Atefe Ahmadiy

Atefe Ahmadiy
Shaxsiy maʼlumotlari
Fuqaroligi	Eron
Tavallud sanasi	2000-yil 23-dekabr; Tehron, Eron
Sport
Qaysi sport	Togʻ changʻi sporti
Medallar
	2018-yilgi Osiyo chempionati kumush medali (Super-G); 2022-yilgi Osiyo chempionati kumush medali (Slalom) ; 2022-yilgi Osiyo chempionati kumush medali (Ulkan slalom)

Atefe Ahmadiy (forscha: عاطفه احمدی‎‎; 2000-yil 23-dekabrda tugʻilgan) — eronlik togʻ changʻichi^[1]. 2018-yilgi togʻ changʻi sporti boʻyicha Osiyo chempionatining Super-G yoʻnalishida kumush medal sovrindori^[2].

Ahmadiyning otasi Eron milliy kross-changʻi jamoasi aʼzosi boʻlgan. Shuningdek, u Atefe va uning singlisi Hadisning ilk murabbiyi hisoblanadi^[3].

Sportchi 2017-yildan beri kattalar oʻrtasidagi musobaqalarda qatnashib keladi. U Darbandsarda oʻtkazilgan Milliy chempionatda oʻzining ilk oltin medalini qoʻlga kiritgan. Gigant slalom musobaqasida Ahmadiy tajribali raqiblari Forugʻ Abbosiy va Marjon Kalhorni ortda qoldirishga muvaffaq boʻlgan^[4].

Ahmadiy 2022-yilgi Qishki Olimpiada oʻyinlariga yoʻllanmani qoʻlga kiritgan^[5]. U Pekinda boʻlib oʻtgan 2022-yilgi Qishki Olimpiada musobaqalarida ishtirok etgan. Ahmadiy ushbu sport turi boʻyicha Eron sharafini himoya qilgan yagona ayol sportchi, shuningdek, musobaqaning ochilish marosimida Eron bayroqdori ham boʻlgan. 2023-yil yanvar oyida u Germaniyadan siyosiy boshpana soʻrab ariza bergan. Rasmiy maʼlumotga koʻra, Ahmadiy fevral oyida Fransiyada boʻlib oʻtadigan jahon chempionatiga tayyorgarlik koʻrish uchun Yevropaga borgan^[6].

2023-yil dekabr oyida Ahmadiy siyosiy qochqin maqomini olgan ilk Xalqaro changʻi va snoubord federatsiyasi sportchisiga aylangan^[7].

2025-yil dekabr oyida sportchi Instagram sahifasida Eronga qaytganini yozgan^[8]. Unga integratsiya jarayonida stipendiya bilan koʻmaklashgan Germaniya olimpiya sport konfederatsiyasi Ahmadiyning Eronga qaytgani haqida hech qanday maʼlumotga ega emasligini maʼlum qilgan^[9].

Manbalar

↑ Iranian womenʼs ski coach barred from going to world championships by husband
↑ „The 27th Asian Alpine Ski Championships“. Asian Ski Federation. Qaraldi: 2018-yil 5-mart.
↑ Iranian female skier cuts icy path to Beijing Olympics
↑ Iranian Championship. Giant slalom. Results.
↑ „Alpine Skiing quotas list for Olympic Winter Games 2022“. data.fis-ski.com. International Ski Federation (FIS) (2021-yil 15-iyun). 2021-yil 9-iyulda asl nusxadan arxivlangan. Qaraldi: 2021-yil 3-iyul.
↑ Iranische Olympionikin beantragt Asyl in Deutschland, 1. February 2023
↑ „First-ever athlete granted FIS Refugee Team status“ (en). www.fis-ski.com. Qaraldi: 2023-yil 29-dekabr.
↑ „Return of the Iranian Refugee Skier; The Story of an Unfinished Migration“ (en). wanaen.com. Qaraldi: 2025-yil 13-dekabr.
↑ „Iranische Skifahrerin erhielt Asyl in Deutschland: „Ein gutes Leben? So war es nicht““ (en). focus.de. Qaraldi: 2025-yil 16-dekabr.

Havolalar

[1] Iranian womenʼs ski coach barred from going to world championships by husband

[2] „The 27th Asian Alpine Ski Championships“. Asian Ski Federation. Qaraldi: 2018-yil 5-mart.

[3] Iranian female skier cuts icy path to Beijing Olympics

[4] Iranian Championship. Giant slalom. Results.

[5] „Alpine Skiing quotas list for Olympic Winter Games 2022“. data.fis-ski.com. International Ski Federation (FIS) (2021-yil 15-iyun). 2021-yil 9-iyulda asl nusxadan arxivlangan. Qaraldi: 2021-yil 3-iyul.

[6] Iranische Olympionikin beantragt Asyl in Deutschland, 1. February 2023

[7] „First-ever athlete granted FIS Refugee Team status“ (en). www.fis-ski.com. Qaraldi: 2023-yil 29-dekabr.

[8] „Return of the Iranian Refugee Skier; The Story of an Unfinished Migration“ (en). wanaen.com. Qaraldi: 2025-yil 13-dekabr.

[9] „Iranische Skifahrerin erhielt Asyl in Deutschland: „Ein gutes Leben? So war es nicht““ (en). focus.de. Qaraldi: 2025-yil 16-dekabr.

[1]

[2]

[3]

[4]

[5]

[6]

[7]

[8]

[9]