Kontent qismiga oʻtish

Alison Peasgood

ZiyoSfera, erkin ensiklopediya
Alison Peasgood

Alison Peasgood Loch Lomondda
Shaxsiy maʼlumotlari
Jinsi Ayol
Tavallud paytidagi ismi Alison Patrick
Fuqaroligi Britan
Tavallud sanasi 1987-yil 1-oktyabr (1987-10-01) (39 yosh)
Kirkcaldy, Shotlandiya[1]
Sport
Mamlakat Buyuk Britaniya
Qaysi sport para-velosport
Murabbiy(lar)i Hazel Smith
Brooke Gillies

Alison Peasgood (qizlik familyasi: Alison Patrick; 1987-yil 1-oktyabrda tugʻilgan) – britaniyalik paratriatlonchi. U 2016-yilgi Yozgi Paralimpiada oʻyinlarida ayollar PT5 toifasida Hazel Smith yoʻlboshchiligida ishtirok etib, kumush medalni qoʻlga kiritdi[2]. U 2024-yilgi Paralimpiada oʻyinlarida Brooke Gillies hamkorligida yana ishtirok etdi[3].

Hayoti

Alison 1987-yilda albinizm bilan tugʻilgan. U tugʻma koʻr boʻlgan, keyin biroz koʻra boshlagan, ammo hech qachon toʻliq koʻrish qobiliyatiga ega boʻlmagan. Bundan tashqari, u koʻz harakatlariga sabab boʻladigan nistagm va albinizm tufayli uning koʻzlari yorugʻlikka sezgir. Alison Loughboroga koʻchib oʻtishdan oldin Dunfermlinedagi Viktoriya kasalxonasida fizioterapevt boʻlib ishlagan[4].

Paratriatlon Olimpiya sporti turi sportchisi sifatida 2016-yil Rio Paralimpiadasida qatnashdi. Patrick PT5 toifasida Avstraliyalik Katie Kellydan keyingi oʻrinni egallab, kumush medalni qoʻlga kiritdi[2]. Uning musobaqadagi yoʻlboshchisi Hazel Smith edi. Ular Paralimpiada oldidan ikki yil davomida mashgʻulot olib borganishgan. Ularning uchrashuvi birgalikda kofe ichish bilan boshlangan va keyin tandem velosipedda mashq qilish bilan davom etgan[5]. Smith ilgari 2014-yilgi Hamdoʻstlik oʻyinlarida jamoa zaxirasi boʻlgan, triatlonchi edi[6].

Alison „Gʻarbiy Fifening yil sportchisi“ deb topilgan[7].

2017-yil mart oyida u Los-Anjelesda boʻlib oʻtgan UCI Para-velosport trek boʻyicha jahon chempionatida ishtirok etgan. U velosportchi Helen Scott bilan hamkorlik qilgan va ular birgalikda yana ikkita medalni qoʻlga kiritishgan. Ularning tandemi 1 km vaqt sinovida uchinchi oʻrinni egalladi va tandem sprintda Thornhill va Hall dan keyingi oʻrinni qayd etib, kumush medal bilan taqdirlandilar[7].

U Tokioda qoldirilgan Paralimpiada p\yinlarida toʻrtinchi oʻrinni egalladi[8].

U 2024-yilda Parijda boʻlib oʻtgan Paralimpiada oʻyinlarida yana ishtirok etdi, unda oʻzining Paralimpiadadagi debyutini amalga oshirgan Brooke Gillies hamrohligida qatnashdi. Gillies u bilan mashq qilish uchun Loughboroga koʻchib oʻtgan, ammo ularning hamkorligi Peasgood farzand koʻrgunicha kechiktirilgan[3]. U Parijda yana toʻrtinchi oʻrinni egalladi, musobaqada Ispaniyalik Susana Rodríguez gʻolib boʻldi[8].

Manbalar

  1. ↑ Hart, Ross. „Fate has a hand in Alison's Games dream“ (en). Dunfermline Press (2021-yil 20-yanvar). Qaraldi: 2023-yil 10-iyun.
  2. ↑ 2,0 2,1 Alison Patrick (Wayback Machine saytida 2016-09-22 sanasida arxivlangan). rio2016.com
  3. ↑ 3,0 3,1 „Para triathlete Alison Peasgood's journey from pregnancy to Paris 2024“ (en). The Herald (2024-yil 28-avgust). Qaraldi: 2024-yil 22-oktyabr.
  4. ↑ Alison Patrick on her meteoric rise to the Rio Paralympics (Wayback Machine saytida 2016-09-19 sanasida arxivlangan), SportScotland, 8 June 2016
  5. ↑ Boulter, Lily „Hazel Smith: Durham Engineer to Olympic medallist“ (en-GB). Palatinate (2016-yil 20-oktyabr). Qaraldi: 2020-yil 18-noyabr.
  6. ↑ Andrew, Louise.. „My Paralympic journey began over coffee“ (en-GB). BBC Sport (2016-yil 2-sentyabr). Qaraldi: 2020-yil 18-noyabr.
  7. ↑ 7,0 7,1 Hart, Ross. „Alison pedals to World Championship gongs“ (en). Dunfermline Press (2017-yil 6-mart). Qaraldi: 2021-yil 16-yanvar.
  8. ↑ 8,0 8,1 „Paratriathlon star Alison goes close to Paris medal“ (en). Dunfermline Press (2024-yil 2-sentyabr). Qaraldi: 2024-yil 22-oktyabr.

Havolalar

Vikiomborda „Alison Peasgood“ mavzusi boʻyicha mediafayllar bor. 
"https://ziyosfera.uz/index.php?title=Alison_Peasgood&oldid=279261" dan olindi