Berna Gözbaşı
| Berna Gözbaşı | |
|---|---|
| Kayserispor prezidenti | |
|
Mansab davri 2019-yil 6-oktyabr – 2022-yil 17-dekabr | |
| Oʻtmishdoshi | Erol Bedir |
| Shaxsiy maʼlumotlari | |
| Tavalludi |
1974-yil 30-iyun Gelibolu, Çanakkale, Turkiya |
| Millati | Turk |
| Bolalari | 2 |
| Istiqomat joy(lar)i | Kayseri, Turkiya |
| Alma mater | Dokuz Eylül universiteti |
| Kasbi | Businesswoman |
Berna Gözbaşı — turkiyalik ishbilarmon ayol va sport klubi rahbari. Kayserispor futbol klubining tarixidagi ilk ayol prezidenti boʻlgan. Ushbu klub Turkiyaning erkaklar oliy ligasida ishtirok etadi.
Tarjimayi holi
1974-yilda Berna Gözbaşı Gelibolu (Chanoqqalʼa viloyati, Turkiya)da tugʻilgan. Otasi harbiy xizmatchi, onasi maktab oʻqituvchisi boʻlgan.
Izmirdagi Dokuz Eylül universitetida ingliz tilida biznes boshqaruvi yoʻnalishida tahsil olib, 1996-yilda bitirgan[1].
Ikki nafar qizi bor[1].
Biznesdagfi faoliyati
Berna Gözbaşı Kayserida „Çinkır“ rux-qoʻrgʻoshin sanoati korxonasida eksport menejeri oʻlaroq faoliyatini boshlagan.
2001-yilda London metall birjasida xalqaro moliya, meta savdo, fyuchers va opsionlar boʻyicha taʼlim olgach, „BRN Konsalting va tashqi savdo“ kompaniyasiga asos solgan. 2001—2006-yillarda Yaqin Sharq, Sharqiy Afrika va Gʻarbiy Afrikada koʻplab kichik va oʻrta bizneslarga eksport faoliyatini yoʻlga qoʻyishda yordam bergan[1].
2006-yilda matras va yotoq asoslari ishlab chiqaruvchi „BRN Bed“ kompaniyasini tashkil etgan. Uning mahsulotlari besh qitʼadagi 60 dan ortiq mamlakatga eksport qilingan va u yosh tadbirkorlar uchun namuna sifatida eʼtirof etilgan.
2011-yilda Berna Gözbaşı Yevropa biznes mukofotlari tomonidan „Eng muvaffaqiyatli tadbirkorlar“ oʻntaligiga kiritilgan va „Ruban d'Honneur“ mukofotini olgan. 2012-yilda uning kompaniyasi Turkiya savdo-sanoat palatalari va birjalari ittifoqi hamda Harvard universitetining „All World Network — Turkey“ dasturi tomonidan eng tez rivojlanayotgan 25 kompaniya qatoriga kiritilgan[2].
Kayseri sanoat palatasining ilk ayol aʼzosi hisoblanadi.
Sportdagi faoliyati
Yoshligida Berna Gözbaşı faol basketbolchi boʻlgan. Keyinchalik u Kayserispor futbol klubi boshqaruv kengashiga qabul qilingan va soʻngra rais oʻrinbosari lavozimiga koʻtarilgan[1].
Kayserispor klubi prezidenti Erol Bedir 2019-yil 6-oktabrda faxriy prezident Mehmet Özhaseki iltimosiga binoan isteʼfoga chiqqan[3]. Shundan soʻng, uch yil davomida klub boshqaruvida ishlagan Berna Gözbaşı mahalliy siyosatchilar, sobiq hukumat aʼzolari, nodavlat tashkilotlar rahbarlari hamda M. Rifat Hisarcıklıoğlu qoʻllab-quvvatlovi bilan klub prezidenti etib saylangan[4][1][5].
Ushbu lavozimga tayinlanishi haqida: „agar jamoa turnir jadvalining oxirida boʻlmaganida, bu lavozim unga taklif qilinmagan boʻlardim“ deya fikr bildirgan[5]. Shunga qaramay, 2019—2020-yilgi Süper Lig mavsumida klub ahvolini yaxshilashga qatʼiy bel bogʻlaganini bildirgan[6].
2019-yilda Erol Bedir isteʼfosidan soʻng oʻtkazilgan navbatdan tashqari umumiy yigʻilishda Berna Gözbaşı prezident etib saylanib, Süper Lig tarixidagi ilk ayol klub prezidenti boʻlgan[7]. 2021-yilda yana shu lavozimga qayta saylangan[8].
Berna Gözbaşı — Turkiyaning oliy darajadagi erkaklar futbol ligasida ishtirok etuvchi klubga rahbarlik qilgan ilk ayol prezidentdir[4].
Manbalar
- ↑ 1,0 1,1 1,2 1,3 1,4 „Kayserispor'un kulüp başkanı Berna Gözbaşı kimdir?“ (tr) (2019-yil 27-noyabr). Qaraldi: 2019-yil 2-dekabr.
- ↑ „Berna Gzbaşı“ (tr). DEİK. Qaraldi: 2019-yil 3-dekabr.
- ↑ „Kayserispor eski Başkanı Erol Bedir: "Sözlerimden kimse alınmamalı"“ (tr) (2019-yil 16-oktyabr). Qaraldi: 2019-yil 3-dekabr.
- ↑ 4,0 4,1 „Berna Gözbaşı kimdir, kaç yaşında serveti ne kadar?“ (tr) (2019-yil 22-noyabr). Qaraldi: 2019-yil 3-dekabr.
- ↑ 5,0 5,1 „Kayserispor Başkanı Berna Gözbaşı: Takım sonuncu olmasaydı erkekler bana bırakmazdı!“ (tr) (2019-yil 2-dekabr). Qaraldi: 2019-yil 3-dekabr.
- ↑ „Berna Gözbaşı: "Daha erken kararlar alacağız"“ (tr) (2019-yil 3-dekabr). Qaraldi: 2019-yil 3-dekabr.
- ↑ „Berna Gözbaşı başkan seçildi!“. 2022-yil 29-yanvarda asl nusxadan arxivlangan.
- ↑ „Kayserispor'da Berna Gözbaşı, yeniden başkanlığa seçildi“. 2022-yil 29-yanvarda asl nusxadan arxivlangan.