-yilgi Jahon chempionatiga yoʻllanma olishdi.

1978-yil Argentinada oʻtkazilgan FIFA Jahon chempionati

Qoʻshimcha maʼlumot: 1978-yilgi FIFA Jahon chempionati saralash bosqichi (AFC va OFC)
Qoʻshimcha maʼlumot: 1978-yilgi FIFA Jahon chempionati – 4-guruh
Fayl:Iran Football 78WC.jpg
1978-yil 7-iyun kuni soat 16:45 da Eron terma jamoasi Argentina davlatining Kordoba shahrida joylashgan Estadio Kordoba stadionida Shotlandiyaga qarshi Jahon chempionati oʻyinida ishtirok etdi.

1978-yilda Eron Tehronda Avstraliyani magʻlub etib, ilk bor Jahon chempionatiga yoʻllanma olgan. Eron guruh bosqichidagi uchta oʻyinning ikkitasida Niderlandiya va Peru terma jamoalariga yutqazgan[3]. Melli jamoasi[4] oʻzining Jahon chempionatidagi ilk ishtirokida Shotlandiyaga qarshi oʻyinda bir ochko olib, futbol olamini hayratda qoldirgan. Bu oʻyinda Andranik Eskandarian oʻz darvozasiga gol urgan boʻlsa, Iraj Danaeifard hisobni tenglashtirib, 1:1 natijani taʼminlagan[5]. Bu natija bilan Eron Jahon chempionatidagi dastlabki ochkosini qoʻlga kiritgan

Manbalar

  1. ↑ „Member Association – Iran“. 2007-yil 3-iyunda asl nusxadan arxivlangan.
  2. ↑ „Iran: Fixtures and Results“. FIFA.com. 2007-yil 3-iyunda asl nusxadan arxivlangan.
  3. ↑ „Iran in World Cup 1978“. teammelli.com. 2010-yil 4-yanvarda asl nusxadan arxivlangan. Qaraldi: 2008-yil 21-yanvar.
  4. ↑ „Iranian football facts“. BBC News (2001-yil 1-noyabr). Qaraldi: 2010-yil 5-may.
  5. ↑ „while FIFA World Cup 2006 Iran Team Overview“. 2008-yil 19-iyulda asl nusxadan arxivlangan.

Havolalar

"https://ziyosfera.uz/index.php?title=Eron_milliy_futbol_terma_jamoasi_tarixi&oldid=420305" dan olindi