Azil madaniyati

Azil madaniyati – Fransiya va Pireneya yarim orolning shimoliy qismida mezolit davrining boshida yashagan kabilalar madaniyati. Fransiyaning janubiy dagi (Arej departamenti) Mas-d’ Azil gori nomi bilan atalgan. 1887-yil fransuz olimi E. Pet olib borgan qazishlar natijasida mazkur gʻordan yuqori paleolit davrining oxiridan to Rim davrigacha boʻlgan koʻpgina madaniy yodgorliklar topilgan. Ular orasida chaqmoqtoshdan yasalgan doirasimon qirgʻich va boshqa tosh qurollar bor. Ishlanishi jihatidan yuqori paleolit qurollaridan farq qiladigan bugʻu suyagidan yasalgan mingdan ortiq sanchqi (garpun) topilgan. Bulardan mezolit davriga tegishlilari Azil madaniyatiga oid. Bu madaniyat qabilalari jamoa boʻlib yashagan, ovchilik va baliq ovlash bilan shugʻullangan.

Adabiyotlar

• OʻzME. Birinchi jild. Toshkent, 2000-yil