Kontent qismiga oʻtish

Charlotte Henshaw

ZiyoSfera, erkin ensiklopediya
Charlotte Henshaw
MBE

Charlotte Henshawning 2013-yilda Salford universitetida protez va ortopediya markazi ochilgandagi surati
Shaxsiy maʼlumotlari
Jinsi Ayol
Tavallud paytidagi ismi Charlotte Sarah Henshaw
Fuqaroligi Buyuk Britaniya
Tavallud sanasi 1987-yil 16-yanvar (1987-01-16) (39 yosh)
Mansfield, Nottinghamshire, Angliya
Sport
Mamlakat Buyuk Britaniya
Qaysi sport para-suzish
parakanoe
Pozitsiyasi chalqancha usulda suzish,
aralash usulda suzish,
erkin usulda suzish
KL2,
VL3

Charlotte Sarah Henshaw (tugʻilgan sanasi: 16-yanvar 1987-yil) – britaniyalik paralimpiyachi, bir nechta sport turlari boʻyicha toʻliq vaqtli sportchi. Dastlab suzuvchi boʻlgan, 2017-yildan kanoeda eshkak eshishga oʻtgan va KL2 (yetti marta) va VL3 (toʻrt marta) 200 metrga kanoeda suzish musobaqalarida amaldagi jahon chempioni boʻlgan. 2021-yil sentyabr oyida Tokioda kechiktirilgan 2020-yilgi Yozgi Paralimpiada oʻyinlariad, u oʻzining toʻrtinchi oʻyinida paralimpiya chempioni boʻlib, ayollar oʻrtasida KL2 musobaqasida gʻolib boʻlgan. Parijda boʻlib oʻtgan 2024-yilgi Yozgi Paralimpiada oʻyinlarida Charlotte Henshaw ikkita oltin medalni qoʻlga kiritgan yagona parakanoechi boʻldi – VL3 musobaqasida gʻolib boʻlgan va KL2 unvonini saqlab qolgan.

Charlotte Henshaw 2021-yil iyun oyida Britaniya Parakanoe jamoasiga qabul qilingan, KL2 kayak va VL3 Vaʼa musobaqalarida qatnashishga ixtisoslashgan.

Ilgari 100 metrga chalqancha uslubda suzishi SB6 boʻyicha ixtisoslashgan suzuvchi boʻlgan Charlotte Henshaw 2010-yillarning boshidan Yevropa chempioni va paralimpiya medal sovrindori edi. Suzish faoliyati davomida u SB6, SM8 va S8 toifali musobaqalarda qatnashgan, Buyuk Britaniya sharafini 2010, 2013 va 2015-yillardagi XPQ Jahon chempionatlarida va 2008-yilgi Pekin Paralimpiadasida, 2012-yilgi Yozgi Paralimpiada oʻyinlari va Rio-de-Janeyrodagi 2016-yilgi Paralimpiadasida himoya qilgan. Henshaw London oʻyinlarida kumush medalni qoʻlga kiritgan, keyin Rio-de-Janeyroda bronza medaliga sazovor boʻlgan.

Suzish faoliyati tarixi

Charlotte Henshaw 1987-yilda Angliyaning Mansfield shahrida tugʻilgan[1]. U ikki tomonlama tibial gipoplaziya bilan tugʻilgan – uning oyoqlari rivojlanmagan edi, natijada 15 oyligida tizzasidan yuqori qismi amputatsiya qilingan. U toʻrt yoshida suzishni boshlagan va 12 yoshida Nova Centurion suzish klubiga qoʻshilishdan oldin Nottinghamshire suzishni rivojlantirish tizimida tahsil olan. U Buyuk Britaniya sharafini birinchi marta 16 yoshida Daniya ochiq chempionatida himoya qilgan.

2005-yilda u Stirling universitetida Psixologiya va Sport tadqiqotlari yoʻnalishini oʻqish uchun Shotlandiyaga koʻchib oʻtgan. Stirlingda boʻlganida u oʻqishni mashgʻulotlar bilan birlashtirdi va Pekindagi 2008-yilgi Yozgi Paralimpiada oʻyinlarida Buyuk Britaniya sharafini himoya qilish uchun tanlab olingan. Pekinda u faqat bitta musobaqada, SB6 100 metrga chalqancha uslubda suzish bahslarida qatnashdi va 1:45.28 vaqt bilan toʻrtinchi oʻrinni egalladi[2].

