Bengaluru futbol klubi — Karnataka shtatining Bengaluru shahrida joylashgan Hindiston professional futbol klubi. Klub Hindiston futbolining oliy divizioni boʻlgan Hindiston Superligasida ishtirok etadi[3].
Klub 2013-yil 20-iyulda tashkil etilgan[4] va oʻsha yilning 22-sentyabrida I-Ligadagi ilk rasmiy mavsumini boshlagan. Tashkil etilganidan buyon klub I-Liganing ikki karra chempioni (jumladan, biri debyut mavsumida), ikki karra Federatsiya kubogi sohibi,[5] shuningdek, Hindiston Superligasi hamda Superkubok gʻolibi boʻldi va bu natijalar uni Hindiston futbolidagi eng muvaffaqiyatli toʻrtinchi klubga aylantirdi.
Klub JSW Sports kompaniyasiga va uning boshqaruvchi direktori Sajjan Jindalga tegishli boʻlib, ular tomonidan boshqariladi[1]. „Bengaluru“ 2014–15-yilgi mavsum boshidan beri uy uchrashuvlarini Sree Kanteerava stadionida oʻtkazib kelmoqda. I-ligada atigi toʻrt mavsum toʻp surganiga qaramay, u Hindiston futbolidagi namunali klublardan biri hisoblanardi[6]. „Bengaluru“ hind futboliga yangicha professional yondashuv olib kirgani, xususan, oʻyinchilarning jismoniy holatini yaxshilashga moʻljallangan maydon jihozlaridan foydalangani uchun eʼtirofga sazovor boʻldi[7].
2013-yil 22-sentyabrda „Bengaluru“ FK oʻzining ilk oʻyinini oʻtkazdi. „Mohun Bagan“ga qarshi kechgan ushbu bahs 1:1 hisobidagi durang bilan yakunlandi. Klub oʻzining debyut mavsumida hamda 2015–16-yillarda I-Liga gʻolibiga aylandi[8]. Ular 2018–19-yilgi mavsumda ISL chempionligini qoʻlga kiritdilar. Uchta liga chempionligidan tashqari, „Bengaluru“ 2015 va 2017-yillarda ikki marta Federatsiya kubogini hamda 2018-yilda Superkubokni ham yutib oldi. 2015–2018-yillar oraligʻida jamoa Osiyo klublari musobaqalarida Hindiston sharafini himoya qilib, ketma-ket toʻrt yil davomida OFK kubogida ishtirok etdi. 2016-yilgi OFK kubogida „Bengaluru“ finalgacha yetib bordi va Iroqning „Al-Quva Al-Javiya“ klubiga 1:0 hisobida imkoniyatni boy berdi[9][10]. 2019-yil 28-sentyabrda Shotlandiya Premyer-ligasining „Reynjers“ jamoasi bilan hamkorlik yoʻlga qoʻyilgani eʼlon qilindi[11]. 2022-yilda „Bengaluru“ FK „Mumbay Siti“ni magʻlub etib, 131-Durand kubogi sohibiga aylandi[12].
Oʻzining ilk mavsumida „Bengaluru“ FK uy uchrashuvlarini shahar markazidagi Bangalor futbol stadionida oʻtkazgan. Gʻarbiy tribuna eng katta va eng sigʻimli boʻlib, I-liga hamda boshqa yirik oʻyinlar vaqtida u yerda VIP lojalar tashkil etilgan. Klub taqdimoti chogʻida jamoa 2013–14-yilgi I-liga mavsumini Bangalor futbol stadionida oʻtkazishi maʼlum qilingan edi[1]. Stadion 15 000 tomoshabinga moʻljallangan boʻlib, uning maydoniga sunʼiy chim (astroturf) yotqizilgan edi[13].
2014–2015-yilgi mavsumdan boshlab klub oʻz uy uchrashuvlarini 24 000 tomoshabinga moʻljallangan Sree Kanteerava stadionida oʻtkaza boshladi[14]. Stadionga sakkizta kirish joyi boʻlib, „Bengaluru“ FK oʻyinlari uchun toʻqqizta tribunadan foydalaniladi. West Block A tribunasi stadiondagi eng yirik tribuna hisoblanadi va u yerda „West Block Blues“ muxlislar klubi joylashadi. Bangalor futbol stadionining sunʼiy qoplamali maydoni tanqidlarga uchragani bois, yangi stadion maydoniga tabiiy chim yotqizilgan. Shimoliy tribunadan tashqari barcha tribunalarga doimiy oʻrindiqlar oʻrnatilgan. Baʼzi muxlislar Sree Kanteerva stadionini „Qal’a“ deb ham atashadi[15].
Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.
Eslatma: Bayroqlar FIFA muvofiqlik qoidalariga koʻra belgilangan milliy terma jamoalarni ifodalaydi. Oʻyinchilar FIFAga aʼzo boʻlmagan bir nechta fuqarolikka ega boʻlishlari mumkin.
↑Chattopadhyay, Hariprasad„Time to regain lost glory“. telegraphindia.com. Kolkata: The Telegraph India (2015-yil 17-yanvar). 2016-yil 5-mayda asl nusxadan arxivlangan. Qaraldi: 2021-yil 22-sentyabr.
Pep Muñoz
Nishant Nagraj
Jan van Loon
England
Germany
Cleiton Silva
