Marjon Kalhor
| Marjon Kalhor | |
|---|---|
| Shaxsiy maʼlumotlari | |
| Fuqaroligi |
 Eron |
| Tavallud sanasi |
1988-yil 21-iyul Tehron, Eron |
| Boʻyi | 1.68 |
| Vazni | 60 kg |
| Sport | |
| Qaysi sport | Togʻ changʻi sporti |
Marjan Kalhor (forscha: مرجان كلهر ; 1988-yil 21-iyulda Tehronda tugʻilgan[1]) — eronlik changʻichi. Vankuverda oʻtkazilgan 2010-yilgi Qishki Olimpiada oʻyinlarida ishtirok etgan va Qishki Olimpiada oʻyinlarida ishtirok etgan birinchi eronlik ayol sportchiga aylangan. Slalom va ulkan slalom yoʻnalishlarida qatnashgan. Shuningdek, Olimpiadaning ochilish marosimida bayroqdor ham boʻlgan[2]. Kalhor ulkan slalom yoʻnalishida 86 nafar ishtirokchi orasida 60-oʻrinni[3], slalom yoʻnalishida esa 87 nafar ishtirokchi orasida 55-oʻrinni egallagan[4].
Kalhor changʻida uchishni 4 yoshida Tehron shimolidagi Dizin kurorti Alburz togʻ tizmalarida boshlagan. 11 yoshida u milliy musobaqada ishtirok etib gʻolib chiqqan. Keyinchalik esa Turkiya va Livanda oʻtkazilgan musobaqalarda qatnashib, medallarni qoʻlga kiritgan[5]. Sportchi hali Jahon kubogi musobaqalarida ishtirok etmagan[1]. Kalhor boʻlajak jismoniy tarbiya oʻqituvchisi sifatida tahsil olmoqda[5].
2023-yil 7-iyunda Kalhor eronlik hamkasbi, changʻichi Porya Saveh Shemshaki bilan birga Fransiyaga koʻchib ketgan[6].
Manbalar
- ↑ 1,0 1,1 „KALHOR Marjan“. FIS-Ski.com. International Ski Federation. 2009-yil 18-aprelda asl nusxadan arxivlangan. Qaraldi: 2010-yil 12-fevral.
- ↑ Pouladi, Farhad. „First Iranian woman skier ready for Canada slopes“. Agence France-Presse (2010-yil 7-fevral). 2010-yil 17-fevralda asl nusxadan arxivlangan. Qaraldi: 2010-yil 12-fevral.
- ↑ „Women's GS official results“. Vancouver 2010 Olympics. 2010-yil 25-fevralda asl nusxadan arxivlangan. Qaraldi: 2010-yil 24-fevral.
- ↑ „Women's slalom official results“. Vancouver 2010 Olympics. 2010-yil 16-yanvarda asl nusxadan arxivlangan. Qaraldi: 2010-yil 27-fevral.
- ↑ 5,0 5,1 Simone, Samira; Ansari, Azadeh. „Olympic dream a reality for Iran's female skier“. CNN (2010-yil 10-fevral). Qaraldi: 2010-yil 12-fevral.
- ↑ „اختصاصی ایران اینترنشنال؛ مهاجرت دو اسکیباز دیگر به فرانسه“ (fa). iranintl.com. Qaraldi: 2026-yil 18-yanvar.