As-Sahla masjidi

As-Sahla masjidi
	Masjid
	As-Sahla masjidi; مَسْجِد ٱلسَّهْلَة
	2015-yilda suratga olingan masjid zali
Mamlakat	Iroq
Shahar	Kufa
Koordinatalar	32°2′20″N 44°22′47″E / 32.03889°N 44.37972°E
Yoʻnalishi	shia
Masjid turi	Jomeʼ-Masjid
Meʼmoriy uslub	Islom meʼmorchiligi
Meʼmor	Shubber Falah; Vael Ajam; (2011–2018);
Qiymati	US$8 224 000 (2018)
	Asosiy sana:; 7-asr; hijriy 750-yil; (rekonstruksiya)\|l20-asr oxiri(rekonstruksiya)\|2018 (rekonstruksiya)}
Bino maydoni	17,500 m2 (188,000 kv ft)
Gumbazlar soni	1 ta(ehtimol koʻproq)
Gumbazlar soni	1 ta(ehtimol koʻproq)
Minoralar soni	2 ta
Minoralar soni	2 ta
Minoralar balandligi	30 m (98 ft)
Holati	amaldagi
Tarovih
Saharlik va iftorlik

As-Sahla masjidi (arabcha: مَسْجِد ٱلسَّهْلَة‎‎) – imomiylar shialigiga mansub masjid va ziyoratgoh boʻlib, Iroqning Najaf viloyatidagi Kufa shahrida joylashgan. Masjid imomiy shia musulmonlar uchun katta ahamiyatga ega boʻlib, u dastlab Kufa shahrida Ali tarafdorlari, yaʼni shialarning ilk aʼzolari uchun mahalla masjidi sifatida barpo etilgani aytiladi^[1]. Shuningdek, masjid kelajakda oʻn ikkinchi shia imomi – Hujjatulloh al-Mahdiyning maskani boʻlishi ham rivoyat qilinadi^[2]^(p48–50).

Tarixi

Masjid milodiy VII asrda barpo etilgani aytiladi. Keyingi yillar davomida u koʻp bor qayta qurilgan, jumladan hijriy 750-yilda (milodiy 1349/1350-yillarda), XX asrning oxirlarida hamda 2011–2018-yillarda^[3]^[4]^[5]. 2013-yil iyulida jamoatchilik uchun „Sayyida Nargis sahni“ deb nomlangan yangi sahn ochildi^[6].

Ahamiyati

Masjid imomiylar eʼtiqodiga koʻra rivoyatlar asosida muqaddas sanaladi. Bu eʼtiqodlarga koʻra, masjid oʻn ikkinchi imom – Hujjatulloh al-Mahdiy qaytishidan soʻng istiqomat qiladigan joydir^[2]^(p48–50). Shuningdek, masjid paygʻambarlar va islomdagi ayrim zotlar: Ibrohim (Avraam), Idris (Enoh), hamda Xizrning maskani boʻlgani ham aytiladi^[2]^(p48–50). Har bir paygʻambar masjid ichida namoz oʻqishni joriy etgani rivoyat qilinadi^[2]^(p48–50). Masjidda islom namozining ikki rakatini ado etish bir yil davomida inson uchun omonlik va himoya berishiga ishoniladi^[2]^(p48–50). Qiyomat kunini eʼlon qiluvchi sur masjiddan chalinadi, deb ishoniladi^[2]^(p48–50). Rivoyatlar va imomiylar eʼtiqodiga koʻra, masjidda yetmish ming kishi tiriltiriladi va ular jannatga soʻroqsiz kirishi mumkin^[2]^(p48–50). Shuningdek, birinchi shia imomi Ali ibn Abu Tolib ham shunday degani rivoyat qilinadi: Hech bir dardmand kishi bu masjidga kelib, unda namoz oʻqib, Allohga iltijo qilsa, Alloh uning gʻamini ketkazmay va soʻraganini bermay qoʻymaydi.^[2]^(p53)

Ziyoratgohlar

Masjidda imomiylar rivoyatlariga koʻra yetti nafar paygʻambar va imomga oid ziyoratgohlar bor, xususan^[5]:

Imom Jaʼfar bin Muhammad as-Sodiq ziyoratgohi – masjidning oʻrtasida
Ibrohim paygʻambar ziyoratgohi – masjidning shimoli-gʻarbiy burchagida
Idris paygʻambar ziyoratgohi – masjidning janubi-gʻarbiy burchagida
Xizr paygʻambar ziyoratgohi – janubiy va sharqiy tomonlar oraligʻidagi burchakda
As-solihin paygʻambar (yoki Solih paygʻambar ziyoratgohi) – shimoliy va sharqiy tomonlar oraligʻidagi burchakda, masjidning asosiy kirish qismidan oʻng tomonda
Imom Zayn al-Obidin va Ali bin al-Husayn ziyoratgohi – masjidning oʻrtasida
Imom Muhammad al-Mahdiy, 12 imom ziyoratgohi – janubiy tomonning oʻrtasida (kelajakdagi maskan).