Bob
Bob | |
|---|---|
 Hayfadagi Bob maqbarasi | |
| Unvoni | Sayyid |
| Shaxsiy maʼlumotlar | |
| Tavalludi |
Ali Muhammad 20-oktyabr 1819-yil |
| Vafoti |
9-iyul 1850-yil (30 yoshda) |
| Oʻlim sababi | oʻqotar quroldan otib oʻldirilgan |
|
Bob Maqbarasi (Bobiylik) 32°48′52″N 34°59′14″E / 32.81444°N 34.98722°E | |
| Dini | Bobiylik |
| Millati | Fors |
| Turmush oʻrtoq(lar)i | Xadicha Sulton (1842–1850) |
| Farzandlari | Ahmad (1843–1843) |
| Ota-onasi |
Mirzo Muhammad Rizo (otasi) Fotima Begim (onasi) |
| Kasbi | Savdogar |
Bob (taxallusi; asl ismi Sayid Ali Muhammad) (1819. 20.10, Sheroz — 1850, 9.7, Tabriz) – bobiylik asoschisi, bobiylar qoʻzgʻoloni rahbari. Sayid Ali Muhammad 1844-yilda oʻzini Bob (arab tilidagi eshik, darvoza soʻzidan kelib chiqqan boʻlib, „haqiqat va adolat yoʻliga olib boruvchi eshik“ degan maʼnoda talqin qilingan) deb ataydi. Mahdiyning xohish-irodasi, yoʻl-yoʻriqlari xalqqa „men orqali boradi“, deb eʼlon qildi. U xaloskor – mahdiyning kelishi yaqinlashganligi gʻoyasini targʻib qildi. Bob 1847-yilda qamoqqa olindi, u yerda „Bayon“ (arab. – tushuntirish, yoritib berish, taʼriflash) asarini yozdi. „Bayon“da bobiylar harakatining asoslari yoritilgan. Bob bobiylar qoʻzgʻoloni vaqtida Eron shohi farmoni bilan qatl etildi.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |