Badriniso begim (forscha: بدرالنساء بیگم‎‎; 1647-yil 17-noyabr — 1670-yil 9-aprel) — boburiylar malikasi, Boburiylar imperatori Avrangzeb va uning ikkinchi rafiqasi Navab Baining yagona qizi[1].

Badr-un-Nisso begim
Boburiylar imperiyasi malikasi
Tugʻilishi 17-noyabr 1647-yil
Dehli, Boburiylar imperiyasi
Vafoti 9-aprel 1670-yil(1670-04-09)
(22 yoshda)
Uy Boburiylar sulolasi
Otasi Avrangzeb
Onasi Navab Bai
Dini Islom

Badr un-Niso arabcha ibora boʻlib, „ayollar orasidagi toʻlin oy“ degan maʼnoni anglatadi.

Hayoti

Badr un-Niso begim 1647-yil 17-noyabrda, bobosi imperator Shoh Jahon hukmronligi davrida tugʻilgan. Uning onasi Navab Bai Kashmir malikasi boʻlib, Jammu va Kashmirdagi Jarral Rajputlar sulolasiga mansub edi. U er-xotinning uchinchi va kenja farzandi boʻlgan. Uning akalari shahzoda Muhammad Sulton va keyinchalik imperator Bahodir Shoh I nomi bilan taxtga oʻtirgan shahzoda Muhammad Muazzam edi. 1659-yilda Avrangzebning ikkinchi marta taxtga oʻtirishi munosabati bilan Badr un-Niso begimga 160 000 rupiya miqdorida pul mukofoti berilgan[2].

Manbalarda uning opa-singillariga qaraganda bilimliroq boʻlgani qayd etiladi. U Qur’onni yod olgan[2] hamda otasining tavsiyasi bilan diniy mazmundagi kitoblarni mutolaa qilgan. Umrini xayrli ishlar qilishga bagʻishlagan[3]. Avrangzeb uni yuksak axloqi, odob-axloq qoidalariga rioya qilishi va mehribonligi uchun yaxshi koʻrgan[4].

Badr un-Niso begim turmush qurmagan holda, 1670-yil 9-aprelda, otasi hukmronligining oʻn uchinchi yilida, 22 yoshida vafot etgan[5]. Uning vafoti Avrangzebga qattiq taʼsir qilgan[6].

  1. ↑ Irvine, William. Later Mughal. Atlantic Publishers & Distri — 2-bet. 
  2. ↑ 2,0 2,1 Sharma, Sudha. The Status of Muslim Women in Medieval India. SAGE Publications India, 21 March 2016 — 124, 212-bet. ISBN 978-9-351-50567-9. 
  3. ↑ Iftikhar, Rukhsana. Indian Feminism: Class, Gender & Identity in Medieval Ages. Notion Press, 6 June 2016. ISBN 978-9-386-07373-0. [page needed]
  4. ↑ Chandrababu, B. S.; Thilagavathi, L.. Woman, Her History and Her Struggle for Emancipation. Bharathi Puthakalayam, 2009 — 210-bet. ISBN 978-8-189-90997-0. 
  5. ↑ Sarkar, Jadunath. History of Aurangzib mainly based on Persian sources: Volume 1 - Reign of Shah Jahan. M.C. Sarkar & sons, Calcutta, 1912 — 72-bet. 
  6. ↑ Behari, Bepin. Astrological Biographies: Seventeen Examples of Predictive Insights. Motilal Banarsidass, 1996 — 52-bet. ISBN 978-8-120-81322-9.