Henshawning keyingi yirik turniri 2009-yilgi XPQ Yevropa chempionati edi. U S8 400 metrga erkin usulda suzish, SM8 200 metrga aralash usulda suzish va SB6 100 metrga chalqancha usulda suzish musobaqalarida qatnashgan va chalqancha suzish boʻyicha musobaqada 1:40.50 vaqt bilan oltin medalni qoʻlga kiritgan[2]. Shuningdek, u S8 200 metrga aralash usulda suzish bahslarida bronza medaliga sazovor boʻlgan. Henshaw 2009-yilgi Britaniya chempionatida 100 metrga chalqancha usulda suzish boʻyicha oltin medalni qoʻlga kiritgan[2]. Keyingi yili u Niderlandiyaning Eindhoven shahrida boʻlib oʻtgan XPQ Jahon chempionatida Buyuk Britaniya jamoasi tarkibida edi va 100 metrga chalqancha usulda suzish saralash bosqichida eng tezkor vaqt koʻrsatkichini qayd etib, bu musobaqada jahon rekordini yangilagan[3]. Finalda, 1:39.74 vaqt koʻrsatkichiga ega boʻlishiga qaramay, u kumush medalni qoʻlga kiritgan[2].

2011-yilda Henshaw Germaniyaning Berlin shahrida boʻlib oʻtgan XPQ Yevropa chempionatida Buyuk Britaniya sharafini himoya qilgan. U S8 400 metrga erkin usulda suzish bahslarida 5-oʻrinni, SM8 200 metrga aralash usulda suzish bahslarida 4-oʻrinni egalladi va SB6 100 metrga chalqancha usulda suzish musobaqasida kumush medalni qoʻlga kiritgan[2]. Henshaw 2012-yilda oʻz shahri Londonda boʻlib oʻtgan Paralimpiada o;yinlarida oʻz faoliyatidagi ikkinchi Paralimpiadaga tanlab olingan va yana Britaniya jamoasiga qoʻshilgan. U ikkita musobaqada qatnashgan, ular 400 metrga erkin usulda suzish (S8) va 100 metrga chalqancha usulda suzish (SB6). Birinchi musobaqasi boʻlgan 400 metrga erkin usulda suzish bahslarida u saralash bosqichidan oʻta olmadi va 12-oʻrinni egalladi. 5-sentyabr kuni ertalab Henshaw 100 metrga chalqancha usulda suzish saralash bosqichida 1:39.64 vaqt bilan yangi paralimpiya rekordini oʻrnatgan[4]. Tushlikdan keyingi mashgʻulotlarda boʻlib oʻtgan finalda Henshaw Ukrainalik Viktoriia Savtsova bilan kurash olib bordi va har ikkala sportchi ham Henshawning avvalgi yangi rekordini yangilagan boʻlsa-da, Savtsova 0,03 soniya farq bilan oltin medalni qoʻlga kiritgan[4].

2013-yilda Charlotte Sarah Henshaw Kanadaning Monreal shahrida boʻlib oʻtgan 2013-yilgi XPQ Jahon chempionatida suzish bahslarida qatnashdi va u yerda finalda bronza medalini qoʻlga kiritdi. Keyingi yili Henshaw ogʻir oyoq infeksiyasi tufayli kasalxonaga yotqizilgani uchun XPQ Yevropa chempionatini oʻtkazib yubordi. U toʻliq tiklanish uchun 2 oy davomida suzish havzasidan tashqarida boʻlishi kerak edi. 2015-yil iyun oyida Henshaw raqobatbardosh sportga qaytdi va Shotlandiya milliy musobaqasida oʻzining Yevropa rekordini yangiladi (1.37.56)[5] va oʻsha yozning oxirida u Glazgoda boʻlib oʻtgan XPQ Jahon chempionatida xalqaro maydonga qaytdi, u yerda bir kunda ikki marta oʻzining Yevropa rekordini yangiladi va finalda 1.36.94 vaqt koʻrsatkichi bilan kumush medalni qoʻlga kiritdi[6].

2016-yil Charlotte Sarah Henshawning raqobatbardosh suzishdagi soʻnggi yili boʻlgan. U 2016-yil may oyida Portugaliyaning Madeyra shahrida oltin medalini qoʻlga kiritgan[7] va Rio-de-Janeyrodagi 3-Paralimpiada oʻyinlarida ishtirok etish uchun tanlab olingan. Henshaw Tiffany Thomas-Kane (AVS) va Sophia Herzogdan (AQSH) keyingi oʻrinni egallab, bronza medaliga sazovor boʻlgan[8].

Parakanoe bahslaridagi faoliyati

2017-yil boshida Henshaw suzish faoliyatini yakunlashi va raqobatbardosh parakanoe bilan shugʻullanishini eʼlon qildi. 2016-yil oxirida kanoe mashgʻulotlarini boshlagan u Bolgariyada boʻlib oʻtgan Yevropa chempionatida xalqaro debyutini oʻtkazgan hamda kumush medalni qoʻlga kiritgan. 2017-yilda Chexiya Respublikasida boʻlib oʻtgan jahon chempionatida ishtirok etgan.

