David Kinley
| David Kinley | |
|---|---|
 Kinleyning 1926-yildagi portreti | |
| Illinois universiteti tizimi prezidenti | |
|
Mansab davri 1920 – 1930 | |
| Oʻtmishdoshi | Edmund J. James |
| Vorisi | Harry Woodburn Chase |
| Shaxsiy maʼlumotlari | |
| Tavalludi |
2-avgust 1861-yil Dandi, Shotlandiya |
| Alma mater |
Phillips akademiyasi Yale universiteti Viskonsin universiteti |
| Kasbi |
|
David Kinley (1861-yil 2-avgust — 1944-yil 3-dekabr) — Shotlandiyada tugʻilgan iqtisodchi olim boʻlib, oʻz faoliyatini Amerika Qoʻshma Shtatlarida olib borgan[1]. Kinley Illinois universitetida iqtisodiyot kafedrasi rahbari boʻlgan, keyinchalik esa universitet rektori lavozimida ishlagan. Iqtisodchi sifatida Kinley klassik iqtisodiyot maktab vakili boʻlib, asosan pul-kredit nazariyasi va bank tizimi masalalari bilan shugʻullangan. Faoliyati davomida maʼmuriy ishlar asta-sekin uning asosiy vaqtini egallagan.
Biografiyasi
Kinley Dandi, Shotlandiyada tugʻilgan. U 1872-yilda oilasi bilan AQShga koʻchib oʻtgan. Dastlabki taʼlimni Phillips akademiyasida, Andover, Massachusetsda olgan, soʻng Yale universitetida oʻqib, 1884-yilda ushbu oliygohni tamomlagan. Shundan keyin Kinley olti yil davomida „North Andover High School“ maktabi direktori boʻlib ishlagan. 1890-yilda Johns Hopkins universitetida ilmiy faoliyatni davom ettirish uchun Dandi shahridan koʻchib ketgan va Richard Ely rahbarligida tahsil olgan. Kinley Ely bilan birga Viskonsin universitetida ilmiy faoliyatini davom ettirgan va 1893-yilda iqtisodiyot fanlari boʻyicha falsafa doktori darajasini olgan.
Oʻsha yili Kinley Illinois universitetida iqtisodiyot boʻyicha yordamchi professor lavozimiga tayinlangan. 1894-yilda esa toʻliq professor, iqtisodiyot boʻlimi rahbari va adabiyot hamda sanʼat fakulteti dekani boʻlgan. Keyinchalik u magistratura bosqichi maktabi dekani lavozimida ham ishlagan. Kinley 1915-yilgacha iqtisodiyot kafedrasi rahbari boʻlib qolgan.
Dekan sifatidagi faoliyati bilan birga „Training for Business“ kabi bir nechta kurslarga rahbarlik qilgan va ularni keyinchalik savdo hamda biznes boshqaruvi kollejiga aylantirgan. Kinley avval Illinois universiteti vitse-prezidenti, soʻng vaqtinchalik prezidenti, 1920-yilda esa universitet prezidenti boʻlgan.
Kinley Illinois „Industrial Insurance Company“da (1906–1907-yillar) va „Illinois Tax Commission“da (1910-1930-yillar) oʻz faoliyatini yuritgan. Shuningdek, u hukumat nomidan turli xalqaro konferensiyalarda vakil sifatida qatnashgan va koʻplab qoʻmitalar aʼzosi boʻlgan. Klassik iqtisodchi sifatida Kinley 1914-yilda Amerika iqtisodiyot assotsiatsiyasi oldidagi nutqida davlat iqtisodiy faoliyatni nazorat qilishga kirishsa, hukmron tabaqalar inson faoliyatining boshqa sohalariga, masalan din va siyosatga oʻtib ketishi mumkinligidan oʻz xavotir bildirgan.
Ilmiy ishlari
Uning asarlari qatorida „The Independent Treasury of the United States“ (1893-yilgi doktorlik dissertatsiyasi), hamda „Comptroller of the Currency“ga taqdim etilgan „The Use of Credit Paper in Our Currency“ nomli hisoboti muhim vazifani bajaradi. Ushbu ilmiy tadqiqot 1896-yilgi davlat rasmiy hisobotida chop etilgan. 1904-yilda Kinley „Money“ (Pul) asarini yozgan[2]. 1907-yilgi bank vahimasidan soʻng Kinley yana „Comptroller of the Currency“ bilan hamkorlikni davom ettirib, milliy pul komissiyasi topshirigʻi bilan ikki monografiya tayyorlagan: „The Independent Treasury of the United States and Its Relation to the Banks of the Country“ va „The Use of Credit Instruments in Payments in the United States“[3]. Illinoys universiteti nashriyoti 1949-yilda uning vafotidan keyin tarjimai holini (avtobiografiyasini) nashr ettirgan[4].
Shaxsiy hayoti
David Kinley 1897-yilda Kate Ruth Neal bilan turmush qurgan. U 1931-yilda Gonkongda Kinley bilan xizmat safarida boʻlgan paytda vafot etgan.
Manbalar
- ↑ "David Kinley: Fifteenth President of the American Economic Association, 1913". The American Economic Review 35 (4). 1945. ISSN 0002-8282. https://www.jstor.org/stable/1809375.
- ↑ David Kinley. Money; a Study of the Theory of the Medium of Exchange. Macmillan, 1904. OCLC 449012.
- ↑ David Kinley. The Independent Treasury of the United States and Its Relations to the Banks of the Country. U.S. Government Printing Office, 1910. OCLC 73896.
- ↑ Kinley, David. Autobiography. OCLC 4206879.