Alexandra Truwit
| Alexandra Truwit | |
|---|---|
| Shaxsiy maʼlumotlari | |
| Taxallusi/Laqabi | Ali |
| Fuqaroligi |
 AQSH |
| Tavallud sanasi |
2000-yil 31-may[1] Darien, Connecticut, AQSh |
| Sport | |
| Mamlakat | AQSh |
| Qaysi sport | para suzish |
Alexandra Truwit (2000-yil 31-mayda tugʻilgan) – amerikalik para suzuvchi. 2024-yilgi Yozgi Paralimpiya oʻyinlarida AQSh sharafini himoya qilgan.
Yoshlik davri va taʼlimi
Truwit New Canaan shahridagi St. Lukeʼs maktabida tahsil olgan[2]. Uning maktabida suzish jamoasi boʻlmagani uchun Truwit Chelsea Piers suzish jamoasi tarkibida musobaqalarda ishtirok etgan[3].
Truwit keyinchalik Yale universitetida oʻqigan va „Yale Bulldogs“ suzish hamda shoʻngʻish jamoasi aʼzosiga aylangan[4]. Sportchi Kognitiv fan va xulq-atvor iqtisodiyoti boʻyicha bakalavr darajasini olgan[5].
Karyerasi
2024-yilgi AQSh Paralimpiya saralash musobaqalarida Truwit S10 toifasida 100 metrga chalqancha suzish yoʻnalishida 1:08.98 koʻrsatkich bilan Amerika rekordini oʻrnatdi[6]. 2024-yil 30-iyunda u Parijda boʻlib oʻtgan 2024-yilgi yozgi Paralimpiya oʻyinlarida ishtirok etuvchi AQSh terma jamoasi tarkibiga kiritilgan[7][8][9]. Truwit ikki marotaba Paralimpiya oʻyinlari kumush medali sohibasi boʻlgan, jumladan, ayollar oʻrtasida S10 toifasida 400 metrga erkin usulda suzish hamda 100 metrga chalqancha suzish bahslarida sovrindor boʻlgan[10].
Shaxsiy hayoti
Truwitning onasi Jody 1991-yilda Yale universitetining ayollar oʻrtasida suzish va shoʻngʻish jamoasi sardori boʻlgan[3]. 2023-yil may oyida Yale universitetini tugatganidan ikki kun oʻtib, Truwit doʻsti Sophie Pilkinton bilan Terks va Kaykos orollarida dam olayotgan edi. Karib dengizida shnorkeling vaqtida unga akula hujum qilgan. Akula uning toʻpigʻidan pastki qismi va oyogʻining bir qismini tishlab ketgan[11]. Truwit xavfsizligi uchun qayiq tomonga qaytish maqsadida 50–75 yard masofani suzishga majbur boʻlgan. Qayiqqa qaytgach, Pilkinton Truwitning oyogʻidan qon ketishini toʻxtatish uchun turniketdan foydalangan va uning hayotini saqlab qolgan. Shundan soʻng Truwit havo yoʻli orqali Mayamidagi kasalxonaga olib ketilgan va infeksiyaga qarshi kurashish maqsadida 2 ta operatsiyani boshdan kechirgan[12][13]. 31-may yaʼni tugʻilgan kunida protez bilan yaxshi harakatlanishi uchun oyogʻining tizzadan past qismidan amputatsiya qilingan[14][15].
Manbalar
- ↑ „TRUWIT Alexandra“. Paris 2024 Paralympics. Qaraldi: 2024-yil 26-avgust. (alternate link)
- ↑ „Ali Truwit '18 Is Paris Bound“. stlukesct.org (2024-yil 1-iyul). 2024-yil 26-avgustda asl nusxadan arxivlangan. Qaraldi: 2024-yil 26-avgust.
- ↑ 3,0 3,1 „Ali Truwit“. teamusa.com. Qaraldi: 2024-yil 26-avgust.
- ↑ „Ali Truwit“. yalebulldogs.com. Qaraldi: 2024-yil 26-avgust.
- ↑ Sullivan. „Ali Truwit“. airmail.news (2024-yil 3-avgust). Qaraldi: 2024-yil 26-avgust.
- ↑ Overend. „Elizabeth Marks Ties World Record on Opening Night of U.S. Paralympic Swimming Trials“. swimswam.com (2024-yil 27-iyun). Qaraldi: 2024-yil 26-avgust.
- ↑ Gowdy. „U.S. Paralympics Swimming Roster Announced for 2024 Paralympic Games“. usparaswimming.org (2024-yil 30-iyun). Qaraldi: 2024-yil 26-avgust.
- ↑ „After losing leg in shark attack, CT native is set to compete on US paralympic team“. New England News Collaborative (2024-yil 11-iyul). Qaraldi: 2024-yil 26-avgust.
- ↑ Zymaris. „Darien swimmer who lost part of her leg in shark attack clinches Paralympic Games spot“. WTNH (2024-yil 1-iyul). 2024-yil 26-avgustda asl nusxadan arxivlangan. Qaraldi: 2024-yil 26-avgust.
- ↑ Riddell, Don. „Reentering the pool caused 'flashbacks' to shark attack in which she lost her leg. Now this swimmer has two Paralympic medals“. CNN (2024-yil 8-sentyabr). Qaraldi: 2024-yil 9-sentyabr.
- ↑ Moore. „Former Yale swimmer from Darien sets sights on Paralympics after losing leg in shark attack“ (2024-yil 28-may). Qaraldi: 2024-yil 26-avgust.
- ↑ Price. „One Year After Devastating Shark Attack, Ali Truwit Is Back In The Water, Now As A Para Swimmer“. usparaswimming.org (2024-yil 25-aprel). Qaraldi: 2024-yil 26-avgust.
- ↑ Hyatt. „A shark attack nearly ended a star swimmer's career — but it hasn't kept her from the water“. NBC News (2024-yil 23-avgust). Qaraldi: 2024-yil 26-avgust.
- ↑ Overend. „Former Yale Swimmer Ali Truwit Eyes Paralympic Debut One Year After Losing Leg in Shark Attack“. swimswam.com (2024-yil 6-may). Qaraldi: 2024-yil 26-avgust.
- ↑ Butterfield. „Connecticut Paralympian felt 'depth of sadness' after shark attack. Now she's loving the water again.“ (2024-yil 22-avgust). Qaraldi: 2024-yil 26-avgust.