Abu Tammom
Abu Tammom (taxminan 796-yil, Damashq — 843-yil, Mosul) — arab shoiri. Asosan qasida yozgan. Arab she’riyatidagi „qadimga qaytish“ harakatining asoschilaridan. Abu Tammom oʻz davrida xalq ijodi asosida turli sheʼriy toʻplamlar, tazkiralar ham yaratgan. 7 ta tazkirasi maʼlum. Bizgacha „Kitob ul-hamosa“ („Jasorat kitobi“) va „An-Naqoid jorir va al-Axtal“ („Jarir va al-Axtalning hajviyalari“) asarlari yetib kelgan. Beruniy oʻz asarlarida uning she’rlaridan koʻplab namunalar keltirgan va sheʼr yozish uslubini tahlil qilib, „Qofiyat al-alif min al itmom fi sheʼr Abu Tammom“ („Abu Tammom sheʼrlaridagi alif qofiyasi sharhi“) nomli sharh yozgan.[1]
Manbalar
- ↑ Fayl:National Encyclopedia of Uzbekistan logo.png „Abu Tammom“, Oʻzbekiston milliy ensiklopediyasi (A-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |