BIOS
BIOS (inglizcha: basic input/output system — "asosiy kiritish va chiqarish tizimi") — bu kompyuterning mikroprotsessori tomonidan kompyuter sistemasini ishga tushurish uchun foydalaniladigan dastur. BIOS shuningdek operatsion sistema va kopyuterga biriktirilgan qattiq disk, videokarta, klaviatura, sichqoncha, printer va shunga oʻxshash qurilmalar orasida maʼlumotlar almashinuvini taʼminlaydi.
BIOS tarixi:
BIOS soʻzi birinchi marta 1975-yilda Amerikalik kompyuter tadqiqotchisi Gary Kildall tomonidan ishlatilgan. BIOS 1981-yilda IBM kompaniyasining birinchi shaxsiy kompyuteriga kiritilgan va kelgusi yillarda boshqa shaxsiy kompyuterlarda mashhurlikka erishdi, bir muncha vaqt kompyuterlarning ajralmas qismiga aylandi. Biroq, BIOSning ommaviyligi yangi texnologiya yaʼni UEFIdan keyin pasaydi. Intel 2017-yilda eski BIOS tizimlarini qoʻllab quvvatlashni 2020-yilgacha uzaytirib, ularni UEFI bilan almashtirishni eʼlon qildi.
BIOSdan foydalanish:
BIOSning asosiy vazifasi operatsion tizim va qurilmalar oʻrtasida maʼlumotlar almashinishni yoʻlga qoʻyishdir. Nazariy jihatdan BIOS mikroprotsessor va kiritish/chiqarish qurilmalari maʼlumotlarini va maʼlumotlar oqimini boshqaradi. Baʼzi hollarda BIOS qurilmalardan xotiraga maʼlumotlar oqimini bevosita yoʻnaltira oladi. Chunki videokarta va shunga oʻxshash qurilmalar samaradorlikni oshirish uchun katta miqdorda maʼlumotlar oqimini talab qiladi.

Yana qarang
- PZU obrazi
- coreboot
- Open Firmware
- Extensible Firmware Interface (UEFI, BIOS davomchisi)
Havolalar
- Intel BIOS moslamalari yoʻriqnomasi — menu boʻyicha[sayt ishlamaydi](ingl.)
- Intel BIOS moslamalari yoʻriqnomasi — alfavit tartibida[sayt ishlamaydi](ingl.)
- Buzilgan BIOSni tiklashga bagʻishlangan Intel qoʻllab-quvvatlash xizmati videoqoʻllanmasi(ingl.)
- Intel serverlarida BIOSni tiklashga bagʻishlangan videorolik(ingl.)
- Instructions for Recovery BIOS update(ingl.)
Manbalar
https://www.techtarget.com/whatis/definition/BIOS-basic-input-output-system