2018-yilgi mavsumda Henshaw may va iyun oylarida ham Jahon kubogi, ham Yevropa musobaqasida kumush medaliga erishgan. Henshaw 2018-yil avgust oyida Montemor-O-Velyodagi 2-Parakanoe boʻyicha jahon chempionatida ishtirok etgan. U VL3 200 metrga suzish kanoeda bahslarida bronza medalini qoʻlga kiritdi va KL2 200 metrlik bahslarda jahon chempioni boʻldi – bu uning birinchi xalqaro parakanoe unvoni edi[9][10].

2019-yil Henshaw uchun Parakanoedagi faoliyati muvaffaqiyatli kechgan. U butun mavsum davomida KL2 200 metrlik kanoeda suzish musobaqasida xalqaro miqyosda magʻlubiyatlarsiz mavsumni oʻtkazib, Yevropa chempionati, XKF Jahon kubogi va XKF Jahon chempionatlarida oltin medallarni qoʻlga kiritdi. Shuningdek, u Jahon chempionatlarida VL3 200 metrga kanoeda suzish musobaqalarida oltinini qoʻlga kiritdi. Henshaw shuningdek, 2019-yil avgust oyida Vengriyaning Seged shahrida boʻlib oʻtgan XKF Jahon chempionatida KL2 va VL3 200 metrga kanoeda suzish musobaqalarida yuqori vaqt koʻrsatkichlarini qayd etgan[11].

2021-yil iyun oyida Henshaw Tokioda kechiktirilgan 2020-yilgi Yozgi Paralimpiadaa oʻyinlarida Buyuk Britaniya sharafini himoya qilish uchun tarkibga qoʻshilgan[12]. Toʻliq vaqtli sportchi sifatida u UK Sport tomonidan boshqariladigan Milliy Lotereya mablagʻlaridan foydalanadi[12][13][14][15][16][17].

Tokio oʻyinlarida Henshaw KL2 200 metrga kanoeda suzish bahslarida 50.760 koʻrsatkich bilan Paralimpiya eng yaxshi vaqt koʻrsatkichini qayd etib, oltin medalni qoʻlga kiritgan. Uch hafta oʻtgach, Kopengagendagi XPQ Jahon chempionatida Henshaw ketma-ket uchinchi marta KL2 200 metrga kanoeda suzish chempioni boʻlgan va ketma-ket ikkinchi marta VL3 jahon chempioni unvoniga sazovor boʻlgan.

2022-yilgi mavsumda Henshaw „dubl dubl“ ni qoʻlga kiritgan – ketma-ket uchinchi jahon chempionati boʻlib, u Kanadaning Halifax shahrida boʻlib oʻtgan XPQ Jahon chempionatida KL2 va VL3 jahon chempionati unvonlarini qoʻlga kiritgan. Bir hafta oʻtgach, Myunxendagi Yevropa chempionatida Henshaw Yevropaning eng yaxshi vaqt koʻrsatchi bilan VL3 200 metrga kanoeda suzish birinchi darajani va KL2 200 metrga kanoeda suzish boʻyicha kumush medalni qoʻlga kiritdi.

Tan olinishi

Dastlab Henshawning otasi, Mansfield tumani vakili polkovnik Pol Henshaw tomonidan[18], Ollie Hyndning yutuqlarini tan olish maqsadida, kengash yigʻilishida 2014-yil dekabr oyida shahardagi Water Meadows majmuasidagi 25 metrli suzish havzasini Hynds va Henshaw Competition Pool deb nomlash toʻgʻrisida ovoz bergan, u yerda mashq qilgan Ollie, uning akasi Sam va Charlotte Henshawni sharafiga shunday nomlanishi koʻzlangan[19][20].

2016-yilda Henshaw, Ollie Hynd va ularning suzish murabbiyi ham „Freedom of the City Mansfield“ (Mansfield erkinligi) unvoni bilan taqdirlangan[21][22].

Henshaw kanoeda eshkak eshish sohasidagi xizmatlari uchun 2022-yilgi Yangi yil mukofotlarida Britaniya Imperiyasi ordeni aʼzosi (MBE) etib tayinlangan[23].

Shaxsiy hayoti

Henshaw Kingʻs Mill Hospitalda tugʻilgan va bolaligini Mansfieldda oʻtkazgan, St Patrik boshlangʻich maktabi va All Saints Secondary maktablarida tahsil olgan[23]. U Islandiyada joylashgan Össur kompaniyasi tomonidan yasalgan protez oyoqlardan foydalanadi[24].

