Eron 1998-yilgi Qishki Olimpiada oʻyinlarida
| Eron 1998-yilgi Qishki Olimpiada oʻyinlarida | |
|---|---|
 | |
| XOK kodi | IRI |
| MOQ | Eron Islom Respublikasi Milliy olimpiya qo‘mitasi |
| Veb sayt | olympic.ir (forscha va inglizcha) |
| Nagano | |
| Sportchilar | 1 1 sport turi boʻyicha |
| Bayroqdor | Hassan Shemshaki |
| Medallar |
|
Eron Yaponiyaning Nagano shahrida boʻlib oʻtgan 1998-yilgi Qishki Olimpiada oʻyinlarida ishtirok etgan.
Eron sharafini bir nafar sportchi – togʻ changʻisining erkaklar slalom bahslarida ishtirok etgan Hassan Shemshaki himoya qilgan.
Tarixi
Bu yilgi olimpiada Eron uchun 22 yillik tanaffusdan soʻng birinchi Qishki oʻyinlardagi ishtiroki boʻldi. Mamlakat oxirgi marta 1976-yilda Avstriyaning Insbruk shahrida boʻlib oʻtgan Qishki Olimpiadaga toʻrt nafar sportchi yuborgan, biroq undan keyingi besh Olimpiada qatnasha olmagan.
Ushbu 22 yillik tanaffusdan avval Eron 1956-yilda Italiyadagi Kortina-dʼampetssoda oʻtkazilgan Qishki Olimpiadada debyut qilganidan soʻng muntazam ravishda oʻyinlarda ishtirok etib kelgan. 1956–1976-yillar oraligʻida mamlakat faqat bir marta – 1960-yilda AQShning Squaw Valley shahrida boʻlib oʻtgan Qishki Olimpiadani oʻtkazib yuborgan. Eron avvalgi Qishki Olimpiada oʻyinlarining birortasida ham medal qoʻlga kiritmagan edi[1].
Togʻ changʻi sporti
Togʻ changʻi sporti musobaqalari 1998-yil 10–21-fevral kunlari boʻlib oʻtdi. Tezlik bahslari Nagano prefekturasining Hakuba hududidagi Hakuba Happoone qishki kurortida, texnik yoʻnalishlar esa Yamanouchidagi Shiga Kogenda oʻtkazildi[2].
Erkaklar slalom bahsi 1998-yil 21-fevral kuni boʻlib oʻtdi. Hassan Shemshaki birinchi urinishni 1 daqiqa 13,59 soniyada yakunladi. Ikkinchi urinishni esa 1 daqiqa 13,4 soniyada bajarib, umumiy hisobda 2 daqiqa 26,99 soniya natija qayd etdi va yakunda 30-oʻrinni egalladi[3][4].
| Sportchi | Musobaqa | 1-urinish | 2-urinish | Umumiy | Oʻrin |
|---|---|---|---|---|---|
| Hassan Shemshaki | Slalom | 1:13.59 | 1:13.40 | 2:26.99 | 30 |
Manbalar
- ↑ „Islamic Republic of Iran (IRI)“. Olympedia. Qaraldi: 2025-yil 6-iyul.
- ↑ „Iran at the 1998 Winter Olympics“. Olympedia. Qaraldi: 2025-yil 6-iyul.
- ↑ „Nagano 1998 Official Report - Volume 3“. Nagano Olympics Organizing Committee (1998). 2008-yil 26-fevralda asl nusxadan arxivlangan. Qaraldi: 2025-yil 6-iyul.
- ↑ „1998 Winter Olympics, Slalom, Men“. Olympedia. Qaraldi: 2025-yil 6-iyul.