Abubakr Muhammad
Abubakr Muhammad (941-yilda vafot etgan) Chagʻoniyonning ilk muhtojiy hukmdori (939-yilgacha) va Somoniylar Xurosoni noibi (933—939) boʻlgan. Muzaffar ibn Muhtojning oʻgʻli.
Kelib chiqishi
Muhtojiylarning kelib chiqish tarixi nomaʼlum. Mazkur nom zamonaviy tarixchilar tomonidan sulolaning taxminiy ajdodi Muhtoj (arabcha: محتاج Muḥtoj) sharafiga berilgan. Sulola ilk oʻrta asrlarda Chagʻoniyonni boshqargan Chagʻonxudodlarning avlodlari boʻlishi mumkin. Yana bir ehtimoliy taxmin shuki, sulolaning ajdodlari mintaqaga koʻchib kelib, keyinchalik forslashib ketgan arablar boʻlgan. Nima boʻlganda ham, Chagʻoniyon 10-asr boshlarida Buxoro Somoniylarining vassaliga aylangan edi.
Biografiyasi
Sulolaning manbalarda qayd etilgan birinchi toʻlaqonli hukmdori Abubakr Muhammaddir. Somoniylar hukmronligi ostidagi Fargʻona noibi boʻlgan. 929-yilda Somoniylar amiri Nasr II oʻz aka-ukalari tomonidan vaqtincha hokimiyatdan chetlatilgan davrda Muhammad amirga sodiqligini saqlab qoldi. Natijada, Nasr yana hokimiyatga qaytishga muvaffaq boʻlgach, Muhammadni Balx viloyati noibi etib tayinlagan. 939-yilda esa Xuroson noibi lavozimiga tayinladi. Muhammad Xuroson hukmdori boʻlib turgan davrida shimoliy Eron hududidagi turli daylamiy guruhlarga qarshi jangler olib borgan. Muhammad 939-yilda kasal boʻlib qolgach, oʻrniga Abu Ali Chagʻoniy tayinlangan. Abubakr Muhammad 941-yilda vafot etgan.
Manbalar
- Bosworth, C. E. "Al-e Mohtaj." Encyclopedia Iranica. 22 September 2006. <http://www.iranicaonline.org/articles/al-e-mohtaj-a-local-dynasty>
- Frye, R.N. „The Sāmānids“, . The Cambridge History of Iran, Volume 4: From the Arab Invasion to the Saljuqs. Cambridge: Cambridge University Press, 1975 — 136–161-bet. ISBN 0-521-20093-8.