Manbalar

  1. ↑ „Charlotte Henshaw“. london2012.com. 8-sentyabr 2012-yilda asl nusxadan arxivlangan. Qaraldi: 8-sentyabr 2012-yil.
  2. ↑ 2,0 2,1 2,2 2,3 2,4 „Charlotte Henshaw“. swimming.org. 2012-yil 15-avgustda asl nusxadan arxivlangan. Qaraldi: 8-sentyabr 2012-yil.
  3. ↑ „Meet the Team - Charlotte Henshaw“. swimming.org. Qaraldi: 9-sentyabr 2012-yil.
  4. ↑ 4,0 4,1 „Paralimpiada 2012: Charlotte Henshaw va Liz Jonson 100 metr kurash suzishda kumush va bronza medalini qoʻlga kiritishdi“. telegraph.co.uk (5-sentyabr 2012-yil). Qaraldi: 9-sentyabr 2012-yil.
  5. ↑ „Video: Charlotte Henshaw Shotlandiya milliy musobaqasida Yevropa rekordini yangiladi“ (26-iyun 2015-yil).
  6. ↑ „Suzish yulduzi Charlotte Henshaw jahon kumushini qoʻlga kiritish uchun qaytadi“.
  7. ↑ „Henshaw va Slater Portugaliyada 2016 IPC Yevropa chempionatida oltin medalni qoʻlga kiritishdi“ (5-may 2016-yil).
  8. ↑ „Buyuk Britaniyalik bronza medal sovrindori Charlotte Henshaw nishonlaydi“.
  9. ↑ Charlotte Henshaw suzishni kanoega almashtiradi, BBC Sport, 9-may 2017-yil, Retrieved 5-dekabr 2017-yil.
  10. ↑ Charlotte Henshaw profili British Canoeing, Retrieved 5-dekabr 2017-yil.
  11. ↑ „Henshaw uchun dubl: GB jahon chempionatlarida oltin va ikkita kumush medalni qoʻlga kiritdi“.
  12. ↑ 12,0 12,1 „Charlotte Henshaw Buyuk Britaniyaning Tokio terma jamoasiga tanlandi“ (en). www.chad.co.uk. Qaraldi: 2021-yil 24-iyun.
  13. ↑ Charlotte Henshaw raqobatchi profili British Canoeing. Retrieved 7-sentyabr 2021-yil
  14. ↑ Sportni almashtirgan Charlotte Henshaw uchun paralimpiya eshkak eshish podiumi Hillingdon and Uxbridge Times, 4-sentyabr 2021-yil. Retrieved 7-sentyabr 2021-yil
  15. ↑ EVERYROADtoRIO UK Sport. Retrieved 7-sentyabr 2021-yil
  16. ↑ UK Sport moliyalash qanday ishlaydi UK Sport. Retrieved 7-sentyabr 2021-yil
  17. ↑ Milliy Lotereya Tokio-2020da Buyuk Britaniya jamoasini qoʻllab-quvvatlash uchun „eng katta“ kampaniyani boshladi Campaign Live, 8-iyul 2021-yil. Retrieved 7-sentyabr 2021-yil
  18. ↑ „Democratic Management System > Councillors“. www.nottinghamshire.gov.uk. Qaraldi: 2025-yil 16-yanvar.
  19. ↑ Calls to rename pool after medal ace Ollie. Chad, 8-oktyabr 2014-yil, p.11. Accessed 2021
  20. ↑ Mansfield suzish havzasi uchta paralimpiyachi sharafiga nomlanadi Chad, 17-dekabr 2014-yil. Retrieved 26-dekabr 2021-yil
  21. ↑ Paralimpiya suzuvchilari Mansfield erkinligi mukofotiga nomzod Chad, 13-oktyabr 2016-yil. Retrieved 27-dekabr 2021-yil
  22. ↑ Paralimpiyachilar okrug erkinligi bilan taqdirlandi British Swimming, 18-noyabr 2016-yil. Retrieved 27-dekabr 2021-yil
  23. ↑ 23,0 23,1 Suttonning paralimpiya kanoechisi Charlotte Henshaw MBE unvoniga sazovor boʻldi Chad, 1-yanvar 2022-yil. Retrieved 3-yanvar 2022-yil
  24. ↑ Henshaw, Charlotte [@CHenshawGB]. „Yangi OssurCorp oyoqlari uyda!“ (13-oktyabr 2017-yil). Qaraldi: 7-sentyabr 2021-yil.

Havolalar

"https://ziyosfera.uz/index.php?title=Charlotte_Henshaw&oldid=362793" dan olindi