Braziliya 1998-yilgi Qishki Olimpiada oʻyinlarida
| Braziliya 1998-yilgi Qishki Olimpiada o‘yinlarida | |
|---|---|
 | |
| XOK kodi | BRA |
| MOQ | Braziliya Olimpiya qo‘mitasi |
| Veb sayt | cob.org.br (portugalcha) |
| Nagano | |
| Sportchilar | 1 (erkak) 1 sport turi boʻyicha |
| Bayroqdor | Marcelo Apovian |
| Medallar |
|
Braziliya 1998-yil 7–22-fevral kunlari Yaponiyaning Nagano shahrida boʻlib oʻtgan 1998-yilgi Qishki Olimpiada oʻyinlari musobaqalarida ishtirok etish uchun delegatsiya yubordi. Delegatsiya yagona sportchi – tog‘ chang‘i sporti boʻyicha Marcelo Apoviandan iborat edi. U oʻzining ikkinchi Olimpiadada ishtirokini amalga oshirib, yagona musobaqasi – erkaklar super-G bahsini 37-oʻrinda yakunladi va marraga yetib kelgan sportchilar orasida oxirgi oʻrinni egalladi.
Taxiri
Braziliya Olimpiya qo‘mitasi tashkil etilganidan 21 yil oʻtib, 1935-yil 1-yanvarda Xalqaro Olimpiya qoʻmitasi tomonidan rasman tan olingan[1]. Braziliya ilk bor 1900-yilgi Yozgi Olimpiada oʻyinlarida qatnashgan, Qishki Olimpiada oʻyinlarida esa birinchi marta 1992-yilda ishtirok etgan[2]. Shu sababli 1998-yilgi Qishki Olimpiada oʻyinlari Braziliya uchun Qishki Olimpiadadagi uchinchi ishtirok boʻldi[2]. 1998-yilgi oʻyinlar 7–22-fevral kunlari oʻtkazildi; unda 72 ta Milliy Olimpiya qoʻmitasidan jami 2 176 nafar sportchi qatnashdi[3]. Nagano Olimpiadasiga Braziliya tomonidan yuborilgan yagona sportchi tog‘ chang‘i sporti boʻyicha Marcelo Apovian edi[4]. U ochilish marosimida bayroqdor etib tanlangan[2].
Ishtirokchilar
Quyida musobaqalarda qatnashgan sportchilar soni roʻyxati keltirilgan[5].
| Sport | Erkak | Ayol | Umumiy |
|---|---|---|---|
| togʻ changʻi sporti | 1 | 0 | 1 |
| Umumiy | 1 | 0 | 1 |
Togʻ changʻi sporti
Marcelo Apovian Nagano Olimpiadasi vaqtida 25 yoshda edi va olti yil avval 1992-yilgi Qishki Olimpiya oʻyinlarida Braziliya sharafini himoya qilganidan soʻng oʻzining ikkinchi Olimpiada ishtirokini amalga oshirayotgan edi[6][7]. U faqat bitta musobaqa – 16-fevral kuni bir urinishli poyga sifatida oʻtkazilgan super-G bahsida qatnashdi. Apovian poygani 1 daqiqa 49.43 soniya natija bilan yakunladi[6][8] va tasniflangan sportchilar orasida 37-oʻrinni, yaʼni oxirgi oʻrinni egalladi[8]. Oltin medal Hermann Maier (Avstriya) tomonidan 1 daqiqa 34.82 soniya natija bilan qoʻlga kiritildi. Kumush medal esa uning vatandoshi Hans Knauß va Shveysariya vakili Didier Cuche oʻrtasida boʻlishildi[9] .
| Sportchi | Musobaqa | Umumiy | |
|---|---|---|---|
| Vaqt | Oʻrin | ||
| Marcelo Apovian | Erkaklar Super-G | 1:49.43 | 37 |
Manbalar
- ↑ „Brazil – National Olympic Committee“. International Olympic Committee. 2018-yil 3-sentyabrda asl nusxadan arxivlangan. Qaraldi: 2018-yil 7-sentyabr.
- ↑ 2,0 2,1 2,2 „Brazil“. Sports Reference. 2018-yil 10-iyunda asl nusxadan arxivlangan. Qaraldi: 2018-yil 7-sentyabr.
- ↑ „Nagano 1998 Winter Olympics – results & video highlights“. International Olympic Committee. 2017-yil 1-sentyabrda asl nusxadan arxivlangan. Qaraldi: 2018-yil 13-avgust.
- ↑ „Brazil at the 1998 Nagano Winter Games“. Sports Reference. 2017-yil 12-iyulda asl nusxadan arxivlangan. Qaraldi: 2018-yil 19-oktyabr.
- ↑ Brazil at the 1998 Winter Olympics
- ↑ 6,0 6,1 „Marcelo Apovian Bio, Stats, and Results“. Sports Reference. 2018-yil 26-martda asl nusxadan arxivlangan. Qaraldi: 2018-yil 19-oktyabr.
- ↑ „Marcelo Apovian – Olympic Alpine Skiing – Brazil“. International Olympic Committee. 2016-yil 6-oktyabrda asl nusxadan arxivlangan. Qaraldi: 2018-yil 19-oktyabr.
- ↑ 8,0 8,1 „Alpine Skiing at the 1998 Nagano Winter Games: Men's Super G“. Sports Reference. 2017-yil 4-iyulda asl nusxadan arxivlangan. Qaraldi: 2018-yil 19-oktyabr.
- ↑ „Nagano 1998 super-G men – Olympic Alpine Skiing“. International Olympic Committee. 2018-yil 6-fevralda asl nusxadan arxivlangan. Qaraldi: 2018-yil 19-oktyabr.