Kontent qismiga oʻtish

Amir Qijmas al-Ishoqiy masjidi

Koordinatalari: 30°02′29″N 31°15′27″E / 30.0414302°N 31.257432°E / 30.0414302; 31.257432
ZiyoSfera, erkin ensiklopediya
Masjid
Amir Qijmas al-Ishoqiy masjidi
مسجد قجماس الإسحاقي
Mamlakat  Misr
Shahar Qohira
Joylashuvi Ad-Darb al-Ahmar
Koordinatalar 30°02′29″N 31°15′27″E / 30.0414302°N 31.257432°E / 30.0414302; 31.257432
Asoschi Sayfiddin Qijmas al-Ishoqiy
Asosiy sana:
1481
Maqomi
Gumbazlar soni 1 ta
Gumbazlar soni 1 ta
Minoralar soni 1 ta
Minoralar soni 1 ta
Qurilish materiallari tosh, marmar
Holati faol


Amir Qijmas al-Ishoqiy masjidi (arabcha: مسجد قجماس الإسحاقي‎‎), shuningdek Abu Hurayba masjidi (arabcha: مسجد أبو حريبة‎‎; baʼzan Abu Heriba deb transliteratsiya qilinadi), masjid, madrasa va maqbara majmuasi boʻlib, Misrning Islomiy Qohira shahridagi ad-Darb al-Ahmar tumanida joylashgan. Masjid tax. 1481-yilda, Mamluklar davrining oxirlarida qurib bitkazilgan[1] va koʻplab olimlar tomonidan soʻnggi davr Mamluk meʼmorchiligining eng yetuk namunalardan biri deb hisoblanadi[2][3][4]. U Bab Zuvayla darvozasi yaqinida joylashgan.

Tarixi

Masjid qurilishi taxminan 1470-yillar oxirida boshlangan va 1480–1481-yillarda yakunlangan boʻlishi mumkin[3]. Uni sulton Qaytbay hukmronligi davrida xizmat qilgan Sayfiddin Qijmas al-Ishoqiy ismli Burjiy mamluk amiri qurdirgan. U amir axur (podsho otxonasiga mas’ul amaldor) va amir al-hajj (Makkaga, yaʼni Hajga qilinadigan ziyorat uchun mas’ul amaldor) kabi juda muhim lavozimlarda xizmat qilgan[2]. Shuningdek, u 1470-yilda Iskandariya hokimi, 1480-yilda esa Suriya hokimi etib tayinlangan va bu lavozimni 1487-yilgi vafotigacha saqlab qolgan. Suriya hokimligi davrida u oʻzi uchun Damashqda yangi qabr qurdirgan va Qohirada qurdirgan masjid maqbarasi oʻrniga aynan oʻsha yerda dafn etilgan[2].

2001-yilda ushbu masjid tasviri tushirilgan 50 Misr funti banknotasi

Qohiradagi mazkur masjid oʻsha paytda shahar janubiy darvozasi Bab Zuvayla bilan Qohira qal’asini bogʻlab turuvchi bosh yoʻl boʻyida, hozir esa ad-Darb al-Ahmar nomi bilan tanilgan tuman hududida qurilgan edi[4]. Masjidning xalq orasidagi nomi Abu Hurayba masjidi (yoki Abu Heriba va boshqalar shakllarda) boʻlib, bu nom 1852-yilda gumbazli maqbaraga dafn etilgan va valiy sifatida tanilgan shayx Abu Hurayba ismidan olingan[5][6].

Masjid tasviri 50 Misr funti banknotasida aks ettirilgan[2].

Manbalar

  1. ↑ „ar:بالصور: مسجد قجماس الأسحاقي الشهير بـ"أبو حريبة" وجامع الخمسين جنيه“ (ar). Masrawy. Qaraldi: 2018-yil 12-yanvar.
  2. ↑ 2,0 2,1 2,2 2,3 Williams, Caroline. Islamic Monuments in Cairo: The Practical Guide, 7th, Cairo: The American University in Cairo Press, 2018. 
  3. ↑ 3,0 3,1 Behren-Abouseif, Doris. Cairo of the Mamluks: A History of its Architecture and its Culture. The American University in Cairo Press, 2007. 
  4. ↑ 4,0 4,1 O'Kane, Bernard. The Mosques of Egypt. Cairo: The American University in Cairo Press, 2016 — 66–70-bet. 
  5. ↑ „ar:مسجد قجماس الإسحاقى.. شهرته «أبو حريبة».. براعة معمارية تاريخها 177 عاما.. إيوانات مزخرفة.. أسقف ملونة.. كتابات قرآنية بالخط الكوفى.. فيديو وصور“ (ar). El Balad. Qaraldi: 2018-yil 12-yanvar.
  6. ↑ „Masjid Amir Qijmas al-Ishaqi“. ArchNet.org (2026-yil 18-oktyabr). Qaraldi: 2018-yil 12-yanvar. 
"https://ziyosfera.uz/index.php?title=Amir_Qijmas_al-Ishoqiy_masjidi&oldid=284169" dan olindi