Kontent qismiga oʻtish

Beyza Arıcı

ZiyoSfera, erkin ensiklopediya
Beyza Arıcı
Shaxsiy maʼlumotlari
Jinsi ayol
Fuqaroligi Turkiya bayrogʻi Turkiya
Tavallud sanasi 1995-yil 27-iyul (1995-07-27) (31 yosh)
Izmir, Turkiya
Boʻyi 1.92 m
Vazni 82 kg
Sport
Mamlakat Turkiya
Qaysi sport Voleybol
Pozitsiyasi Markaziy toʻsuvchi
Klubi Eczacıbaşı VitrA

Beyza Arıcı (turkcha: Beyza Arıcı; 1995-yil 27-iyul, Izmir, Turkiya) — turkiyalik professional voleybolchi. Turkiyaning Eczacıbaşı VitrA klubi va Turkiya ayollar milliy voleybol terma jamoasi tarkibida markaziy toʻsuvchi pozitsiyasida oʻynaydi.

Klubdagi faoliyati

Beyza Arıcı voleyboldagi faoliyatini Izmirning Işıkkent jamoasida boshlagan, soʻngra 2008-yilda Vakıfbank klubiga oʻtgan. 2013-yilgacha shu klubning yoshlar jamoasida oʻynagan. Yosh boʻlgani sababli oʻsha paytlari katta jamoaga kirishda qiynaladi va 2013—2014-yilgi mavsumda ikkinchi diviziondagi Seramiksan klubiga[1], 2014–2015-yilgi mavsumda esa birinchi diviziondagi Sarıyer Belediyespor ayollar voleybol klubiga ijaraga berilgan[2].

Ikki mavsum davomida ijarada oʻynaganidan soʻng, 2015-yil iyulda Trabzon İdmanocağı bilan shartnoma imzoladi[3]. Yangi jamoasi bilan CEV Challenge Cup musobaqasi finaliga chiqdi, biroq finalning ikkala uchrashuvida ham magʻlub boʻlib, Buxarestning CSM București klubiga yutqazdi[4]. „Challenge Cup“dagi yaxshi natijalarga qaramay, İdmanocağı ichki chempionatda muvaffaqiyatsizlikka uchradi va Turkiya ligasida oʻninchi o‘rinni egallab, quyi ligaga tushib ketishdan zoʻrgʻa qutuldi.

2016-yil may oyida Çanakkale Belediyespor klubi bilan bir yillik shartnoma imzoladi[5]. U bu jamoada nafaqat shaxsiy oʻyinlarida, balki jamoa natijalarida ham juda muvaffaqiyatli mavsum oʻtkazdi. Çanakkale Belediyespor klubi tarixda ilk bor Turkiya ayollar volleybol ligasi (2016—2017) mavsumini oltinchi oʻrin bilan yakunladi. Beyza Arıcı esa mavsum yakuni natijalariga koʻra Eda Erdem Dündar va Milena Rašićdan keyin uchinchi oʻrinda, „eng yaxshi markaziy toʻsuvchi“ sifatida e’tirof etildi[6]. Pley-off bosqichida esa Çanakkale Belediyesi chorak finalda Eczacıbaşı VitrA klubiga yutqazdi[7]. Mavsum yakunida esa Arıcı „Eczacıbaşı VitrA“ klubiga qoʻshildi[8].

„Eczacıbaşı VitrA“ safidagi ilk mavsumida Arıcı jamoasiga CEV Kubogini qoʻlga kiritishda yordam berdi[9]. Shuningdek, Turkiya Kubogi finaliga chiqishda ham hissasini qo‘shdi, ammo finalda „Eczacıbaşı“ Vakıfbank sport klubiga yutqazdi[10]. Turkiya chempionatida Eczacıbaşı mavsum davomida birinchilikni qoʻlga kiritdi[11] va pley-offda Nilüfer Belediyespor hamda Fenerbahçeni magʻlub etib, finalga yoʻl oldi[12][13]. Final seriyasida „Vakıfbank“ka qarshi Eczacıbaşı 2–1 hisobida oldinda edi, biroq oʻz maydonidagi ikki oʻyinda ham ketma-ket magʻlubiyatga uchrab, seriyani 3–2 hisobida boy berdi[14][15]. Ushbu seriyada Arıcı „eng yaxshi toʻsuvchi“ deb topildi va mukofot olgan yagona Eczacıbaşı oʻyinchisi boʻldi[16].

Xalqaro faoliyati

Beyza Arıcı Turkiya Ayollar Milliy Voleybol Terma jamoasi safida ilk bor 2017-yil 9-iyul kuni Jahon Gran-prisi uchrashuvida Braziliyaga qarshi maydonga tushdi. Sloveniya mezbonlik qilgan 2017 FIVB 23 yoshgacha bo‘lgan ayollar o‘rtasida voleybol bo‘yicha jahon chempionatida oltin medalni qoʻlga kiritgan „Turkiya U23 termajamoasi“ a’zosi bo‘ldi[17] va chempionatning faol oʻyinchilari tarkibiga “eng yaxshi markaziy toʻsuvchi” sifatida kiritildi[18].

