Al-Munzir VI ibn an-Nuʼmon
| Al-Munzir VI ibn an-Nuʼmon | |
|---|---|
| Laxmiylar qirolligi hukmdori | |
| Saltanat | 633-yildan boshlanib, 8 oy davom etgan |
| Oʻtmishdoshi | Azadbeh |
| Davomchisi | Lavozim tugatilgan |
| Vafoti |
tax. 633 Javatha, hozirgi Saudiya Arabistonining Al-Ahsa muhofazasi |
| Uy | Laxmiylar |
| Otasi | An-Nuʼman III ibn al-Munzir |
| Dini | Nestorianlik |
Al-Munzir VI ibn an-Nu’mon (arabcha: المنذر بن النعمان) Laxmiylar sulolasining qadimiy al-Hira shahrida hukmronlik qilgan soʻnggi vakili. Al-Maʼrur laqabi bilan ham tanilgan. An-Nu’mon III ibn al-Munzirning oʻgʻli edi. Fors hokim Azadbehdan keyin taxtga kelib, al-Hira ustidan Laxmiylar hukmronligini vaqtincha tiklagan. Hukmronligi qisqa boʻlib, atigi sakkiz oy davom etgan.
Biografiyasi
Bolalik davri
Al-Munzir an-Nu’mon III ibn al-Munzirning oʻgʻli boʻlgan. Al-Maʼrur unvoniga ham ega edi. Laxmiylar sulolasiga mansub boʻlib, yoshlik davri haqida juda kam maʼlumot saqlanib qolgan[1].
Vaqtinchalik hukmronligi va oʻlimi
Forsiy hokim Azadbeh 633-yilda Roshidun xalifaligining musulmon qoʻshinlari al-Hiraga bostirib kirgach, oʻz hokimiyatidan voz kechib, qochib ketgan[2]. Shundan soʻng hokimiyat yana Laxmiy oilaga qaytib, al-Munzir taxtni egallagan[3]. Biroq, uning hukmronligi atigi sakkiz oy davom etgan. Bu muddat ichida Xolid ibn Valid boshchiligidagi musulmon qoʻshinlari uning hududlariga yurish boshlagan[1][3]. Tarixchi Muhammad ibn Habib al-Bagʻdodiyning maʼlumotiga koʻra, al-Munzir musulmonlarga qarshi jangda Javatha nomli joyda (hozirgi al-Ahsa muhofazasi) halok boʻlgan[4].
Merosi
Al-Munzir al-Hiraning soʻnggi Laxmiy hukmdori boʻlgan. Uning vafoti bilan hukmron sulola barham topgan[1][3]. Al-Munzir vafot etgan 633-yilda Hira jangidan soʻng musulmonlar Mesopotamiyaning boshqa hududlari kabi al-Hirani ham oʻz nazoratiga olgan[5].
Diniy mansubligi
Al-Munzir VI nestoriy boʻlgan boʻlishi mumkin. Chunki Laxmiylar sulolasi asosan nestorianlik eʼtiqodiga mansub boʻlgan[6]. Biroq, Ibn Habib Kitāb al-Muḥabbar asarida al-Munzirni „murtad“ deb tilga olgan. Bu atama uning Islomni qabul qilib, keyinchalik undan qaytgan boʻlishi ehtimolini anglatadi[4].
Manbalar
- ↑ 1,0 1,1 1,2 Barru, Taufique. [[1](https://shamela.ws/book/11084) Tarikh al-Arab al-Qadim], 2nd (Arabic), Cairo, Egypt: Dar Al Fikr, 2001.
- ↑ Bosworth, C. E. (1987). [[2](http://www.iranicaonline.org/articles/azadbeh) "ĀZĀḎBEH B. BĀNEGĀN"]. Encyclopaedia Iranica, Vol. III, Fasc. 2. p. 177. [3](http://www.iranicaonline.org/articles/azadbeh).
- ↑ 3,0 3,1 3,2 Mubarakpuri, Saifur Rahman (2008). The Sealed Nectar: Biography of the Noble Prophet. Dar-us-Salam Publications. ISBN 978-9960899558
- ↑ 4,0 4,1 al-Baghdadi, Ibn Habib. [[4](https://shamela.ws/book/12205) Kitāb al-Muḥabbar] (Arabic). Hyderabad, India: Maṭba'at al-Ma'ārif al-'Uthmāniyah, 1942.
- ↑ The Cambridge history of Iran. 4: The period from the Arab invasion to the Saljuqs / ed. by R. N. Frye, 6. print, Cambridge: Cambridge Univ. Pr, 1975. ISBN 978-0-521-20093-6.
- ↑ Fisher, Greg; Wood, Phillip (2016). [[5](http://dx.doi.org/10.1080/00210862.2015.1129763) "Writing the History of the "Persian Arabs": The pre-Islamic perspective on the "Nasrids" of al-Hirah"]. Iranian Studies 49 (2): 247–290. [6](http://dx.doi.org/10.1080/00210862.2015.1129763).