Manbalar

  1. ↑ „Kuğulardan çifte imza“ (Turkish). voleybolunsesi.com. Voleybolun Sesi. 2020-yil 25-iyunda asl nusxadan arxivlangan. Qaraldi: 2018-yil 24-aprel.
  2. ↑ „Genç oyuncu Sarıyer Belediyesi'nde“ (Turkish). voleybolunsesi.com. Voleybolun Sesi. 2020-yil 26-iyunda asl nusxadan arxivlangan. Qaraldi: 2018-yil 24-aprel.
  3. ↑ „Filenin yeni Paçisi Beyza Arıcı“ (Turkish). voleybolunsesi.com. Voleybolun Sesi. 2020-yil 26-iyunda asl nusxadan arxivlangan. Qaraldi: 2018-yil 24-aprel.
  4. ↑ „C.S.M. Bucuresti claim Romania's first European Cup title!“. cev.lu.. European Volleyball Confederation. 2016-yil 14-aprelda asl nusxadan arxivlangan. Qaraldi: 2018-yil 24-aprel.
  5. ↑ „Çanakkale Boğazı'na Yeni Bir Sultan.. Beyza Arıcı“ (Turkish). voleybolunadresi.com. Voleybolun Adresi. 2018-yil 17-avgustda asl nusxadan arxivlangan. Qaraldi: 2018-yil 24-aprel.
  6. ↑ „2016-2017 Vestel Venüs Sultanlar Ligi“ (Turkish). tvf-web.dataproject.com. Turkish Volleyball Federation. Qaraldi: 2018-yil 24-aprel.
  7. ↑ „Eczacıbaşı VitrA ve Fenerbahçe Yarı Finalde“ (Turkish). tvf.org.tr. Turkish Volleyball Federation. Qaraldi: 2018-yil 24-aprel.
  8. ↑ „Eczacıbaşı VitrA'dan transfer hamlesi“ (Turkish). eczacibasisporkulubu.org.tr. Eczacıbaşı VitrA. 2017-yil 21-mayda asl nusxadan arxivlangan. Qaraldi: 2018-yil 24-aprel.
  9. ↑ „Eczacıbaşı VitrA Istanbul claim CEV Cup with perfect performance“. cev.lu.. European Volleyball Confederation. Qaraldi: 2018-yil 24-aprel.[sayt ishlamaydi]
  10. ↑ „Bayanlar Kupa Voley'de Şampiyon VakıfBank“ (Turkish). tvf.org.tr. Turkish Volleyball Federation. Qaraldi: 2018-yil 24-aprel.
  11. ↑ „Eczacıbaşı normal sezonu lider tamamladı“ (Turkish). trtspor.com.tr. TRT Spor. 2018-yil 28-fevralda asl nusxadan arxivlangan. Qaraldi: 2018-yil 24-aprel.
  12. ↑ „Eczacıbaşı VitrA, set vermeden yarı finalde“ (Turkish). eczacibasisporkulubu.org.tr. Eczacıbaşı VitrA. 2018-yil 27-aprelda asl nusxadan arxivlangan. Qaraldi: 2018-yil 24-aprel.
  13. ↑ „Eczacıbaşı VitrA, Vestel Venus Sultanlar Ligi'nde finalde“ (Turkish). eczacibasisporkulubu.org.tr. Eczacıbaşı VitrA. 2018-yil 28-martda asl nusxadan arxivlangan. Qaraldi: 2018-yil 24-aprel.
  14. ↑ „Vestel Venus Sultanlar Ligi Final Etabı'nda Dördüncü Karşılaşma Oynandı“ (Turkish). tvf.org.tr. Turkish Volleyball Federation (2018-yil 24-aprel). 2018-yil 27-aprelda asl nusxadan arxivlangan. Qaraldi: 2018-yil 27-aprel.
  15. ↑ „2017-2018 Voleybol Sezonu Vestel Venus Sultanlar Ligi Şampiyonu VakıfBank“ (Turkish). tvf.org.tr. Turkish Volleyball Federation. 2018-yil 27-aprelda asl nusxadan arxivlangan. Qaraldi: 2018-yil 27-aprel.
  16. ↑ „Final serisinin MVP'si Ting Zhu“ (Turkish). trtspor.com.tr. TRT Spor. Qaraldi: 2018-yil 24-aprel.
  17. ↑ „Merciless Turkey Scatter Slovenia for Women's U23 World Gold“. fivb.com. Fédération Internationale de Volleyball. 2018-yil 1-fevralda asl nusxadan arxivlangan. Qaraldi: 2018-yil 24-aprel.
  18. ↑ „Turkey's Hande Baladın Honoured with U23 World Championship MVP Award“. fivb.com. Fédération Internationale de Volleyball. 2018-yil 1-fevralda asl nusxadan arxivlangan. Qaraldi: 2018-yil 24-aprel.

Havolalar

Vikiomborda „Beyza Arıcı“ mavzusi boʻyicha mediafayllar bor. 
"https://ziyosfera.uz/index.php?title=Beyza_Arıcı&oldid=326837" dan olindi